ଅର୍ଗସ ବ୍ୟୁରୋ : ତାଳଚେର ମେଡିକାଲକୁ କଲେଜ ପାଇଁ ଚିଠି ଲେଖନ୍ତୁ ରାଜ୍ୟ ସରକାର । ରାଜ୍ୟ ସରକାର ତୁରନ୍ତ ଦରଖାସ୍ତ ଦିଅନ୍ତୁ ଏହାକୁ ମେଡିକାଲ କଲେଜ କରିବାକୁ । ନ୍ୟାସନାଲ୍ ମେଡିକାଲ୍ କମିଶନଙ୍କ ପାଖକୁ ଦରଖାସ୍ତ ପଠାଇବାକୁ ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । 

ଆଜି ତାଳଚେର ମେଡିକାଲର ଶୁଭାରମ୍ଭ କାର୍ଯ୍ୟକ୍ରମ ଥିଲା । ଏହି ଅବସରରେ ଏ ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ । କୋଭିଡ୍ ବେଳେ ତାଳଚେର, ଅନୁଗୁଳ, ଭୁବନେଶ୍ଵରରେ ଏମସିଏଲ ୩୦୦ କୋଟି ଖର୍ଚ୍ଚ କରିଥିଲା । ୯ ବର୍ଷରେ ଅନୁଗୁଳ ଜିଲ୍ଲା ଓଡ଼ିଶାର ରାଜକୋଷରେ ୬୦ ହଜାର କୋଟିର ଦାୟିତ୍ଵ ନେଇଛି । ଆଗରୁ ସବୁ ଅର୍ଥ ଦିଲ୍ଲୀ ରାଜକୋଷକୁ ଆସୁଥିଲା, ପ୍ରଧାନମନ୍ତ୍ରୀଙ୍କ ଦୂର ଦୁଷ୍ଟିରୁ ଏହା ପରିବର୍ତ୍ତନ ହୋଇଛି । 

ଆଜିର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ,  କେନ୍ଦ୍ର ସଂସଦୀୟ ବ୍ୟାପାର, କୋଇଲା ଓ ଖଣିମନ୍ତ୍ରୀ ପ୍ରହ୍ଲାଦ ଯୋଶୀ ଭିଡିଓ କନଫେରନସିଂରେ ସାମିଲ୍ ହୋଇଥିଲେ । ମେଡିକାଲ ପ୍ରତିଷ୍ଠା ଦିଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ।