ଗୁରୁବାର ଜମ୍ମୁ-କାଶ୍ମୀରର ଅବନ୍ତିପୋରାର ତ୍ରାଲରେ ଅପରେସନ୍‌ ବେଳେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଘଟିଥିଲା । ଏହି ସମୟରେ ଜୈଶ-ଏ-ମହମ୍ମଦର ତିନି ଜଣ ଆତଙ୍କବାଦୀଙ୍କୁ ନିହତ କରିଥିଲା ଭାରତୀୟ ସେନା । ଏବେ ସେମାନଙ୍କ ପରିଚୟ ସାମ୍ନାକୁ ଆସିଛି । ଏହି ଆତଙ୍କବାଦୀଙ୍କ ମଧ୍ୟରୁ ଜଣେ ହେଲା ଆମିର ନାଜିର ୱାନି। ତାର ମୃତ୍ୟୁ ପୂର୍ବର ଏକ ଭିଡିଓ ଏବେ ଖୁବ୍‌ ଭାଇରାଲ ହେଉଛି। ଯେଉଁଥିରେ ସେ ନିଜ ମା ସହ ଭିଡିଓ କଲ୍‌ରେ କଥା ହେଉଛି । କୁହାଯାଉଛି ଏହି ଭିଡିଓଟି ମୃତ୍ୟୁର କିଛି ସମୟ ପୂର୍ବରୁ ରେକର୍ଡ କରାଯାଇଛି ।

ଭିଡିଓରେ ଆତଙ୍କବାଦୀ ଜଣକ ଭିଡିଓ କଲ୍‌ରେ ମା' ସହ କଥା ହେଉଛି । ଭିଡିଓ କଲ୍‌ରେ ଆମିରର ମାଆ ତାକୁ ଆତ୍ମସମର୍ପଣ କରିବାକୁ କହୁଛନ୍ତି, କିନ୍ତୁ ସେ ଏହା କରିବାକୁ ମନା କରୁଛି। କିନ୍ତୁ ସେ ଏଥିରେ ରାଜି ହେଉନାହିଁ। ଓଲଟା ସେ କହୁଛି ଯେ ସେନାକୁ ଆସିବାକୁ ଦିଅ, ମୁଁ ଦେଖିବି। ସୂତ୍ର ଅନୁସାରେ, ଯେତେବେଳେ ସୁରକ୍ଷା ବାହିନୀ ତାଙ୍କୁ ଆତ୍ମସମର୍ପଣ କରିବାକୁ କହିଲେ, ଆତଙ୍କବାଦୀ ଗୁଳି ଚଳାଇବା ଆରମ୍ଭ କଲା। ଫଳରେ ଯବାନମାନେ ମଧ୍ୟ ଗୁଳି ଚାଳାଇଲେ । ଏଥିରେ ଆତଙ୍କବାଦୀର ମୃତ୍ୟୁ ହେଲା ।

ଅଧିକାରୀମାନେ କହିଛନ୍ତି ଯେ ଏନକାଉଣ୍ଟରରେ ନିହତ ତିନି ଆତଙ୍କବାଦୀ ହେଲେ ଆସିଫ ଅହମ୍ମଦ ଶେଖ, ଆମିର ନାଜିର ୱାନି ଏବଂ ୟୱାର ଅହମ୍ମଦ ଭଟ୍ । ଏମାନେ ସମସ୍ତେ ଜମ୍ମୁ କାଶ୍ମୀରର ପୁଲୱାମା ଜିଲ୍ଲାର ବାସିନ୍ଦା ଥିଲେ।

ତ୍ରାଲରେ ହୋଇଥିଲା ଏନ୍‌କାଉଣ୍ଟର

ଶ୍ରୀନଗର ମୁଖ୍ୟାଳୟ, ସେନାର ୧୫ତମ କୋର୍ପସ କହିଛି ଯେ ୧୫ ମଇ, ୨୦୨୫ରେ, ସୁରକ୍ଷା ଏଜେନ୍ସିଗୁଡ଼ିକରୁ ମିଳିଥିବା ଗୁଇନ୍ଦା ସୂଚନା ଆଧାରରେ, ଭାରତୀୟ ସେନା, ଜମ୍ମୁ ଓ କାଶ୍ମୀର ପୋଲିସ ଏବଂ ଶ୍ରୀନଗର ସେକ୍ଟର ସିଆରପିଏଫ ଦ୍ୱାରା ଅବନ୍ତିପୋରାର ତ୍ରାଲର ନାଦେରରେ ଏକ ଘେରାବନ୍ଦୀ ଏବଂ ଅପରେସନ୍ ଆରମ୍ଭ କରାଯାଇଥିଲା। ଏହି ସମୟରେ, ଅବନ୍ତିପୋରା ସବ-ଡିଭିଜନର ତ୍ରାଲ ଅଞ୍ଚଳରେ ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷା ବାହିନୀ ଉପରେ ଗୁଳି ଚଳାଇବା ଆରମ୍ଭ କରିଥିଲେ।

ଗତ ୪୮ ଘଣ୍ଟା ମଧ୍ୟରେ ଏହା ଘାଟିରେ ଦ୍ୱିତୀୟ ଏନକାଉଣ୍ଟର ଥିଲା। ଏହା ପୂର୍ବରୁ ସୁରକ୍ଷା ବାହିନୀ କେଲର ଅଞ୍ଚଳରେ ତିନି ଜଣ ଲସ୍କର-ଏ-ତୈବା ଆତଙ୍କବାଦୀଙ୍କୁ ନିହତ କରିଥିଲେ। ଏହି ଏନକାଉଣ୍ଟରରେ ଗତ ବର୍ଷ ମେ ମାସରେ ଶୋପିଆନର ହିରପୋରାରେ ବିଜେପି ସରପଞ୍ଚଙ୍କୁ ହତ୍ୟା କରିଥିବା ଆତଙ୍କବାଦୀ ମଧ୍ୟ ନିହତ ହୋଇଥିଲା। ୨୦୨୪ ମସିହାରେ ଆତଙ୍କବାଦୀ ଗୋଷ୍ଠୀରେ ଯୋଗ ଦେଇଥିବା ଶଫି, ଶୋପିଆନ ଜିଲ୍ଲାର ୱାଚିରେ ଜଣେ ବାହାର ରାଜ୍ୟର ଶ୍ରମିକଙ୍କ ହତ୍ୟାରେ ସାମିଲ ଥିଲା। ଅସ୍ତ୍ରବିରତି ପରେ ମଧ୍ୟ ସୀମାରେ ଗୁଳିଚାଳନା ବନ୍ଦ ହୋଇନାହିଁ।

ଆପଣଙ୍କୁ କହି ରଖୁଛୁ ଯେ ଭାରତ ଏବଂ ପାକିସ୍ତାନ ମଧ୍ୟରେ ୧୦ ମଇରେ ଯୁଦ୍ଧବିରତି ଘୋଷଣା କରାଯାଇଥିଲା। କିନ୍ତୁ ଯୁଦ୍ଧବିରତି ପରେ ମଧ୍ୟ ପାକିସ୍ତାନ ପଟୁ ଆତଙ୍କବାଦୀ ଆକ୍ରମଣ କମି ନାହିଁ । ଯୁଦ୍ଧବିରତିର ପ୍ରାୟ ଦୁଇ ଘଣ୍ଟା ପରେ, ଆତଙ୍କବାଦୀମାନେ ଜମ୍ମୁ ଜିଲ୍ଲାର ନାଗ୍ରୋଟା ଅଞ୍ଚଳରେ ଥିବା ହ୍ୱାଇଟ୍ ନାଇଟ୍ କର୍ପସ ମୁଖ୍ୟାଳୟ ବାହାରେ ଥିବା ସେଣ୍ଟ୍ରି ପୋଷ୍ଟ ଉପରେ ଗୁଳି ଚଳାଇଥିଲେ।

ये इस्लामिक आतंकी आमिर नाज़िर वानी है, जिसे आज त्राल में भारतीय सेना ने मार गिराया है

मरने से पहले इसने अपने घरवालों को वीडियो कॉल किया और बोला कि मैं अब जन्नत जा रहा हूं

इसके घरवाले भी बिल्कुल कूल लग रहे हैं

इसके घर वालों ने इसे एक बार भी नहीं कहा कि तुम सरेंडर कर दो

क्या… pic.twitter.com/aWdgComdWS
— 🇮🇳Jitendra pratap singh🇮🇳 (@jpsin1) May 15, 2025

Argus News | argus news | -Argusnews Home: Odisha Latest News, Breaking News, Trending News, Live TV and more