Raghav Joining Congress / ଆପ୍ ଛାଡି କଂଗ୍ରେସରେ ମିଶିବେ ରାଘବ, ଅଳକା ଲାମ୍ବା କହିଲେ...

ଆପ ପଞ୍ଜାବରୁ ନିଜର ରାଜ୍ୟସଭା ସାଂସଦ ରାଘବ ଚଢାଙ୍କୁ ଉଚ୍ଚ ସଦନରେ ଉପନେତା ପଦରୁ କାଢ଼ି ନେଇଛି, ଏବଂ ଏହି ଦାୟିତ୍ୱ ସେହି ରାଜ୍ୟର ଆଉ ଜଣେ ରାଜ୍ୟସଭା ସାଂସଦ ଅଶୋକ କୁମାର ମିତ୍ତଲଙ୍କୁ ଦେଇଛି। ଆପ ରାଜ୍ୟସଭା ସାଂସଦ ରାଘବ ଚଢା ନିଜ ଦଳ ଭିତରେ ନେତାମାନଙ୍କ ଦ୍ୱାରା ସମାଲୋଚନାର ଶିକାର ହୋଇଛନ୍ତି। ରାଜନୈତିକ ମହଲରେ ମଧ୍ୟ ତାଙ୍କ ଭବିଷ୍ୟତକୁ ନେଇ ବିଭିନ୍ନ କଳ୍ପନାଜଳ୍ପନା ଚାଲିଛି। ପଦରୁ ହଟାଇବା ପରେ, ରାଘବ ଚଢା ଏକ ଭିଡିଓ ବାର୍ତ୍ତା ଜାରି କରିଛନ୍ତି। ସେ କହିଛନ୍ତି ଯେ, ଯେତେବେଳେ ତାଙ୍କୁ ସଂସଦରେ କହିବାର ସୁଯୋଗ ମିଳେ, ସେ ସିଧାସଳଖ ଜନସାଧାରଣଙ୍କ ସମ୍ପର୍କିତ ପ୍ରସଙ୍ଗ ଉଠାଇଥାନ୍ତି।

ସେ ଉଠାଇଥିବା ପ୍ରସଙ୍ଗଗୁଡ଼ିକ ଦେଶର ଜନସାଧାରଣଙ୍କୁ ଲାଭ ପହଞ୍ଚାଉଥିଲା । କିନ୍ତୁ ସେ ପ୍ରଶ୍ନ କରିଥିଲେ ଯେ ଏହା ଆମ ଆଦମୀ ପାର୍ଟିର କ’ଣ କ୍ଷତି କରିଛି ? ବର୍ତ୍ତମାନ ଖବର ଉଠୁଛି କି, କଂଗ୍ରେସରେ ମିଶିବେ ରାଘବ ଚଢ଼ା। ଏହା ମଧ୍ୟରେ, ଜଣେ ସୋସିଆଲ ମିଡିଆ ବ୍ୟବହାରକାରୀ ଏକ ପ୍ରଶ୍ନ ପୋଷ୍ଟ କରି ପଚାରିଥିଲେ ଯେ, ରାଘବ ଚଢା କଂଗ୍ରେସରେ ଯୋଗଦେବାକୁ ଯୋଜନା କରୁଛନ୍ତି କି? ଏହାର ଉତ୍ତରରେ ମହିଳା କଂଗ୍ରେସ ସଭାପତି ଅଳକା ଲାମ୍ବା ଏକ ଆକର୍ଷଣୀୟ ଉତ୍ତର ଦେଇଛନ୍ତି।

ଅଳକା ଲାମ୍ବା କ’ଣ କହିଲେ?

ଅଳକା ଲାମ୍ବା କହିଛନ୍ତି ଯେ ଆପର ଉଭୟ ରାଜ୍ୟସଭା ସାଂସଦ କେବଳ ଉଚ୍ଚ ସଦନରେ ସେମାନଙ୍କର ବର୍ତ୍ତମାନର କାର୍ଯ୍ୟକାଳ ସମାପ୍ତ ହେବା ପର୍ଯ୍ୟନ୍ତ ଦଳରେ ରହିବେ। ପରବର୍ତ୍ତୀ ସମୟରେ ସେ ଦାବି କରିଥିଲେ ଯେ ଉଭୟ ବିଜେପିରେ ଯୋଗଦେବେ। ଅଳକା ଲାମ୍ବା ନିର୍ଦ୍ଦିଷ୍ଟ ଭାବରେ “ଉଭୟ ରାଜ୍ୟସଭା ସାଂସଦ” ବୋଲି ଉଲ୍ଲେଖ କରିଥିଲେ। ତଥାପି, ସେ ଦ୍ୱିତୀୟ ରାଜ୍ୟସଭା ସାଂସଦଙ୍କ ପରିଚୟ ପ୍ରକାଶ କରି ନଥିଲେ ଯାହାଙ୍କ ବିଷୟରେ ତାଙ୍କ ଦାବି ଉଲ୍ଲେଖ ଥିଲା।

ଏଥିସହ ପଢ଼ନ୍ତୁ:  କାହିଁକି ରାଘବ ଚଡ୍ଡାଙ୍କୁ ରାଜ୍ୟସଭା ଉପନେତା ପଦରୁ ହଟାଇଲା AAP; କହିଲା କାରଣ

‘X’ (ପୂର୍ବରୁ ଟ୍ୱିଟର) ରେ ଜଣେ ବ୍ୟବହାରକାରୀ ଲେଖିଛନ୍ତି, “ରାଘବ ଚଢା କଂଗ୍ରେସରେ ଯୋଗଦେବାକୁ ଯୋଜନା କରୁଛନ୍ତି କି? କାରଣ ଶୀଲା ଦୀକ୍ଷିତଙ୍କ ପରେ କଂଗ୍ରେସ ବର୍ତ୍ତମାନ ଦିଲ୍ଲୀରେ ରାଜଧାନୀର ପ୍ରତିନିଧିତ୍ୱ କରିବା ପାଇଁ ସକ୍ଷମ ଜଣେ ପ୍ରମୁଖ ମୁହଁର ଅଭାବ ରଖିଛି। ଏହା ବ୍ୟତୀତ ନିକଟ ଭବିଷ୍ୟତରେ ଯଦି କଂଗ୍ରେସ ଦିଲ୍ଲୀ ପାଇଁ ‘ରାଘବ ଚଢା’ଙ୍କୁ ମୁଖ୍ୟମନ୍ତ୍ରୀ ମୁହଁ ଭାବରେ ବାଜି ଲଗାଏ, ତେବେ ଏହା ସଫଳ ହୋଇପାରେ! ଆପଣ କ’ଣ ଭାବନ୍ତି? ରାଘବ ପ୍ରକୃତରେ କଂଗ୍ରେସରେ ଯୋଗଦେବେ କି?” ଏହି ପୋଷ୍ଟରେ ଅଳକା ଲାମ୍ବା ଉତ୍ତର ଦେଇଥିଲେ।

ଏଥିସହ ପଢ଼ନ୍ତୁ ରାଜନୀତି ଖବର: