ବିଜେଡିରେ ବିସ୍ଫୋରଣ । ଦଳରେ ହଲଚଲ । ଶଙ୍ଖ ଭବନରେ ବଡ଼ ବୈଠକ । ଅରୁଣଙ୍କୁ ମନାଇବା ପାଇଁ ବସିଲା ବୈଠକ । ବରିଷ୍ଠଙ୍କ ରାଗରୁଷାକୁ ନେଇ କୋଟେରୁ ଗ୍ରୁପରେ ହୋଇଥିଲା ବଡ଼ ହଲଚଲ, ଆଉ ଶେଷରେ ଅରୁଣଙ୍କୁ ମନାଇବାକୁ ଉଦ୍ୟମ ହେଲା । ଆଉ ପରେ ଅରୁଣ କରିଥିଲେ ସାମ୍ବାଦିକ ସମ୍ମିଳନୀ । ଦଳରେ ବରିଷ୍ଠ ନେତ୍ରୀ ଶ୍ରୀମୟୀ ମିଶ୍ର ଓ ଦେବାଶିଷ ସାମନ୍ତରାୟଙ୍କ ବିସ୍ଫୋରଣ ପରେ ଟେନସନରେ ଅଛନ୍ତି ରିମୋର୍ଟ ଧରିଥିବା ଭୈରବ । ଆଉ ଦଳରେ ଏବେ ଚାଲିଛି ଘନ ଘନ ବୈଠକ, କାହା ବିରୋଧରେ ହେବ ଆକସନ୍ ତାକୁ ନେଇ ଝଡ ସୃଷ୍ଟି ହୋଇଛି । ସେପଟେ ବିଜେଡ଼ି ପ୍ରତିଦିନ ନୂଆ ବିସ୍ଫୋରଣ କରୁଛି । ଦଳର ଅସଲ ମୁଖା ଖୋଲି ଦେବାରୁ ଶ୍ରୀମୟୀଙ୍କ ଉପରେ ଆକ୍ସନ ଖଣ୍ଡା ।

ସେପଟେ ବରିଷ୍ଠଙ୍କ ବିଷୋଦଗାର ଜ୍ଵାଳାକୁ ଥଣ୍ଡା କରିବା ପାଇଁ ଅରୁଣ ସାହୁଙ୍କୁ ମନାଇବାକୁ ଉଦ୍ୟମ ଆରମ୍ଭ କରିଛି ବିଜେଡ଼ି । ନିଜ "ସାଇତା ସତ" ବହି ମାଧ୍ୟମରେ ବିଜେଡ଼ର ଭିତିରି ଗୁମର ଖୋଲି ଦେଇଥିଲେ ଅରୁଣ । ତେଣୁ ଶଙ୍ଖ ଭବନ ଠାରେ ପ୍ରେସ ମିଟରେ ବସାଇ ଅରୁଣଙ୍କ ମାନ ଭଞ୍ଜନ ଲାଗି ଭୈରବ ଖେଳିଲେ ନୂଆ ଚାଲ । ଆଉ ସେପଟେ ଦଳର ପରିଚାଳନା ମୁଖିଆ ଦେଖିବା ପାଇଁ ଅନୁରୋଧ କରିଛନ୍ତି ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ । ଅନ୍ୟପଟେ ଆକ୍ସନକୁ ନେଇ ଫାଳ ଫାଳ ବିଜୁ ଜନତା ଦଳ । ଶ୍ରୀମୟୀଙ୍କ ବିରୋଧରେ ଯଦି ଆକ୍ସନ ହେବ ମନ୍ମଥ ବିରୋଧରେ କାହିଁକି ନୁହେଁ ? ଦେବାଶିଷଙ୍କ ବିରୋଧରେ ଆକ୍ସନ ପାଇଁ ସାହସ ଜୁଟାଇ ପାରିବ ତ ଦଳ ? କାହା ନାଁ ନେଇନଥିବା ଶ୍ରୀମୟୀଙ୍କ ବିରୋଧରେ କେଉଁ ଆଧାରରେ ହେବ ଆକ୍ସନ ।

ଶ୍ରୀମୟୀଙ୍କ ସପକ୍ଷରେ ବାହାରିଛନ୍ତି ଦେବାଶିଷ ସାମନ୍ତାରାୟ । ଦୁଇ କର୍ପୋରେଟର ଦୀପକ ଓ ଅଜିତ ବି ଧୋଇ ଦେଇଛନ୍ତି ମନ୍ନଥ ରାଉତରାୟଙ୍କୁ । ନାରୀନେତ୍ରୀଙ୍କ ଭିଡିଓ ଭାଇରାଲ୍ ଧମକ ଦେଇଥିବା ମନ୍ନଥଙ୍କ ବିରୋଧରେ କେବେ ଆକ୍ସନ । ସେପଟେ ମନ୍ମଥଙ୍କ ବିରୋଧରେ ଦଳ ଆକ୍ସନ ନେବାକୁ ମୁଖିଆଙ୍କୁ ନିବେଦନ କରିଛନ୍ତି ବରିଷ୍ଠ ନେତା ଅଶୋକ ରାଉତ । 24 ବିପର୍ଯ୍ୟୟ ପରେ ବି ବିଜେଡ଼ି ତଣ୍ଟିରେ କଣ୍ଟା ହୋଇ ଲାଗିଛନ୍ତି ଭୈରବ । ଯାହାକୁ ନେଇ ଯୁବ, ମହିଳା, ବରିଷ୍ଠ ନେତା ସମସ୍ତଙ୍କ ଭିତରେ ଜଳୁଛି ଅସନ୍ତୋଷର ନିଆଁ । ରଣେନ୍ଦ୍ର ପ୍ରତାପ ସ୍ୱାଇଁ, ଭୂପିନ୍ଦର ସିଂ , ବଦ୍ରି ନାରାୟଣ ପାତ୍ରଙ୍କ ଠାରୁ ଆରମ୍ଭ କରି ଅନେକ ନେତା ମୁହଁ ଖୋଲିଛନ୍ତି । ଭାସ୍କର ରାଓ , ଲାଲବିହାରୀ ହିମିରିକା, ହରିଶଙ୍କର ରାଉତ ପରି ନେତା ଦଳ ଛାଡିଛନ୍ତି । ବରିଷ୍ଠ ନେତାଙ୍କ ପ୍ରଫୁଲ ମଲ୍ଲିକ ତୁଣ୍ଡ ଖୋଲି ମୁଣ୍ଡ ଗଡାଇଛନ୍ତି । ଆଉ ଏପରି ସ୍ଥିତିରେ ଯେତେ ଚେଷ୍ଟା କଲେ ବି ଦଳର ଭିତିରି କନ୍ଦଳ ସମ୍ଭଳିବାରେ ବିଫଳ ଦଳର ମୁଖିଆ । ତେବେ ଆଗକୁ ବିଜେଡ଼ି ଭିତରେ ଲାଗିଥିବା ଏହି ଦଳୀୟ ଅଶାନ୍ତିର ନିଆଁ ଲିଭୁଛି ନା ବିଜେଡିର ଅନ୍ତର କାରଣ ପାଲଟୁଛି ତାହା ଉପରେ ରହିଛି ନକର ।

ଅଧିକ ପଢ଼ନ୍ତୁ ରାଜନୀତି ଖବର: