ପରମ୍ପରା ଭାଙ୍ଗିଲେ ବିଜେଡି ସଭାପତି ନବୀନ ପଟ୍ଟନାୟକ । ନିଜ ଦଳର ପଦଯାତ୍ରାରେ ହେଲେନି ସାମିଲ । ସବୁ ବର୍ଷ ଭଳି ଅକ୍ଟୋବର ମାସରେ ପଦଯାତ୍ରା କଲା ବିଜେଡି । କିନ୍ତୁ ଏଥର ସାମିଲ ହେଲେନି ବିଜେଡି ସୁପ୍ରିମୋ । ଆଉ ବିଜେଡି ପଦଯାତ୍ରାକୁ କଟାକ୍ଷ କରିଛି ବିଜେପି । ବିଧାୟକ ସରୋଜ ପାଢ଼ୀ କହିଛନ୍ତି- ନବୀନ ଆଉ ଓଡ଼ିଶା ଆସିବେ ନାହିଁ । ବିଜେଡିର ଭବିଷ୍ୟତ ଅନ୍ଧାରରେ ।

ଦୀର୍ଘ ୨୪ ବର୍ଷର ପରମ୍ପରାକୁ ଭାଙ୍ଗିଲେ ନବୀନ । ଦୀର୍ଘ ମାସେ ହେବ ଦିଲ୍ଲୀରେ ଅଛନ୍ତି ନବୀନ । ସତେ ଯେମିତି ନିଜକୁ ଓଡ଼ିଶା ରାଜନୀତିଠାରୁ ଦୁରେଇ ରଖିଛନ୍ତି । ବିଧାନସଭାର ମୌସୁମୀ ଅଧିବେଶନ ହେଉ କି ବିଜେଡିର ପଦଯାତ୍ର । କୌଣସି କାର୍ଯ୍ୟକ୍ରମରେ ହେଉନାହାନ୍ତି ସାମିଲ ।

ଏହାସହ ପଢ଼ନ୍ତୁ:- 'ଲୋକେ କହୁଥିଲେ ଖେଳ ଛାଡ଼ି ବାପା ସହ ଅଟୋ ଚଲା'

ସେପଟେ କିଛି ଦିନ ଧରି ବିଜେଡିର ଏକ ଗୋଷ୍ଠୀ ନବୀନ ଆସିବେ ଆସିବେ ବୋଲି ପ୍ରଚାର କରି ଶେଷରେ ନିରାଶ ହୋଇଛନ୍ତି । ତେବେ କଟକରେ ପଦାକୁ ଆସିଛି ପଦଯାତ୍ରା ବେଳେ କନ୍ଦଳର ଚିତ୍ର । ମେୟର ସୁବାସ ସିଂ ଓ ସାଂସଦ ଦେବାଶିଷ ସାମନ୍ତରାୟଙ୍କ ଗୋଷ୍ଠୀ ଅଲଗା ଅଲଗା ଆସି ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି । ଏପଟେ କିନ୍ତୁ ବିଜେଡି ନେତା କହିଛନ୍ତି ନବୀନ ଅନୁପସ୍ଥିତ ଥାଇପାରନ୍ତି କିନ୍ତୁ ଲୋକେ ନବୀନଙ୍କୁ ଭଲ ପାଆନ୍ତି ।

ସେପଟେ ବିଜେଡି ପଦଯାତ୍ରାକୁ କଟାକ୍ଷ କରିଛନ୍ତି ବିଜେପି ବିଧାୟକ ସରୋଜ ପାଢ଼ୀ । ୨୪ ବର୍ଷର କୁକର୍ମ ପାଇଁ ଲୋକେ ନବୀନ ପଟ୍ଟନାୟକଙ୍କୁ ପ୍ରତ୍ୟାଖ୍ୟାନ କରିଛନ୍ତି । ଲୋକେ ଦୁରେଇ ଦେବା କାରଣରୁ ନବୀନ ଓଡ଼ିଶା ଛାଡ଼ି ପଳେଇଛନ୍ତି । ଯେଉଁଥିପାଇଁ ନବୀନ ଓଡ଼ିଶା ଆସିବା ପାଇଁ ମଧ୍ୟ ଆଉ ଚାହୁଁ ନାହାଁନ୍ତି ବୋଲି କହିଛନ୍ତି ଆସ୍କା ବିଧାୟକ ।

ଏହାସହ ପଢ଼ନ୍ତୁ:- ମହିଳାଙ୍କୁ ଆତଙ୍କୀ ଟ୍ରେନିଂ ଦେଉଛି ଜୈସ-ଏ-ମହମ୍ମଦ !

ପରାଜୟ ପରେ ବିଜେଡି ଭିତରେ ବଢିଛି ଗୋଷ୍ଠୀ କନ୍ଦଳ । ଭିନ୍ନ ଭିନ୍ନ ଜାଗାରେ ଭିନ୍ନ ଭିନ୍ନ ଗୋଷ୍ଠୀ କରି ମେଳି ବାନ୍ଧୁଛନ୍ତି ନେତା । ଦଳରେ ଏବେ ବି ଅନେକ ନେତା ପାଣ୍ଡିଆନଙ୍କ ହାକିମାତିକୁ ନେଇ କରୁଛନ୍ତି ବିଦ୍ରୋହ। କ୍ଷମତା ଯିବା ପରେ ନବୀନଙ୍କ ନିର୍ଦ୍ଦେଶକୁ ପ୍ରତ୍ୟକ୍ଷ ଓ ପରୋକ୍ଷରେ ମାନୁ ନାହାଁନ୍ତି ନିଜ ଦଳର ନେତା ।