ରାଜଧାନୀରେ ନବୀନ ଟ୍ରଷ୍ଟକୁ ନେଇ ପୋଷ୍ଟର । ପ୍ରଭାତ, ସୌଭିକ ଓ ପ୍ରଭାତ ତ୍ରିପାଠୀଙ୍କୁ ନେଇ କଟକ ବିଜେଡି ଅସ୍ଥିର । ପ୍ରଭାତ ଓ ସୌଭିକଙ୍କ ସମର୍ଥନରେ ଦଳ ଛାଡ଼ିବେ କର୍ପୋରେଟର । ଟ୍ରଷ୍ଟରୁ ନେଇ ସଂଗଠନ ସବୁକୁ ନେଇ ବଢୁଛି ନବୀନଙ୍କ ଟେନସନ ।

୨୦୨୪ ସାଧାରଣ ନିର୍ବାଚନ, ୨୦୨୫ ନୂଆପଡ଼ା ଉପନିର୍ବାଚନ, ୨୦୨୬ ରାଜ୍ୟସଭା ନିର୍ବାଚନ । ଗୋଟିଏ ପରେ ଗୋଟିଏ ପଲିଟିକାଲ୍ ଝଟକା ପରେ ଏବେ ନବୀନଙ୍କ ନିଦ ହଜାଇ ଦେଇଛି ତାଙ୍କରି ନାଁରେ ଖୋଲାଯାଇଥିବା ଟ୍ରଷ୍ଟ ଆଉ ନିଜ ଦଳର ଅନ୍ତଃକନ୍ଦଳ । ସ୍ଥିତି କଣ୍ଟ୍ରୋଲ୍ ବାହାରେ ଯାହାକୁ ବିଜେଡି ସୁପ୍ରିମୋଙ୍କ ମନରେ ଛନକା ।
ଏ ସବୁ ଭିତରେ ନବୀନଙ୍କ ଟେନସନ୍‌ ବଢ଼ାଇ ଦେଇଛି ପୋଷ୍ଟର ଆଉ ବ୍ୟାନର । ଯାହା ରାଜଧାନୀ ଭୁବନେଶ୍ବରର ଛକ ଛକରେ ଛାଇଯାଇଛି । ଫଟୋରେ ନବୀନଙ୍କ ସହ ଅଛି ପାଣ୍ଡିଆନ ଓ ସତୃପ୍ତ ମିଶ୍ରଙ୍କ ଫଟୋ । ଦିଲ୍ଲୀରେ ବିଜୁ ନବୀନ ଟ୍ରଷ୍ଟକୁ ନେଇ ଟାର୍ଗେଟ୍ କରାଯାଇଛି, କାହା ସ୍ବାର୍ଥ୍ବରେ ଟ୍ରଷ୍ଟ ବୋଲି ବିଜେଡି ସୁପ୍ରିମୋଙ୍କୁ ଜବାବ ମଗାଯାଇଛି ।  ଏ ବେନାମୀ ପୋଷ୍ଟରକୁ ଚକ୍ରାନ୍ତକାରୀଙ୍କ ଷଡ଼ଯନ୍ତ୍ର ବୋଲି ଅଭିଯୋଗ କରିଛି ବିଜେଡି । ଯାହାର କଡ଼ା କାଉଣ୍ଟର କରିଛି ବିଜେପି ।

ଗୋଟିଏ ପଟେ ପୋଷ୍ଟର ଟେନସନ ଅନ୍ୟପଟେ କଟକ ବିଜେଡିରେ କନ୍ଦଳ ଆଉ ଭୁଶୁଡୁଥିବା ଦଳୀୟ ସଂଗଠନ ଏବେ ବଢ଼ାଇଛି ନବୀନଙ୍କ ମୁଣ୍ଡବିନ୍ଧା । ଦଳୀୟ ନେତୃତ୍ୱକୁ ଚ୍ୟାଲେଞ୍ଜ ଦେଇ ଚୌଦ୍ଵର କଟକର ୧୩ ବିଜେଡି କର୍ପୋରେଟର ଦଳରୁ ବହିଷ୍କାର ହୋଇଥିବା ପ୍ରଭାତ ବିଶ୍ୱାଳଙ୍କ ଘରେ ରୁଦ୍ଧଦ୍ବାର ବୈଠକ କରିଛନ୍ତି । ଏମାନେ ସମୂହ ଇସ୍ତଫା ଦେବାକୁ ଚେତାବନୀ ଦେଇଥିଲେ, ତେବେ ଆଜି ବୈଠକ ପରେ ପ୍ରଭାତ ବିଶ୍ବାଳଙ୍କ ଉପରେ ଛାଡ଼ିଛନ୍ତି ନିଷ୍ପତ୍ତି । ୟା ଭିତରେ ନରମି ଯାଇଛି ମେୟର ସୁବାସ ସିଂଙ୍କ ସ୍ବର। ବିବାଦ କଥାକୁ ଏଡ଼ାଇ କର୍ପୋରେଟରଙ୍କୁ କରିଛନ୍ତି ଭାଇଭଉଣୀ ସମ୍ବୋଧନ ।

ପ୍ରଭାତ ବିଶ୍ବାଳଙ୍କ ସହ ପ୍ରଭାତ ତ୍ରିପାଠୀଙ୍କୁ ପାଇଁ କଟକ ବିଜେଡି ରାଜନୀତିରେ ହଲଚଲ । ପ୍ରଭାତ ଓ ପୁଅ ଦେବୀରଞ୍ଜନଙ୍କ ଅନୁଗତମାନେ ପାଣ୍ଡିଆନଙ୍କ ବିରୋଧରେ ଆନ୍ଦୋଳନ କରି ଦଳରୁ ହୋଇଛନ୍ତି ନିଲମ୍ବିତ । ଏବେ ଦୁଇ ପ୍ରଭାତଙ୍କ ସହ ଟ୍ରଷ୍ଟ ବିବାଦକୁ କେମିତି ମ୍ୟାନେଜ୍ କରିବା ବିଜେଡି ସୁପ୍ରିମୋଙ୍କ ପାଇଁ ବଡ଼ ଚ୍ୟାଲେଞ୍ଜ ।