ବିଜେଡିର ପଦଯାତ୍ରାକୁ କଟାକ୍ଷ କଲେ ବିଜେପି ବିଧାୟକ ସରୋଜ ପାଢ଼ୀ । ସେ କହିଛନ୍ତି, ନବୀନ ଆଉ ଓଡ଼ିଶା ଆସିବେ ନାହିଁ । ଲୋକେ ଦୂରେଇ ଦେବା କାରଣରୁ ନବୀନ ଓଡ଼ିଶା ଛାଡ଼ି ପଳେଇଛନ୍ତି । ଯେଉଁଥି ପାଇଁ ନବୀନ ଓଡ଼ିଶା ଆସିବା ପାଇଁ ମଧ୍ୟ ଆଉ ଚାହୁଁ ନାହାଁନ୍ତି । ତାଙ୍କର କିଛି ଗୋଡ଼ାଣିଆ ଅଛନ୍ତି ଯେଉଁମାନେ ମିଛ ପ୍ରଚାର କରୁଛନ୍ତି ଆଜି ଆସିବେ, କାଲି ଆସିବେ । କିନ୍ତୁ ନବୀନ ଆଉ ଓଡ଼ିଶା ଆସିବେ ନାହିଁ ।

ବିଜେପି ବିଧାୟକ ସରୋଜ ପାଢ଼ୀ ଆହୁରି କହିଛନ୍ତି, ବିଜେଡି ହେଉଛି ପ୍ରତ୍ୟାକ୍ଷିତ ଦଳ । ବିଜେଡିର ପଦଯାତ୍ରାକୁ ଲୋକେ ଗ୍ରହଣ କରିବେ ନାହିଁ । ବିଜେଡିର ଭବିଷ୍ୟତ ଅନ୍ଧାର । ବିଜେଡି ଅନ୍ଧାରରେ ଅଛି, ଆହୁରି ଅନ୍ଧାରକୁ ଯିବ ବୋଲି ସେ କହିଛନ୍ତି । ସେହିପରି ବରିଷ୍ଠ ନେତାମାନେ କହିଲେଣି ଆମେ ଏମିତି ଦଳରେ ଅଛୁ ଯେଉଁଠି ନେତୃତ୍ୱ ନେବା ପାଇଁ କେହି ନାହାନ୍ତି । ଦଳର ବରିଷ୍ଠ ଓ ଯୁବ ନେତାମାନେ ରାତି ଅଧିଆ ବୈଠକ କରି ଅନ୍ୟ ଦଳକୁ ଯିବା ବାଟ ଖୋଜୁଛନ୍ତି ବୋଲି ସରୋଜ ପାଢ଼ୀ କହିଛନ୍ତି ।

ଅଧିକ ପଢ଼ନ୍ତୁ: ସରକାରଙ୍କ ଘୋଷଣା ପରେ ଛାନିଆ ବିଜେଡି ଓ କଂଗ୍ରେସ !

ସେହିପରି ସେ ଆହୁରି କହିଛନ୍ତି, ୨୪ ବର୍ଷର କୁକର୍ମ ପାଇଁ ଲୋକେ ନବୀନ ପଟ୍ଟନାୟକଙ୍କୁ ପ୍ରତ୍ୟାଖ୍ୟାନ କରିଛନ୍ତି । ନେତୃତ୍ବ ନଥାଇ କି ପଦଯାତ୍ରା କରୁଛି ବିଜେଡି । ଇତିହାସରେ ଏହା କେବେ ହୋଇ ନଥିଲା । ବିଜୁ ଜନତା ଦଳର ନେତୃତ୍ବ ହେଉଛନ୍ତି ନବୀନ । ତାଙ୍କ ଅନୁପସ୍ଥିତିରେ କି ପଦଯାତ୍ରା କରୁଛି ଦଳ । ବିରୋଧୀ ଦଳ ନେତା ଭାବେ ବିଧାନସଭାକୁ ଆସିଲେ ନାହିଁ କି ଦଳୀୟ କାର୍ଯ୍ୟକ୍ରମକୁ ବି ଆଜି ଆସିଲେ ନାହିଁ । ଏଥିରୁ ଜଣାପଡୁଛି ବିଜେଡିର ଏବେ ବାପା ନାହିଁ କି ମାଆ ନାହିଁ । ବିଜେପିର ନେତୃତ୍ୱ ଆଉ ସଂଗଠନ ଆଗରେ ବିଜେଡିକୁ ପଚାରେ କିଏ ?

ଆଉ ଏପଟେ ରାଜା ସ୍ୱାଇଁଙ୍କ ଭଳି ନେତୃତ୍ୱଙ୍କୁ ଅପମାନ କରାଯାଉଛି । ପ୍ରସନ୍ନ ଆଚାର୍ଯ୍ୟଙ୍କ ଭଳି ନେତା ଆଗରେ ହସୁଥିଲେ ବି ପଛରେ କାନ୍ଦୁଛନ୍ତି । ପ୍ରମିଳା ମଲ୍ଲିକ ଆଗରେ କହିକି ପଛରେ ଲୁଚୁଛନ୍ତି। ବରିଷ୍ଠ ନେତା ମାନେ କହିଲେଣି ଆମେ ଏମିତି ଦଳରେ ଅଛୁ ଯେଉଁଠି ନେତୃତ୍ୱ ନେବା ପାଇଁ କେହି ନାହାନ୍ତି । ବିଜେଡି ଅନ୍ଧାରରେ ଅଛି ଆହୁରି ଅନ୍ଧାରକୁ ଯିବ ବୋଲି ସରୋଜ ପାଢ଼ୀ କହିଛନ୍ତି । ତେବେ ବିଜେପି ବିଧାୟକଙ୍କ ଏହି ବୟାନକୁ ନେଇ ବିଜେଡି ନେତାଙ୍କ ପ୍ରତିକ୍ରିୟା ମିଳିପାରିନି ।