ବିଜେଡି ନୋଟିସ୍‌ର ଜବାବ ଚେତାବନୀରେ । ରାଜ୍ୟସଭା ନିର୍ବାଚନରେ କ୍ରସ୍‌ ଭୋଟିଂ ପାଇଁ ୬ ବିଧାୟକଙ୍କୁ କାରଣ ଦର୍ଶାଅ ନୋଟିସ୍‌ କରିଥିଲା ବିଜେଡି । ଆଜି ଡେଡ୍‌ଲାଇନ ଥିବା ବେଳେ ଉତ୍ତର ରଖି ଦଳର ମୁଖ୍ୟ ସଚେତକଙ୍କୁ କଡ଼ା ଜବାବ ଦେଇଛନ୍ତି ବିଧାୟକ ଦେବୀ ରଞ୍ଜନ ତ୍ରିପାଠୀ । ପ୍ରମିଳା ମଲ୍ଲିକଙ୍କୁ ଆଇନର ପାଠ ପଢାଇ ଦେବୀ ଲେଖିଛନ୍ତି ଜାରି କରାଯାଇଥିବା କାରଣ ଦର୍ଶାଅ ନୋଟିସ୍‌ ଭିତ୍ତିହୀନ, ଆଧାରହୀନ, ଅସାମ୍ବିଧାନିକ । ଫୌଜଦାରୀ ମାମଲା କରିବାକୁ ଦେଲେ ଧମକ । ଅନ୍ୟ ୫ ବିଧାୟକ ବି ରଖିଲେ ନୋଟିସର ପ୍ରତି ଉତ୍ତର ।

ରାଜ୍ୟସଭା ନିର୍ବାଚନରେ କ୍ରସ୍‌ ଭୋଟିଂ ପାଇଁ ୬ ବିଧାୟକଙ୍କୁ କାରଣ ଦର୍ଶାଅ ନୋଟିସ୍‌ କରିଥିଲା ବିଜେଡି । ଆଜି ଡେଡ୍‌ଲାଇନ ଥିବା ବେଳେ ଉତ୍ତର ରଖି ଦଳର ମୁଖ୍ୟ ସଚେତକଙ୍କୁ କଡ଼ା ଜବାବ ଦେଇଛନ୍ତି ବିଧାୟକ ଦେବୀରଞ୍ଜନ ତ୍ରିପାଠୀ । ପ୍ରମିଳା ମଲ୍ଲିକଙ୍କୁ ଆଇନର ପାଠ ପଢାଇ ଦେବୀ ଲେଖିଛନ୍ତି, ଜାରି କରାଯାଇଥିବା କାରଣ ଦର୍ଶାଅ ନୋଟିସ୍‌ ଭିତ୍ତିହୀନ, ଆଧାରହୀନ, ଅସାମ୍ବିଧାନିକ ।

ସୁପ୍ରିମକୋର୍ଟର ଏକ ମାମଲାର ଉଦାହରଣ ଦେଇ କହିଛନ୍ତି ରାଜ୍ୟସଭା ନିର୍ବାଚନରେ ଦଳୀୟ ହ୍ବିପ୍‌ କାମ କରେ ନାହିଁ । ଏହା ECIଙ୍କ ନିର୍ଦ୍ଦେଶନାମାକୁ ଉଲ୍ଲଂଘନ କରୁଛି । ନୋଟିସ୍‌ ଜାରି କରି ଧମକ ଦେବାକୁ ଚେଷ୍ଟା କରିବା ଦଣ୍ଡନୀୟ ଅପରାଧ । ତେଣୁ ନୋଟିସ୍‌ ପ୍ରତ୍ୟାହାର ନ କଲେ ପାଲଟା ମାମଲା ପାଇଁ କହିଛନ୍ତି ଦେବୀ । ରମାକାନ୍ତ ଭୋଇ ବି ସମାନ ଢଙ୍ଗରେ ଦେଇଛନ୍ତି କଡ଼ା ଜବାବ ।

ଏ ଦୁଇ ବିଧାୟକଙ୍କ ସହ ଚକ୍ରମଣି କଅଁର, ନବ ମଲ୍ଲିକ, ସୌଭିକ ବିଶ୍ୱାଳ ଓ ସୁବାସିନୀ ଜେନା ବି ଦେଇଛନ୍ତି ନୋଟିସ୍‌ର ଉତ୍ତର । ତେବେ ବିରୋଧୀ ଦଳର ମୁଖ୍ୟ ସଚେତକ ଭାବେ ପ୍ରମିଳା ମଲ୍ଲିକ ୧୭ ତାରିଖରେ ୬ ଜଣ ବିଧାୟକଙ୍କୁ ଦେଇଥିଲେ କାରଣ ଦର୍ଶାଅ ନୋଟିସ୍‌ । ଏଥିରେ ଲେଖିଥିଲେ ଦଳର ନିଷ୍ପତ୍ତିକୁ ନ ମାନି ରାଜ୍ୟସଭା ନିର୍ବାଚନରେ ଭୋଟ୍‌ ଦେବା ବିଶୃଙ୍ଖଳିତ ଆଚରଣ । ବିଧାୟକଙ୍କ ଉତ୍ତର ଆସିବା ପରେ ପ୍ରମିଳା କହିଛନ୍ତି ଦଳ ଏବେ ଫିଲଟର ହେଉଛି, ସବୁ ଅଳିଆ ବାହାରିଗଲେ ସ୍ବଚ୍ଛ ହେବ ।

ଚର୍ଚ୍ଚା ହେଉଛି କ୍ଷମତା ଗଲା ପରେ ହୁଗୁଳା ହୋଇଛି ବିଜେଡି ସୁପ୍ରିମୋଙ୍କ କର୍ତ୍ତୃତ୍ବ । ଏବେ କଡ଼ା ଜବାବ ସହ ପାଲଟା ଧମକ ପରେ ଏହି ବିଧାୟକଙ୍କ ଉପରେ ନବୀନ କି ଆକ୍ସନ ନେଉଛନ୍ତି ତା ଉପରେ ନଜର ରହିଛି ।

ଏଥିସହ ପଢ଼ନ୍ତୁ: କଂଗ୍ରେସରେ କ୍ରସ୍‌ ଭୋଟିଂ ଇମ୍ପାକ୍ଟ, ମୁହାଁମୁହିଁ ହେଲେ ରମେଶ - ସାଗର