ରାଜ୍ୟସଭା ନିର୍ବାଚନ ପାଇଁ ବଢ଼ିଲା ରୋମାଞ୍ଚ । ଚତୁର୍ଥ ଆସନରେ ହେବ ରୋଚକ ଲଢେଇ । ଦିଲୀପ ରାୟ ହେବେ ସ୍ବାଧୀନ ରାଜ୍ୟସଭା ପ୍ରାର୍ଥୀ । ଆସନ୍ତା ମାର୍ଚ୍ଚ ୫ ତାରିଖରେ ନାମାଙ୍କନ ଦାଖଲ କରିବେ ଦିଲୀପ ରାୟ । ପ୍ରାର୍ଥୀପତ୍ର ଦାଖଲ ନେଇ ସୂଚନା ଦେଲେ ଦିଲୀପ ରାୟ ।

ସେପଟେ ରାଜ୍ୟସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ରାଜ୍ୟସଭା ପାଇଁ ୨ ଜଣ ପ୍ରାର୍ଥୀ ଘୋଷଣା କଲା ବିଜେପି । ବିଜେପି ରାଜ୍ୟ ସଭାପତି ମନମୋହନ ସାମଲ ଓ ସୁଜିତ କୁମାର ବିଜେପିର ରାଜ୍ୟସଭା ପ୍ରାର୍ଥୀ ହୋଇଛନ୍ତି । ୨୦୨୩ ମାର୍ଚ୍ଚ ୨୪ରୁ ରାଜ୍ୟ ବିଜେପି ସଭାପତି ଅଛନ୍ତି ମନମୋହନ ସାମଲ । ୧୯୯୯ରୁ ୨୦୦୪ ଯାଏଁ ବି ରାଜ୍ୟ ବିଜେପି ସଭାପତି ଥିଲେ ମନମୋହନ । ୨୦୦୦ରୁ ୨୦୦୪ ଯାଏଁ ରାଜ୍ୟସଭା ସଦସ୍ୟ ଥିଲେ ମନମୋହନ ସାମଲ । ମନମୋହନ ୨୦୦୪ରେ ଭଦ୍ରକର ଧାମନଗର ଆସନରୁ ବିଧାୟକ ହୋଇଥିଲେ । ୨୦୦୪ରୁ ବିଜେପି-ବିଜେଡି ମେଣ୍ଟ ସରକାରରେ ରାଜସ୍ବ ମନ୍ତ୍ରୀ ଥିଲେ ମନମୋହନ ।