ନିର୍ବାଚନ ଲଢ଼ିପାରିବେ ନାହିଁ ୪୭୪ଟି ଦଳ । ତାଲିକାରୁ ବାଦ ପଡ଼ିଲେ ଅଚଳ ରାଜନୈତିକ ଦଳ । ନିର୍ବାଚନ କମିଶନ ପକ୍ଷରୁ ସକ୍ରିୟ ନଥିବା ରାଜନୈତିକ ଦଳ ଗୁଡ଼ିକୁ ତାଲିକାରୁ ହଟାଇଛନ୍ତି । ୬ ବର୍ଷ ମଧ୍ୟରେ ନିର୍ବାଚନ ଲଢ଼ିନଥିବା ଦଳ ଏବଂ ବାର୍ଷିକ ଆୟ, ବ୍ୟୟ ରିପୋର୍ଟ ଦାଖଲ କରୁନଥିବା ଦଳ ଗୁଡ଼ିକୁ ତାଲିକାରୁ ବାଦ୍ ଦେଇଛନ୍ତି ନିର୍ବାଚନ କମିଶନ । ବିହାରରେ ୧୧, ତାମିଲନାଡୁରେ ୪୨ ପାର୍ଟି ସମେତ ମୋଟ ୪୭୪ ରାଜନୈତିକ ଦଳର ପଞ୍ଜିକରଣ ରଦ୍ଦ କରିଛନ୍ତି କମିଶନ । ବାଦ୍ ଦିଆଯାଇଥିବା ଦଳ ଗୁଡିକ ଆଗାମୀ ନିର୍ବାଚନରେ ପ୍ରାର୍ଥୀ ଦେଇପାରିବେ ନାହିଁ ।

ଜନ ପ୍ରତିନିଧିତ୍ବ ଅଧିନିୟମ ୧୯୫୧ ଧାରା ୨୯- A ଅନୁସାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ନିର୍ବାଚନ କମିଶନ । ଗତ ୨ ମାସ ମଧ୍ୟରେ ମୋଟ ୮୦୮ ପାର୍ଟିର ପଞ୍ଜିକରଣ ରଦ୍ଦ ହୋଇଛି । ଏବେ ଆଉ ୩୫୯ଟି ରାଜନୈତିକ ଦଳର ସମୀକ୍ଷା ଜାରି ରହିଛି ।