ଆସନ୍ତାକାଲି ଅର୍ଥାତ ମେ' ୨୧ରେ ପଶ୍ଚିମବଙ୍ଗ ଫାଲଟା ବିଧାନସଭା ନିର୍ବାଚନ ମଣ୍ଡଳୀରେ ପୁନଃମତଦାନ ଅନୁଷ୍ଠିତ ହେବ । ଭୋଟିଂ ପୂର୍ବରୁ ଡିସପର୍ସଲ୍ ସେଣ୍ଟରରେ ଜାରି ରହିଛି ଜୋରସୋର ପ୍ରସ୍ତୁତି । ମତଦାନ କର୍ମଚାରୀ ସମ୍ପୂର୍ଣ୍ଣ ପ୍ରସ୍ତୁତ ଏବଂ ସମସ୍ତ କାର୍ଯ୍ୟକଳାପ ସୁରୁଖୁରୁରେ ଚାଲିଥିବା ନିର୍ବାଚନ କମିଶନ ପକ୍ଷରୁ କୁହାଯାଇଛି ।

ମତଦାନ ପ୍ରକ୍ରିୟାର ପ୍ରତ୍ୟେକ ଦିଗ ସୁଗମ ରହିବା ନିଶ୍ଚିତ କରିବା ପାଇଁ ନିରନ୍ତର ତଦାରଖ ବ୍ୟବସ୍ଥା କରାଯାଇଛି । ଆସନ୍ତାକାଲି ମୁକ୍ତ, ନିରପେକ୍ଷ ଏବଂ ଶାନ୍ତିପୂର୍ଣ୍ଣ ମତଦାନ ପାଇଁ ସବୁକିଛି ପ୍ରସ୍ତୁତ ଥିବା ECI ପକ୍ଷରୁ କୁହାଯାଇଛି ।

ଆସନ୍ତାକାଲି ଫଲଟା ବିଧାନସଭା ନିର୍ବାଚନମଣ୍ଡଳୀରେ ମୋଟ ୨୮୫ଟି ବୁଥ୍‌ରେ ମତଦାନ ହେବ । ଶାନ୍ତି ଶୃଙ୍ଖଳା ଓ ନିରପେକ୍ଷ ନିର୍ବାଚନ କରିବା ପାଇଁ ପ୍ରାୟ ୩୫ କମ୍ପାନୀ କେନ୍ଦ୍ରୀୟ ବାହିନୀ ନିୟୋଜିତ କରାଯାଇଛି । ଏହା ସହିତ, ଯେକୌଣସି ଅପ୍ରୀତିକର ଘଟଣାର ମୁକାବିଲା ପାଇଁ ୩୦ଟି QRT ମଧ୍ୟ ପ୍ରସ୍ତୁତ ରହିବେ ।
ନିର୍ବାଚନ କମିଶନ ପୁନଃପୂର୍ତ୍ତି ପାଇଁ ମଧ୍ୟ ନଜର ରଖିବା ପଦକ୍ଷେପ ବୃଦ୍ଧି କରିଛନ୍ତି ।

ଅଧିକ ପଢ଼ନ୍ତୁ: ବେଙ୍ଗଲରେ ମମତାଙ୍କୁ ବଡ଼ ଝଟକା ! ନିର୍ବାଚନ ପୂର୍ବରୁ ମଇଦାନ ଛାଡ଼ିଲେ ଜାହାଙ୍ଗୀର ଖାନ

ସେହିପରି ପ୍ରତ୍ୟେକ ମତଦାନ କେନ୍ଦ୍ର ଭିତରେ ଦୁଇଟି ଏବଂ ବାହାରେ ଗୋଟିଏ ୱେବ୍ କ୍ୟାମେରା ଲଗାଯିବ । ଲାଇଭ୍‌ ଓ୍ବେବ୍‌କାଷ୍ଟିଂ ମାଧ୍ୟମରେ ମତଦାନ ପ୍ରକ୍ରିୟା ଏବଂ ଆଖପାଖ ଅଞ୍ଚଳ ଉପରେ ନଜର ରଖାଯିବ । ଜିଲ୍ଲା ନିର୍ବାଚନ ଅଧିକାରୀ (DEO) ଏବଂ ମୁଖ୍ୟ ନିର୍ବାଚନ ଅଧିକାରୀ (CEO)ଙ୍କ କାର୍ଯ୍ୟାଳୟରୁ ନଜର ରଖାଯିବ ।
ସେପଟେ ଭୋଟିଂ ପୂର୍ବରୁ ମମତା ବାନାର୍ଜୀଙ୍କୁ ଲାଗିଛି ଏକ ବଡ଼ ଝଟକା । ଫଲଟା ବିଧାନସଭା ଆସନରେ ସାନି ନିର୍ବାଚନ ପୂର୍ବରୁ ତୃଣମୂଳ କଂଗ୍ରେସ (ଟିଏମସି) ପ୍ରାର୍ଥୀ ଜାହାଙ୍ଗୀର ଖାନ ନିର୍ବାଚନ ଲଢ଼ିବାକୁ ମନା କରି ଦେଇଛନ୍ତି । ସେ ତାଙ୍କ ପ୍ରାର୍ଥୀତ୍ୱ ପ୍ରତ୍ୟାହାର କରି ନେଇଛନ୍ତି ।

ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ଫାଲଟା ବିଧାନସଭା ନିର୍ବାଚନ ମଣ୍ଡଳୀ ପାଇଁ ୨୯ ଏପ୍ରିଲରେ ଭୋଟ୍ ଦାନ ହୋଇଥିଲା । ସେହିଦିନ ଫାଲଟା ନିର୍ବାଚନ ମଣ୍ଡଳୀର ଅନେକ ବୁଥରେ ରିଗିଂର ଅଭିଯୋଗ ଆସିଥିଲା । ଭାରତୀୟ ଜନତା ପାର୍ଟି (ବିଜେପି) ପ୍ରାର୍ଥୀଙ୍କ ନାମ ଏବଂ ନିର୍ବାଚନ ଚିହ୍ନ ପାଖରେ ଥିବା ଇଭିଏମ୍ ବଟନରେ ଧଳା ଟେପ୍ ଲଗାଯାଇଥିଲା । ପରବର୍ତ୍ତୀ ସମୟରେ ସ୍ୱତନ୍ତ୍ର ନିର୍ବାଚନ ପର୍ଯ୍ୟବେକ୍ଷକ ସୁବ୍ରତ ଗୁପ୍ତା ବ୍ୟକ୍ତିଗତ ଭାବରେ ଫାଲଟା ପରିଦର୍ଶନ କରିଥିଲେ ଏବଂ ଏହି ମାମଲାର ପୁଙ୍ଖାନୁପୁଙ୍ଖ ତଦନ୍ତ କରିଥିଲେ । ତାଙ୍କ ତଦନ୍ତ ରିପୋର୍ଟ ଆଧାରରେ, ଭାରତୀୟ ନିର୍ବାଚନ କମିଶନ (ECI) ସମଗ୍ର ଫାଲଟା ବିଧାନସଭା ନିର୍ବାଚନମଣ୍ଡଳୀରେ ପୁନଃନିର୍ବାଚନ ପାଇଁ ନିର୍ଦ୍ଦେଶ ଦେଇଥିଲେ। ପୁନଃନିର୍ବାଚନ ମେ ୨୧ ତାରିଖରେ ଅନୁଷ୍ଠିତ ହେବ ଏବଂ ଫଳାଫଳ ମେ' ୨୪ ତାରିଖରେ ଘୋଷଣା କରାଯିବ ।