ଆସାମରେ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ ହିମନ୍ତ ବିଶ୍ବ ଶର୍ମା । ବିଜେପି ବିଧାୟକ ଦଳ ବୈଠକରେ ଏହି ନିଷ୍ପତ୍ତି ନିଆଯାଇଛି । ଜେପି ନଡ୍ଡା ହିମନ୍ତ ବିଶ୍ୱା ଶର୍ମାଙ୍କ ନାମ ଘୋଷଣା କରିଛନ୍ତି । ଆସାମ ରାଜନୀତିରେ ତାଙ୍କର ରଣନୈତିକ ବୁଦ୍ଧିମତା ଏବଂ ବିକାଶମୁଖୀ ପ୍ରତିଛବି ପାଇଁ ଜଣାଶୁଣା, ସର୍ମା ଲଗାତାର ଦ୍ୱିତୀୟ ଥର ପାଇଁ ରାଜ୍ୟର ଦାୟିତ୍ୱ ଗ୍ରହଣ କରିବେ ।

#WATCH | Assam | BJP leader Dr Himanta Biswa Sarma elected as the leader of the BJP Legislature Party and the NDA Legislature Party.

Dr Himanta Biswa Sarma will take the oath as the Chief Minister of Assam on May 12. Prime Minister Narendra Modi will attend the ceremony as the… pic.twitter.com/BNJcZD5Abi

— ANI (@ANI) May 10, 2026

ବିଧାୟକ ଦଳର ନେତା ଚୟନ କରିବା ପାଇଁ ବିଜେପି ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏବଂ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନିଙ୍କୁ ପର୍ଯ୍ୟବେକ୍ଷକ ଭାବରେ ନିଯୁକ୍ତ କରିଥିଲା । ରବିବାର ଆସାମ ବିଜେପି ବିଧାୟକ ଦଳର ଏକ ବୈଠକ ଡକାଯାଇଥିଲା, ଯେଉଁଠାରେ ହିମନ୍ତ ବିଶ୍ବ ଶର୍ମାଙ୍କୁ ବିଧାୟକ ଦଳ ନେତା ଭାବେ ଆନୁଷ୍ଠାନିକ ଭାବରେ ନିର୍ବାଚିତ କରାଯାଇଥିଲା । ହିମନ୍ତ ବିଶ୍ୱ ଶର୍ମା ମେ' ୬ ତାରିଖରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ବର୍ତ୍ତମାନ ନୂତନ ସରକାର ଗଠନ ସହିତ ସେ ଲଗାତାର ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ହେବେ ।

ଆସାମରେ ଶପଥ ଗ୍ରହଣ ସମାରୋହ ମେ' ୧୨ ତାରିଖ ସକାଳ ୧୧ଟାରେ ଗୌହାଟିର ଖାନପାରା ପଶୁଚିକିତ୍ସା ମହାବିଦ୍ୟାଳୟ ପଡ଼ିଆରେ ଅନୁଷ୍ଠିତ ହେବାର ସମ୍ଭାବନା ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏବଂ ଅନେକ ବରିଷ୍ଠ ବିଜେପି ନେତା ଏହି କାର୍ଯ୍ୟକ୍ରମରେ ଯୋଗଦେବାର ସମ୍ଭାବନା ରହିଛି । ଦେଶର ପ୍ରାୟ ୨୨ଟି ରାଜ୍ୟର ମୁଖ୍ୟମନ୍ତ୍ରୀମାନଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ବିଜେପି ପ୍ରଥମ ଥର ପାଇଁ ୨୦୧୬ରେ ଆସାମରେ କ୍ଷମତାକୁ ଆସିଥିଲା, ସର୍ବାନନ୍ଦ ସୋନୋୱାଲ ମୁଖ୍ୟମନ୍ତ୍ରୀ ହୋଇଥିଲେ । ପରବର୍ତ୍ତୀ ସମୟରେ ହିମନ୍ତ ବିଶ୍ୱ ଶର୍ମା ୨୦୨୧ରେ ଏହି ପଦ ଗ୍ରହଣ କରିଥିଲେ। ବର୍ତ୍ତମାନ ୨୦୨୬ ବିଧାନସଭା ନିର୍ବାଚନରେ ​​ବିଜେପି ପୁଣି ଥରେ ବିପୁଳ ବିଜୟ ହାସଲ କରିଛି ।