Argus News - ନବ ଦାସଙ୍କୁ କେତେବେଳେ କରାଗଲା ଫାୟାରିଂ ? FIR କହୁଛି ୧୨:୧୫, ଦୀପାଳି କହୁଛନ୍ତି ୧୨:୪୫

ନବ ଦାସଙ୍କୁ କେତେବେଳେ ଗୁଳି ମାଡ଼ ହୋଇଥିଲା । ୧୨:୧୫ ନା ୧୨:୪୫ । FIR କହୁଛି ୧୨:୧୫ । ଏପରିକି ଗୋପାଳ, ନବ ଦାସଙ୍କ ବୋହୂ ମଧ୍ୟ ବୟାନରେ କହିଛନ୍ତି ୧୨:୧୫ । କିନ୍ତୁ ଦୀପାଳୀ କହୁଛନ୍ତି ୧୨:୪୫ । ଏହି ବୟାନକୁ ନେଇ ଏବେ ବିବାଦ ଉପୁଜିଛି । ସେତେବେଳେ ନୀରବ ରହିଥିବା ବିଜେଡି ଏବେ କୁମ୍ଭୀର କାନ୍ଦଣା କାନ୍ଦି ସିବିଆଇ ତଦନ୍ତ ଦାବି କରିଛି । ଅନ୍ୟପଟେ ଆଇନମନ୍ତ୍ରୀ କହିଛନ୍ତି ଖୁବଶୀଘ୍ର ହେବ ଖୁଲାସା ।

ପୂର୍ବତନ ସ୍ବାସ୍ଥ୍ୟମନ୍ତ୍ରୀ ନବ ଦାସଙ୍କୁ କେତେବେଳେ କରାଗଲା ଫାୟାରିଂ । ଏବେ ଦୀପାଳିଙ୍କ ବୟାନକୁ ନେଇ ନୂଆ ବିବାଦ ଛିଡ଼ାହୋଇଛି । ପୋଲିସର FIR ଅନୁସାରେ ୧୨:୧୫ରେ ନବ ଦାସଙ୍କୁ ଗୁଳି ମାଡ଼ କରାଯାଇଥିଲା । ଏପରିକି ଗୋପାଳ ବି ତା ବୟାନରେ ସମାନ କଥା କହିଥିଲା । ନବ ଦାସଙ୍କ ବୋହୂ ବି ସେୟା କହିଥିଲେ । କିନ୍ତୁ ନବ ଦାସଙ୍କ ଶ୍ରାଦ୍ଧ ବାର୍ଷିକିରେ ଦୀପାଳିଙ୍କ ବୟାନ ଦୋମୁହାଁ ଚରିତ୍ର ସାମନାକୁ ଆଣିଛି । ଗୋଟେ ପଟେ ଦୀପାଳି କହୁଛନ୍ତି ୧୨:୨୭ ସେହିଦିନ ତାଙ୍କ ବାପାଙ୍କ ମୋବାଇଲରୁ କଲ ଆସିଥିଲା । ଆଉ ଦିନ ୧୨:୪୫ରେ ବାପାଙ୍କୁ ହୋଇଥିଲା ଗୁଳିମାଡ଼ ।

ସେତେବେଳେ କ୍ରାଇମବ୍ରାଞ୍ଚ ଘଟଣାର ତଦନ୍ତ କରିଥିବାବେଳେ ସନ୍ଦେହ ଘେରରେ ଥିଲା ତତ୍କାଳୀନ ବିଜେଡି ସରକାରର ଆଭିମୁଖ୍ୟ । ବାପାଙ୍କ ମୃତ୍ୟୁର ଉଚ୍ଚସ୍ତରୀୟ ତଦନ୍ତ ଦାବି କରିବା ବଦଳରେ ପୁରା ଚୁପ୍ ରହିଥିଲେ ଦୀପାଳି । ପୁଣି ଦୀପାଳି ବିଜେଡି ଟିକେଟରେ ନିର୍ବାଚନ ଲଢ଼ି ବିଧାୟିକା ହେଲେ । ତା ପରେ ବି ବାପାଙ୍କ ହତ୍ୟାକାଣ୍ଡ ନେଇ ଚୁପ୍ ରହିଥିଲେ ଦୀପାଳି । ମାଆ ଓ ଭାଇ ଷଡ଼ଯନ୍ତ୍ର କଥା କହିଲେ, ହେଲେ ଦୀପାଳି ନିରବ ରହିଲେ । ସେତେବେଳେ ଚୁପ୍‌ ରହିଥିବା ବିଜେଡି ଏବେ କୁମ୍ଭୀର କାନ୍ଦଣା କାନ୍ଦି ସିବିଆଇ ତଦନ୍ତ ଦାବି କରିଛି । ଆଇନମନ୍ତ୍ରୀ କହିଲେ ଖୁବଶୀଘ୍ର ହେବ ଖୁଲାସା ।

ଏବେ ପ୍ରଶ୍ନ କାହିଁକି ବିଜେଡି ସରକାର ବେଳେ ଚୂପ୍ ଥିଲେ ସେତେବେଳର ବିଧାୟିକା ? କାହିଁକି CBI ତଦନ୍ତ ପାଇଁ ନବୀନଙ୍କ ପାଖରେ ଦାବି କଲେନି ? ଯଦି ଦୀପାଳି କ୍ରାଇମବ୍ରାଞ୍ଚ ତଦନ୍ତରେ ସନ୍ତୁଷ୍ଟ ନାହାନ୍ତି, ତେବେ ହାଇକୋର୍ଟରେ କାହିଁକି ସିବିଆଇ ତଦନ୍ତ ନେଇ ଦାବି କରୁନାହାନ୍ତି ? କାହିଁକି ତ୍ବରିତ ଶୁଶାଣି ପାଇଁ ନେଉନାହାନ୍ତି ଅଦାଲତର ଆଶ୍ରୟ ?