Sofia Firdous OJC / କଂଗ୍ରେସ ନୁହେଁ, OJCରୁ ନିର୍ବାଚନ ଲଢ଼ିବେ ସୋଫିଆ ଫିର୍ଦ୍ଦୋସ !

ଆଗାମୀ ବିଧାନସଭା ନିର୍ବାଚନକୁ ଏବେ ଆହୁରି ଅନେକ ସମୟ ବାକି ରହିଛି । କିନ୍ତୁ ଏବେଠୁ ରାଜନୀତି ସରଗରମ ହୋଇଛି । ଏହାରି ମଧ୍ୟରେ କଟକ ବାରବାଟୀ ନିର୍ବାଚନମଣ୍ଡଳୀକୁ ନେଇ ଆସିଛି ଏକ ବଡ଼ ରାଜନୈତିକ ଖବର। କଂଗ୍ରେସ ଟିକେଟରେ ନୁହେଁ, ଏଥର ଓଡ଼ିଶା ଜନତା କଂଗ୍ରେସ (ଓଜେସି) ପକ୍ଷରୁ ବିଧାନସଭା ନିର୍ବାଚନ ଲଢ଼ିବେ ବିଧାୟିକା ସୋଫିଆ ଫିର୍ଦ୍ଦୋସ ।

ଆସନ୍ତା ବିଧାନସଭା ନିର୍ବାଚନରେ ଓଡ଼ିଶା ଜନତା କଂଗ୍ରେସ ବା ଓଜେସିରୁ ବିଧାୟକ ପଦ ପାଇଁ ନିର୍ବାଚନ ଲଢ଼ିବେ ସୋଫିଆ । ଏକ ଗଣମାଧ୍ୟମକୁ ସାକ୍ଷାତକାର ଦେବା ସମୟରେ ଏହି ସୂଚନା ଦେଇଛନ୍ତି ବିଧାୟିକାଙ୍କ ବାପା ତଥା ଓଜେସିର ସଭାପତି ମହମ୍ମଦ ମୋକିମ । ବର୍ତ୍ତମାନ କଂଗ୍ରେସର କିଛି ନୀତି ଆଦର୍ଶ ନାହିଁ । ସେଥିପାଇଁ ଓଜେସିରୁ ସୋଫିଆ କଟକ ବାରବାଟୀ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଧାୟକ ପଦବୀ ପାଇଁ ନିର୍ବାଚନ ଲଢ଼ିବେ ବୋଲି କହିଛନ୍ତି ମୋକିମ ।

ତେବେ ଏହି ଘୋଷଣାକୁ ନେଇ ସୋଫିଆ ଫିର୍ଦ୍ଦୋସଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ସିଧାସଳଖ ପ୍ରତିକ୍ରିୟା ମିଳିନାହିଁ । ତେଣୁ ଆଗାମୀ ଦିନରେ ତାଙ୍କ ରାଜନୈତିକ ଭୂମିକା ଓ ଦଳୀୟ ନିଷ୍ପତ୍ତିକୁ ନେଇ ସ୍ପଷ୍ଟତା ଆସିବ ବୋଲି ଆଶା କରାଯାଉଛି। ଏହି ଘଟଣା କଟକ ବାରବାଟୀ ରାଜନୀତିକୁ ନୂଆ ମୋଡ଼ ଦେଇପାରେ ।