ଚେନ୍ନାଇ: ସୋମବାର ଆସି ସାରିଛି ୪ ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳ ବିଧାନସଭା ନିର୍ବାଚନ ଫଳାଫଳ । ଆଉ ୫ ରାଜ୍ୟର ରେଜଲ୍ଟ ଭିତରେ ତାମିଲନାଡ଼ୁରୁ ଆସିଛି ରୋମାଞ୍ଚକର ଖବର । ତାମିଲନାଡ଼ୁରେ ବିଜୟଙ୍କ ଦଳ TVK ଦମ୍‌ଦାର ଏଣ୍ଟ୍ରି କରିଛି ।

ବିଜୟଙ୍କ ଦଳ TVK ୧୦୮ ଆସନ ଅକ୍ତିଆର୍ କରି ସମସ୍ତଙ୍କୁ ଚମକାଇ ଦେଇଛି । TVK ପ୍ରଥମ ନିର୍ବାଚନରେ ହିଁ ଉତ୍ତମ ପ୍ରଦର୍ଶନ କରିଛି । ଦଳର ଭଳ ଫଳାଫଳ ଭିତରେ ତିଋପତୁର ବିଧାନସଭା (Tiruppattur Result) ଆସନର ଚର୍ଚ୍ଚା ହେଉଛି । ଏହି ଆସନରେ ବିଜୟ ଓ ପରାଜୟ ମଧ୍ୟରେ ବ୍ୟବଧାନ ହେଉଛି ମାତ୍ର ଗୋଟିଏ ଭୋଟ୍ ।

ଏଥିସହ ପଢ଼ନ୍ତୁ: ତାମିଲନାଡ଼ୁରେ ସରକାର ଗଠନ ପାଇଁ TVK ଆଗରେ ୩ଟି ରାସ୍ତା, ବୁଝନ୍ତୁ ସମୀକରଣ... 

ମନ୍ତ୍ରୀଙ୍କ ଠାରୁ ଛଡ଼ାଇନେଲେ ଆସନ

TVK ତିଋପତୁର ଆସନକୁ ମାତ୍ର ଗୋଟିଏ ଭୋଟ୍ ବ୍ୟବଧାନରେ DMK ଠାରୁ ଜିତି ନେଇଛି । ଏହି ସିଟ୍‌ରେ ପରାଜୟ କରିଥିବା DMK ପ୍ରାର୍ଥୀ ଷ୍ଟାଲିନ୍ ସରକାରରେ ମନ୍ତ୍ରୀ ଥିଲେ । ତିଋପତୁର ଆସନରୁ ଷ୍ଟାଲିନ୍ ସରକାରଙ୍କ ମନ୍ତ୍ରୀ କେ. ଆର୍ ପେରିୟାକଋପ୍ପନ ମାତ୍ର ଗୋଟିଏ ଭୋଟ୍‌ରେ ହାରିଛନ୍ତି ।

ତିଋପତୁର ଆସନରେ ଟିଭିକେ ପ୍ରାର୍ଥୀ ମାତ୍ର ଗୋଟିଏ ଭୋଟ୍‌ରେ ବିଜୟୀ ହୋଇଛନ୍ତି । ଆଉ ଏହି ଫଳାଫଳ ଦର୍ଶାଉଛି ନିର୍ବାଚନରେ ଖଣ୍ଡେ ଖଣ୍ଡେ ଭୋଟ୍ କିଭଳି ଭାଗ୍ୟ ବଦଳାଇ ଦେଇପାରେ ।

ତାମିଲନାଡ଼ୁର ତିଋପତୁର (୧୮୫) ଆସନରେ ମୋଟ୍ ୩୦ ରାଉଣ୍ଡ ଭୋଟ୍ ଗଣତି କରାଯାଇଛି । ଏହି ଆସନରେ ମୋଟ ୧୨ ଜଣ ପ୍ରାର୍ଥୀ ପ୍ରତିଦ୍ଵନ୍ଦ୍ଵୀତା କରୁଥିବା ବେଳେ ଗୋଟିଏ ଭୋଟ୍‌ରେ ବାଜି ମାରି ନେଇଛି ଟିଭିକେ ।


ଟିଭିକେ ପ୍ରାର୍ଥୀ ଆର୍ ସେଥୁପଥି ଶ୍ରୀନିବାସ ମୋଟ ୮୩ ଜାର ୩୭୫ ଖଣ୍ଡ ଭୋଟ୍ ପାଇଛନ୍ତି । ଡିଏମ୍‌କେ ପ୍ରାର୍ଥୀ କେ. ଆର୍ ପେରିୟାକଋପ୍ପନଙ୍କୁ ମିଳିଛି ୮୩ ଜାର ୩୭୪ ଖଣ୍ଡ ଭୋଟ୍ ।

ଏଥିସହ ପଢ଼ନ୍ତୁ: 'ହିନ୍ଦୀ ଓ ହିନ୍ଦୁ' ବିରୋଧ ଜାଲରେ ଫସିଗଲେ ଷ୍ଟାଲିନ୍‌-ଉଦୟାନିଧି ! ତାମିଲନାଡ଼ୁରେ ବୁଡ଼ିଗଲା DMK 

TVKର ରେଜଲ୍ଟ

ତାମିଲନାଡ଼ୁ ନିର୍ବାଚନରେ ଡିଏମ୍‌କେ ଖାଲି କ୍ଷମତାରୁ ହଟନି । ଡିଏମ୍‌କେ ମୁଖ୍ୟ ତଥା ମୁଖ୍ୟମନ୍ତ୍ରୀ ଷ୍ଟାଲିନ୍ ମଧ୍ୟ କୋଲାଥୁର ଆସନରୁ ୮ ହଜାର ୭୯୫ ଭୋଟ୍‌ ବ୍ୟବଧାନରେ ହାରିଛନ୍ତି । ଯେତେବେଳେ କି ବିଜୟ ପେରମ୍ବୁର ଓ ତିଋଚିରାପଲ୍ଲୀ ପୂର୍ବ ୨ଟି ଯାକ ଆସନରେ ବିଜୟୀ ହୋଇଛନ୍ତି । ୨୩୪ଟି ବିଧାନସଭା ଆସନ ବିଶିଷ୍ଟ ତାମିଲନାଡ଼ୁରେ ଡିଏମ୍‌କେକୁ ମିଳିଛି ୧୦୮ ଆସନ ।

ତାମିଲନାଡ଼ୁ ପ୍ରଥମ ଥର ପାଇଁ କୌଣସି ଦଳ ଗଠନର ମାତ୍ର ୨ ବର୍ଷ ପରେ କ୍ଷମତାକୁ ଆସିଛି । ଟିଭିକେ ତାର ପ୍ରଥମ ନିର୍ବାଚନ ପ୍ରତିଦ୍ଵନ୍ଦ୍ଵୀତାରେ ୩୫ ପ୍ରତିଶତ ଭୋଟ୍ ପାଇଛି । ୨୦୨୪ ଫେବ୍ରୁଆରୀରେ ବିଜୟ ଟିଭିକେ ଦଳ ଗଠନ କରିଥିଲେ । ଏବେ ତାମିଲନାଡ଼ୁରେ ସରକାର ଗଢ଼ିବାକୁ ଯାଉଛନ୍ତି ।