ପୂର୍ବତନ ସାଂସଦ ଦେବାଶିଷ ସାମନ୍ତରାୟଙ୍କ ବିସ୍ଫୋରକ ବୟାନ । ଭିକେ ପାଣ୍ଡିଆନଙ୍କୁ ଦେବାଶିଷ କରିଛନ୍ତି ଚାଞ୍ଚଲ୍ୟକର ଖୁଲାସା । ସେ କହିଛନ୍ତି, ୪୦୦ କୋଟିର ଫ୍ଲାଟ୍‌ରେ ରହୁଛନ୍ତି ପାଣ୍ଡିଆନ୍ । ପାଣ୍ଡିଆନ୍ ମୁମ୍ବାଇ ନରିମନ୍‌ରେ ୩୦୦ରୁ ୪୦୦ କୋଟିର ଫ୍ଲାଟ୍‌ରେ ରହୁଛନ୍ତି । ବିଜେଡି ସମ୍ପତ୍ତି ପାଣ୍ଡିଆନ ବିଦେଶ ପଠାଇଦେଇଛନ୍ତି ବୋଲି କହିଛନ୍ତି ଦେବାଶିଷ ।

ଏହା ସହିତ ଦଳ ଛାଡ଼ିବା ପ୍ରସଙ୍ଗରେ ମଧ୍ୟ ଖୋଲାଖୋଲି କହିଛନ୍ତି ପୂର୍ବତନ ସାଂସଦ । ବର୍ଷେରୁ ଅଧିକ ସମୟ ସେ ବିଜେଡିରେ ଅଣନିଃଶ୍ଵାସୀ ହୋଇରହିଥିଲେ । ନବୀନ ବାବୁଙ୍କୁ ଭେଟିପାରିନଥିଲେ, ମନରେ କ୍ଷୋଭ ଥିଲା ବୋଲି ସେ କହିଛନ୍ତି । ନବୀନଙ୍କୁ ଭଲ ନ କହି କ'ଣ ପାଣ୍ଡିଆନ୍‌ଙ୍କୁ ଭଲ କହିବି ବୋଲି କହିବା ସହ ବିଜେଡି ହାରିବା ପରେ ଓଡ଼ିଆଙ୍କ ଉପରେ ପାଣ୍ଡିଆନ୍‌ଙ୍କ ରାଗ ରହିଥିବା ଦେବାଶିଷ ସାମନ୍ତରାୟ କହିଛନ୍ତି । ସେ ବ୍ୟୁରୋକ୍ରାଟ୍ ଥିଲେ, ଭାବିଥିଲେ ରାଜନୀତି କରିବେ, ହେଲା କ'ଣ । ବିଜୁ ବାବୁଙ୍କ ଫଟୋ ବାହାର କରି ନିଜ ଫଟୋ ଲଗାଇଥିଲେ । ପାଣ୍ଡିଆନ ଦଳର ସବୁ କିଛି ବୋଲି ବିଜେଡି କୁଜିନେତା ଭାବୁଥିଲେ । ବିଜେଡିର ନେତୃତ୍ଵ ନେବାକୁ ଓଡ଼ିଆ ନେତା ମିଳିଲେନି ଯେ ବାହାରୁ ଆଣିଲେ ବୋଲି ଦେବାଶିଷ କହିଛନ୍ତି ।

ଅଧିକ ପଢ଼ନ୍ତୁ: ରାଜ୍ୟସଭା ଉପନିର୍ବାଚନ ପାଇଁ ତାରିଖ ଘୋଷଣା; ଦେବାଶିଷ ନା ଆଉ କିଏ ଯିବେ ରାଜ୍ୟସଭା ?

ସେହିପରି ସେ ଆହୁରି କହିଛନ୍ତି, ହେଲିକପ୍ଟରରେ ପାଣ୍ଡିଆନ୍ ଲୁଚିକି ନବୀନ ନିବାସ ଆସନ୍ତି, ଲୁଚି ପଳାନ୍ତି । ୫/୬ ଥର ବିଧାୟକ ହୋଇଥିବା ନେତାଙ୍କୁ ସେ ପଚାରିଲେନି । ଭୈରବଙ୍କୁ ମୁଁ ଯେତେ ବିରୋଧ କରିଛି, ଆଉ କେହି କରିନାହାନ୍ତି । ମୁଁ ସେତେବେଳେ କହିଥିଲି ବିଜେଡିରୁ ଭୈରବଙ୍କୁ ବାହାର କରିଦିଅନ୍ତୁ । ବିଜୁ ବାବୁଙ୍କ ଆଦର୍ଶରେ ଗଢ଼ା ଦଳକୁ ବାହାର ନେତାକୁ ଦେଇଦେଲେ । ବିଜେଡି ନାଁରେ ହୋଇଥିବା ଟ୍ରଷ୍ଟ ନେଇ ମୋର ସନ୍ଦେହ ହେଉଛି ବୋଲି ଦେବାଶିଷ ସାମନ୍ତରାୟ କହିଛନ୍ତି ।