ପଶ୍ଚିମବଙ୍ଗ ରାଜନୀତିରେ ଲେଖା ହୋଇଛି ନୂଆ ଇତିହାସ । ହୁଗୁଳିର ଢେଉଠାରୁ ଦାର୍ଜିଂଲିର ପାହାଡ଼ ପର୍ଯ୍ୟନ୍ତ ଶୁଭୁଛି 'ଜୟ ଶ୍ରୀରାମ' ନାରା, ଯାହା କହୁଛି ପଶ୍ଚିମବଙ୍ଗରେ ବଦଳିଛି ରାଜନୈତିକ ପାଗର ମିଜାଜ୍ । ଶେଷରେ ପୂରଣ ହୋଇଛି ବିଜେପିର 'ପିତାମହ' ଶ୍ୟାମାପ୍ରସାଦ ମୁଖାର୍ଜୀଙ୍କ ଦୀର୍ଘ ଦିନର ସ୍ଵପ୍ନ । ପଶ୍ଚିମବଙ୍ଗରେ ପ୍ରଥମ ଥର କ୍ଷମତାକୁ ଆସିଛି ବିଜେପି । ଭବ୍ୟ ସମାରୋହରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଶୁଭେନ୍ଦୁ ଅଧିକାରୀ । ପଦ ଓ ଗୋପନୀୟତାର ଶପଥ ପାଠ କରାଇଲେ ରାଜ୍ୟପାଳ । ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାମିଲ ।

Kolkata | BJP leader Suvendu Adhikari took oath as the first BJP Chief Minister of West Bengal since independence pic.twitter.com/ZoMOINT6RX

— ANI (@ANI) May 9, 2026

ଶୁଭେନ୍ଦୁ ଅଧିକାରୀଙ୍କ ପରେ ଦିଲ୍ଲୀପ ଘୋଷ ମନ୍ତ୍ରୀ ପଦ ପାଇଁ ଶପଥ ଗ୍ରହଣ କରିଛନ୍ତି । ସେହିପରି ଅଗ୍ନିମିତ୍ର ପଲ୍ ମଧ୍ୟ ବରିଷ୍ଠ ବିଜେପି ନେତାଙ୍କ ଉପସ୍ଥିତିରେ ମନ୍ତ୍ରୀ ପଦ ପାଇଁ ଶପଥ ନେଇଛନ୍ତି । ଫ୍ୟାସନ ଡିଜାଇନରରୁ ନେତା ସାଜିଥିବା ଅଗ୍ନିମିତ୍ର ଆସନସୋଲ ଦକ୍ଷିଣରୁ ନବନିର୍ବାଚିତ ବିଧାୟକ । ସେ ବେଙ୍ଗଲରେ ଜଣେ ପରିଚିତ ଚେହେରା ।