Mamata Banerjee / ବଦଳିଗଲା ମମତାଙ୍କ ଦଳର ନାଁ ଓ ଚିହ୍ନ; ଋତବ୍ରତଙ୍କ ଦଳକୁ କଣ ମିଳିଲା ?

କୋଲକାତା: ବଦଳିଲା ପଶ୍ଚିମବଙ୍ଗ ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଦଳର ନାଁ ଓ ଚିହ୍ନ । ୨୦୨୬ ବିଧାନସଭା ନିର୍ବାଚନ ପରେ ଟିଏମସି ଦଳ ଭିତରେ ଫାଟ ସୃଷ୍ଟି ହେବାପରେ ଦଳ ମଧ୍ୟ ଦୁଇ ଫାଳ ହୋଇଥିଲା । ନିକଟରେ ଭାରତୀୟ ନିର୍ବାଚନ ଆୟୋଗ ଟିଏମସିର ପାରମ୍ପରିକ ଚିହ୍ନ 'ଫୁଲ ଓ ଘାସ' ଏବଂ ନାଁ 'ଅଲ୍ ଇଣ୍ଡିଆ ତୃଣମୂଳ କଂଗ୍ରେସ'କୁ ଫ୍ରିଜ୍ କରିଥିଲେ । ଏବେ ମମତାଙ୍କ ଗୋଷ୍ଠୀ ଓ ଋତବ୍ରତଙ୍କ ଗୋଷ୍ଠୀ ପାଇଁ ଦୁଇଟି ନୂଆ ନାମ ଓ ଦଳୀୟ ଚିହ୍ନ ଘୋଷଣା କରିଛନ୍ତି ।

ମମତା ବାନାର୍ଜୀଙ୍କ ଦଳର ନାମ "ମମତା ଅଲ୍ ଇଣ୍ଡିଆ ତୃଣମୂଳ କଂଗ୍ରେସ" ରଖାଯାଇଛି, ସେପଟେ ବିଦ୍ରୋହୀ ଋତବ୍ରତଙ୍କ ଗୋଷ୍ଠୀର ନାମ "ଡେମୋକ୍ରାଟିକ୍ ତୃଣମୂଳ କଂଗ୍ରେସ" ରଖାଯାଇଛି । ଭାରତର ନିର୍ବାଚନ ଆୟୋଗ ଉଭୟ ଦଳକୁ ଅଲଗା ନିର୍ବାଚନ ଚିହ୍ନ ମଧ୍ୟ ପ୍ରଦାନ କରିଛନ୍ତି । ମମତାଙ୍କ ଦଳ "ଫୁଟବଲ୍ ଖେଳାଳି" ହେବ ଏବଂ ଋତବ୍ରତଙ୍କ ଦଳ "ଏନଭେଲପ୍" ଚିହ୍ନ ଦିଆଯାଇଛି ।

#WATCH | Kolkata: On EC's verdict on TMC party name and symbol, West Bengal LoP Ritabrata Banerjee says, "We make decisions collectively... We started reaching out to people just last night, and a virtual meeting took place this morning. We had submitted three preferences: first,… pic.twitter.com/kBJ0mP3u9O

— ANI (@ANI) September 18, 2026

• ଅସଲି TMCକୁ ନେଇ ଥିଲା ବିବାଦ

ପଶ୍ଚିମବଙ୍ଗ ବିଧାନସଭା ନିର୍ବାଚନରେ ​​ପରାଜୟ ପରେ ଟିଏମସି ଦୁଇ ଭାଗ ହୋଇଗଲା । ପରବର୍ତ୍ତୀ ସମୟରେ ଉଭୟ ଗୋଷ୍ଠୀ ଦଳ ଉପରେ ସେମାନଙ୍କର ଦାବି ଉପସ୍ଥାପନ କଲେ । ଏହି ମାମଲା ନିର୍ବାଚନ କମିଶନଙ୍କ ପାଖରେ ପହଞ୍ଚିଲା, ଯାହା ପରବର୍ତ୍ତୀ ସମୟରେ ଟିଏମସିର ନାମ ଏବଂ ପ୍ରତୀକ ବା ଚିହ୍ନକୁ ଫ୍ରିଜ୍ କରିଥିଲା । ନିର୍ବାଚନ କମିଶନ ଏବେ ଉଭୟ ଗୋଷ୍ଠୀକୁ ନୂତନ ନାମ ଏବଂ ଲୋଗୋ ପ୍ରଦାନ କରିଛନ୍ତି।

• ନିଜ ପସନ୍ଦର ନାଁ ଓ ଚିହ୍ନ ଦାଖଲ କରିଥିଲେ

ପଶ୍ଚିମବଙ୍ଗ ଉପନିର୍ବାଚନ ପୂର୍ବରୁ ଋତୁବ୍ରତ ବାନାର୍ଜୀ ଏବଂ ମମତା ବାନାର୍ଜୀ ଉଭୟ ଭାରତୀୟ ନିର୍ବାଚନ କମିଶନଙ୍କ ନିକଟରେ ୩ଟି ନାମ ଏବଂ ପ୍ରତୀକ ଦାଖଲ କରିଥିଲେ । ଏହା ପରେ ନିର୍ବାଚନ କମିଶନ ଚୂଡ଼ାନ୍ତ ନିଷ୍ପତ୍ତି ନେଇଛନ୍ତି । ଏହାପରେ ଆସିଛି ଋତବ୍ରତ ବାନାର୍ଜୀଙ୍କ ପ୍ରତିକ୍ରିୟା । ସେ କହିଛନ୍ତି, " ଟିଏମସିର ନାମ ଏବଂ ପ୍ରତୀକ ବଣ୍ଟନ ସମ୍ପର୍କରେ ଆମେ ମିଳିତ ଭାବରେ ନିଷ୍ପତ୍ତି ନେଇଥିଲୁ ଏବଂ ଆମେ ତିନୋଟି ନାମ ଦାଖଲ କରିଥିଲୁ । ଆମେ 'ଡେମୋକ୍ରାଟିକ୍ ତୃଣମୂଳ କଂଗ୍ରେସ' ନାମ ଏବଂ ନିର୍ବାଚନ ପ୍ରତୀକ 'ଏନଭଲପ୍' ପାଇଛୁ ।"

ପଢନ୍ତୁ ଏହି ଖବର: ଉପନିର୍ବାଚନ ପୂର୍ବରୁ ନିର୍ବାଚନ ଆୟୋଗ ନେଲେ ବଡ଼ ନିଷ୍ପତ୍ତି; ଟିଏମସି ନାମ ଏବଂ ନିର୍ବାଚନ ଚିହ୍ନ ହୋଇଗଲା ଫ୍ରିଜ୍

• ନିର୍ବାଚନ କମିଶନ କଣ ନିର୍ଦ୍ଦେଶ ଦେଇଥିଲେ?

ନିର୍ବାଚନ କମିଶନ ତାଙ୍କର ମଧ୍ୟବର୍ତ୍ତୀକାଳୀନ ଆଦେଶରେ ଅଖିଳ ଭାରତୀୟ ତୃଣମୂଳ କଂଗ୍ରେସ (AITMC) ବିବାଦରେ ଜଡିତ ଉଭୟ ଗୋଷ୍ଠୀଙ୍କୁ ଆଗାମୀ ପଶ୍ଚିମବଙ୍ଗ ଉପନିର୍ବାଚନ ପାଇଁ ଦଳର ନାମ ଏବଂ ଏହାର "ଦୁଇଟି ଫୁଲ ଏବଂ ଘାସ" ନିର୍ବାଚନ ଚିହ୍ନ ବ୍ୟବହାର ନ କରିବାକୁ ନିର୍ଦ୍ଦେଶ ଦେଇଥିଲେ । କମିଶନ ସେମାନଙ୍କୁ ଶୁକ୍ରବାର ସକାଳ ସୁଦ୍ଧା ସେମାନଙ୍କର ପସନ୍ଦର ନାମ ଏବଂ ଚିହ୍ନ ପ୍ରଦାନ କରିବାକୁ କହିଥିଲେ । ନିର୍ବାଚନ କମିଶନ କହିଥିଲେ ଯେ ପ୍ରସ୍ତାବିତ ନାମ 'ଅଲ୍ ଇଣ୍ଡିଆ ତୃଣମୂଳ କଂଗ୍ରେସ' ସହିତ ସମାନ ହୋଇପାରେ । ଏଠାରେ କହିରଖୁଛୁ କି, ରାଜନଗର ଏବଂ ନନ୍ଦିଗ୍ରାମରେ ଉପନିର୍ବାଚନ ଅକ୍ଟୋବର ୬ରେ ଅନୁଷ୍ଠିତ ହେବ।