ଜଣେ ୯ ବର୍ଷୀୟ ଇଂଲଣ୍ଡ କ୍ରିକେଟର ତାଙ୍କ ବୋଲିଂରେ ଏପରି ଏକ ସଫଳତା ହାସଲ କରିଛନ୍ତି ଯାହା ସମଗ୍ର କ୍ରିକେଟ ଜଗତକୁ ଆଶ୍ଚର୍ଯ୍ୟ କରିଦେଇଛି । କ୍ରିକେଟରେ ହ୍ୟାଟ୍ରିକ୍ ନେବା ବୋରଲଙ୍କ ପାଇଁ ଏକ ବଡ଼ ସଫଳତା ହୋଇଥାଏ, କିନ୍ତୁ ଗୋଟିଏ ଓଭରରେ ଦୁଇଟି ହ୍ୟାଟ୍ରିକ୍ କିମ୍ବା ଲଗାତାର ୬ ବଲରେ ୬ ୱିକେଟ ନେବା ଏକ ଚମତ୍କାରଠାରୁ କମ୍ ନୁହେଁ । ଏହି ଅସମ୍ଭବ ମନେ ହେଉଥିବା ସଫଳତା ଯୁବ ଇଂଲଣ୍ଡ କ୍ରିକେଟର ରୋହନ ହାସଲ କରିଛନ୍ତି । ଅନ୍ତର୍ଜାତୀୟ କ୍ରିକେଟରେ କୌଣସି ବୋଲର ଏହି ସଫଳତା ହାସଲ କରିନାହାଁନ୍ତି।

• ଗୋଟିଏ ଓଭରରେ ଡବଲ ହ୍ୟାଟ୍ରିକ୍

କୁନି କ୍ରିକେଟର ରୋହନ କେମ୍ବ୍ରିଜ୍ ନିକଟସ୍ଥ ହିଷ୍ଟନ୍ ବିପକ୍ଷରେ ଏକ ମ୍ୟାଚରେ ଗ୍ରେଟ୍ ସେଲଫୋର୍ଡ କ୍ରିକେଟ୍ କ୍ଲବର ଅଣ୍ଡର-୯ ଦଳ ପାଇଁ ଖେଳୁଥିବା ସମୟରେ ଏହି ଇତିହାସ ରଚିଛନ୍ତି । ସେ ତାଙ୍କ ଓଭରର ଲଗାତାର ୬ ବଲରେ ୬ ଜଣ ବ୍ୟାଟ୍ସମ୍ୟାନଙ୍କୁ ଆଉଟ୍ କରି ଡବଲ୍ ହ୍ୟାଟ୍ରିକ୍ ହାସଲ କରିଛନ୍ତି । ଏହା ତାଙ୍କୁ ରେକର୍ଡ ବୁକରେ ସ୍ଥାନ ଦେଇଛି । କେବଳ ସେତିକି ନୁହେଁ ସେ ସମ୍ପୂର୍ଣ୍ଣ ଓଭରରେ ଗୋଟିଏ ବି ରନ ଦେଇ ନଥିଲେ। ରୋହନଙ୍କ ଘାତକ ବୋଲିଂ ପାଇଁ ଗ୍ରେଟ ସେଲଫୋର୍ଡ ୨୬ ରନରେ ମ୍ୟାଚ୍ ଜିତିଥିଲେ । ତାଙ୍କର ପ୍ରଦର୍ଶନ ପଡ଼ିଆରେ ଥିବା ଖେଳାଳି, ଦର୍ଶକ ଏବଂ ପ୍ରଶିକ୍ଷକ କର୍ମଚାରୀଙ୍କୁ ଆଶ୍ଚର୍ଯ୍ୟ କରିଥିଲା ।

🚨 Double hat‑trick! 9‑year‑old Rohan takes six wickets in an over 🚨

Rohan bowled six consecutive balls and dismissed six batters.

He ended with figures of 6 for 0.

His spell gave Great Shelford a 26‑run victory.

A rare achievement for a youngster. #RohanHatTrick

— IPO LENS 🇮🇳 𝕏 (@Ipo_lens) June 27, 2026

• 'ଏପରି ମୁହୂର୍ତ୍ତକୁ ମୁଁ କେବେ ଭୁଲି ପାରିବି ନାହିଁ'

ମ୍ୟାଚ୍ ପରେ ରୋହନ କହିଥିଲେ ଯେ ତାଙ୍କ ଓଭରର ଲଗାତାର ଷଷ୍ଠ ବଲରୁ ଷଷ୍ଠ ୱିକେଟ୍ ନେବା ପରେ ଯେଉଁ ଉତ୍ସବ ପାଳନ କରାଯାଇଥିଲା ତାହା ତାଙ୍କ ଜୀବନର ସବୁଠାରୁ ସ୍ମରଣୀୟ ମୁହୂର୍ତ୍ତ ଥିଲା । ନିଜ ସଫଳତା ବିଷୟରେ କହିବାକୁ ଯାଇ ରୋହନ କହିଛନ୍ତି, "ଏହା ବହୁତ କମ୍ ଘଟେ।" ସେ ଆହୁରି କହିଥିଲେ ଯେ ଶେଷ ୱିକେଟ୍ ନେବା ମାତ୍ରେ ତାଙ୍କ ଦଳ ଖୁସିରେ ପଡ଼ିଆକୁ ଦୌଡ଼ିଥିଲା । ତାଙ୍କର ଐତିହାସିକ ପ୍ରଦର୍ଶନ ପାଇଁ ତାଙ୍କୁ ମ୍ୟାଚ୍ ବଲ୍ ପ୍ରଦାନ କରାଯାଇଥିଲା ଏବଂ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପ୍ରଦାନ କରାଯାଇଥିଲା ।

ପଢନ୍ତୁ ଏହି ଖବର:  ଏହି ଦେଶ ସହ T20 ସିରିଜ୍ ଖେଳିବ ନାହିଁ ଟିମ୍ ଇଣ୍ଡିଆ ! BCCIର ବଡ଼ ନିଷ୍ପତ୍ତି

ସୂଚନା ଥାଉ କି, ରୋହନ ଏବେ ନିଜ ସ୍କୁଲ ଟିମ ସହିତ ଗ୍ରେଟ୍ ସେଲଫୋର୍ଡ କ୍ଲବ୍ ଲାଗି ଖେଳୁଛନ୍ତି । ଏହି ବିରଳ ରେକର୍ଡ ହାସଲ କରିବା ପରେ ରୋହନଙ୍କ ପିତା ନାରାୟଣ ଟିମର କୋଚ୍ ଏବଂ ମ୍ୟାଚ୍ ଅମ୍ପାୟାରଙ୍କୁ କୃତଜ୍ଞତା ଜଣାଇଛନ୍ତି । ମାତ୍ର ୯ ବର୍ଷ ବୟସରେ ରୋହନ ଏହି ରେକର୍ଡ ହାସଲ କରିବା ପରେ ସାରା କ୍ରିକେଟ୍ ଜଗତର ଧ୍ୟାନ ତାଙ୍କ ଉପରକୁ ଆସିଛି ।