ମଙ୍ଗଳବାର ଆଇପିଏଲ ୩୧ତମ ମ୍ୟାଚ୍‌ରେ ମୁହାଁମୁହିଁ ହୋଇଥିଲେ ଦିଲ୍ଲୀ କ୍ୟାପିଟାଲ୍ସ ଓ ସନ୍‌ ରାଇଜର୍ସ ହାଇଦ୍ରାବାଦ । ଏହି ମ୍ୟାଚ୍‌ରେ ଅଭିଷେକ ଶର୍ମା ୧୩୫ ରନର ଏକ ଚମତ୍କାର ଇନିଂସ ଖେଳିଥିଲେ । ଏହି ଇନିଂସ ପରେ ଅଭିଷେକଙ୍କ ଗୁରୁ ତଥା ମେଣ୍ଟର ଯୁବରାଜ ସିଂ ତାଙ୍କୁ `ସାର୍‌' ବୋଲି କହି ପ୍ରଶଂସା କରିଥିଲେ । ପ୍ରାୟ ଦୁଇ ବର୍ଷ ପୂର୍ବେ ଯୁବରାଜ ସିଂହ ମଜାରେ ତାଙ୍କୁ ଚପଲରେ ମାରିବାକୁ କହିଥିଲେ ।

Waah sir Abhishek waah 👏🏻 great innings but what a splendid shot to get out on! Laaton ke bhoot baaton se nahi maante! Special 🩴 waiting for you now @IamAbhiSharma4
Great knock by Klassy #Klaasen! #SRHvMI #IPL2024

— Yuvraj Singh (@YUVSTRONG12) March 27, 2024

ବାସ୍ତବରେ ୨୮ ମାର୍ଚ୍ଚ ୨୦୨୪ ରେ ସେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୬୩ ରନରେ ବ୍ୟାଟିଂ କରୁଥିଲେ ଏବଂ ଏକ ଏରିଆଲ୍ ସଟ୍ ଚେଷ୍ଟା କରିବା ସମୟରେ ଆଉଟ୍ ହୋଇଥିଲେ । ଆଉ ଏହା ପରେ ଯୁବରାଜ ସେତେବେଳେ ଏଭଳି ଅଭିଷେକଙ୍କୁ ଏଭଳି କହିଥିଲେ । ଏବେ ଅଭିଷେକ ଶର୍ମାଙ୍କର ଶତକ ଦେଖି ଯୁବରାଜ ତାଙ୍କୁ ପ୍ରଶଂସା କରି ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି ।

ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ, ଅକ୍ଷର ପଟେଲ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ହେଡ୍ ୩୭ ରନରେ ଆଉଟ୍ ହେବା ପୂର୍ବରୁ ଅଭିଷେକ ଶର୍ମା ଏବଂ ଟ୍ରାଭିସ୍ ହେଡ୍ ପ୍ରଥମ ୱିକେଟ ପାଇଁ ୯୭ ରନର ପାର୍ଟନରସିପ୍‌ କରିଥିଲେ । ତା’ପରେ ଇଶାନ କିଶାନ ୨୫ ଏବଂ ହେନରିଚ୍ କ୍ଲାସେନ୍ ଅପରାଜିତ ୩ ରନ୍ କରିଥିଲେ । ଅଭିଷେକ ୬୮ ବଲରେ ୧୦ ଛକା ଏବଂ ୧୦ ଚୌକା ମାରି ୧୩୫ ରନ କରିଥିଲେ ।

ଯୁବରାଜ ସିଂହ କ’ଣ କହିଲେ

ଯୁବରାଜ ସିଂହ ଅଭିଷେକ ଶର୍ମାଙ୍କ ଶତକକୁ ପ୍ରଶଂସା କରି ଏକ ପୋଷ୍ଟ ସେୟାର କରିଥିଲେ। ସେ ଲେଖିଛନ୍ତି, "ବ୍ୟାଟ୍‌କୁ ତା'ର କାମ କରିବାକୁ ଦିଅ ! ତୁମେ ପ୍ରତିଦିନ ଭଲ ହେଉଛ । ସାର୍ ଅଭିଷେକ ଶର୍ମା ତୁମେ ବହୁତ ଭଲ ଖେଳିଛ । ଏଭଳି ଆଗକୁ ବଢ଼ିଚାଲ ।''

Let the bat do the work! 🤫 getting better each day 👏🏻 well played sir Abhishek! keep up with the process 👊🏻 @OfficialAbhi04 @SunRisers @IPL #SRHvsDC

— Yuvraj Singh (@YUVSTRONG12) April 21, 2026

ଅଭିଷେକ ଶର୍ମାଙ୍କ ଖେଳକୁ ଉନ୍ନତ କରିବାର ଶ୍ରେୟ ଯୁବରାଜଙ୍କୁ ଦିଆଯାଏ । ଅଭିଷେକ ଯୁବରାଜଙ୍କୁ ଜଣେ ମେଣ୍ଟର ବୋଲି ମାନିଥାନ୍ତି । ପୂର୍ବତନ କ୍ରିକେଟର ଅଭିଷେକଙ୍କ ବ୍ୟତୀତ ଶୁବମନ ଗିଲଙ୍କୁ ମଧ୍ୟ ଯୁବରାଜ ତାଲିମ ଦେଇଛନ୍ତି ।

୪୭ ବଲ୍‌ରେ ଶତକ

ଅଭିଷେକ ଶର୍ମା ୪୭ ବଲ୍‌ରେ ତାଙ୍କର ଶତକ ପୂରଣ କରିଥିଲେ, ଯାହା ତାଙ୍କର ନବମ ଟି-୨୦ ଶତକ। ସେ ଏହି ଫର୍ମାଟରେ ଭାରତ ପାଇଁ ମିଳିତ ସର୍ବାଧିକ ଶତକ ହାସଲକାରୀ ହୋଇଥିଲେ। ବିରାଟ କୋହଲିଙ୍କ ମଧ୍ୟ ୯ଟି ଟି-୨୦ ଶତକ ଅଛି। ପ୍ରଥମେ ବ୍ୟାଟିଂ କରି ସନରାଇଜର୍ସ ହାଇଦ୍ରାବାଦ ୨୪୨ ରନ୍ କରିଥିଲା। ଜବାବରେ ଦିଲ୍ଲୀ କ୍ୟାପିଟାଲ୍ସ ୨୦ ଓଭରରେ କେବଳ ୧୯୫ ରନ୍ କରିପାରିଥିଲା ​​ଏବଂ ୪୭ ରନ୍‌ରେ ମ୍ୟାଚ୍ ହାରିଥିଲା । ଅଭିଷେକ ଶର୍ମାଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଘୋଷଣା କରାଯାଇଥିଲା। ଅଭିଷେକ ୧୩୫ ରନ୍ କରିଥିଲେ, ଯାହା ତାଙ୍କର ଦ୍ୱିତୀୟ ଆଇପିଏଲ୍ ଶତକ। ୨୦୧୮ ମସିହାରୁ ଆଇପିଏଲ୍‌ରେ ଖେଳୁଥିବା ଅଭିଷେକ ଗତ ବର୍ଷ ତାଙ୍କର ପ୍ରଥମ ଆଇପିଏଲ୍ ଶତକ କରିଥିଲେ ।