Abhishek Sharma Record / ଅଭିଷେକ ଭାଙ୍ଗିଲେ ସୂର୍ଯ୍ୟକୁମାରଙ୍କ ବଡ଼ ରେକର୍ଡ, ମାତ୍ର ୧୦୨୪ ବଲ୍‌ରେ କଲେ ୨୦୦୦ ରନ୍

କ୍ରିକେଟ୍ ମୈଦାନରେ ପୁଣି ଗର୍ଜିଲା ଅଭିଷେକ ଶର୍ମାଙ୍କ ବ୍ୟାଟ୍ । ଚୌକା ଓ ଛକାର ବର୍ଷା କରି ଇନ୍ଦୋରରେ ଧମାଲ୍ ମଚାଇଲେ ଏହି ଷ୍ଟାର୍ ଓପନର । ମାତ୍ର ୧୮ଟି ବଲ୍‌ରେ ଅର୍ଦ୍ଧଶତକ ଏବଂ ମାତ୍ର ୧,୦୨୪ଟି ବଲ୍‌ରେ ଟି-୨୦ ଅନ୍ତର୍ଜାତୀୟ କ୍ରିକେଟ୍‌ରେ ୨,୦୦୦ ରନ୍‌ର ମାଇଲଖୁଣ୍ଟ । ଏହି ବିସ୍ଫୋରକ ପ୍ରଦର୍ଶନ ସହ ସୂର୍ଯ୍ୟକୁମାର ଯାଦବଙ୍କ ବଡ଼ ରେକର୍ଡ ଭାଙ୍ଗି ନୂଆ ଇତିହାସ ରଚିଛନ୍ତି ଅଭିଷେକ ।

ଭାରତୀୟ କ୍ରିକେଟ୍‌ର ବିସ୍ଫୋରକ ଓପନର ଅଭିଷେକ ଶର୍ମା ନିଜର ଧମାକାଦାର ବ୍ୟାଟିଂ ଦ୍ୱାରା ପୁଣିଥରେ କ୍ରିକେଟ୍‌ପ୍ରେମୀଙ୍କ ମନ ଜିଣିଛନ୍ତି । ଇନ୍ଦୋରର ହୋଲକର ଷ୍ଟାଡିୟମ୍‌ରେ ଖେଳାଯାଉଥିବା ତୃତୀୟ ଟି-୨୦ ମ୍ୟାଚ୍‌ରେ ଅର୍ଦ୍ଧଶତକ ହାସଲ କରିବା ସହ ଅଭିଷେକ ଏକ ବଡ଼ ବିଶ୍ୱ ରେକର୍ଡ ନିଜ ନାମରେ କରିଛନ୍ତି ।

2⃣0⃣0⃣0⃣ T20I runs ✅ A major milestone for Abhishek Sharma 👌👌 Updates ▶️ https://t.co/0ve4uDWSIn #TeamIndia | #INDvWI | @mflone_ | @OfficialAbhi04 https://t.co/mdBTBjCmHH

— BCCI (@BCCI) October 11, 2026

ଅଭିଷେକ ଶର୍ମା ଟି-୨୦ ଅନ୍ତର୍ଜାତୀୟ କ୍ରିକେଟ୍‌ରେ ସବୁଠାରୁ କମ୍ ବଲ୍‌ରେ ୨,୦୦୦ ରନ୍ ପୂରଣ କରିବାର ରେକର୍ଡ ହାସଲ କରିଛନ୍ତି । ଏହି କ୍ରମରେ ସେ ଭାରତୀୟ ଦଳର ପୂର୍ବତନ ଟି-୨୦ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ରେକର୍ଡକୁ ଭାଙ୍ଗି ଦେଇଛନ୍ତି ।

The Abhishek Sharma Show in Indore! 🤩 He brings up a scintillating 18-ball 5️⃣0️⃣ 🔥 #TeamIndia 87/1 after just 6 overs. Updates ▶️ https://t.co/0ve4uDWSIn #INDvWI | @mflone_ | @OfficialAbhi04 https://t.co/Uu4QRXiYrF

— BCCI (@BCCI) October 11, 2026

୨୬ ବର୍ଷୀୟ ବାମହାତୀ ବ୍ୟାଟ୍ସମ୍ୟାନ୍‌ ଅଭିଷେକ ମାତ୍ର ୧,୦୨୪ଟି ବଲ୍‌ର ସମ୍ମୁଖୀନ କରି ୨,୦୦୦ ଟି-୨୦ ଅନ୍ତର୍ଜାତୀୟ ରନ୍ ପୂରଣ କରିଛନ୍ତି । ଏହା ପୂର୍ବରୁ ଏହି ରେକର୍ଡ ସୂର୍ଯ୍ୟକୁମାର ଯାଦବଙ୍କ ନାମରେ ଥିଲା । ସୂର୍ଯ୍ୟକୁମାର ୨୦୨୩ ଡିସେମ୍ବରରେ ଦକ୍ଷିଣ ଆଫ୍ରିକା ବିପକ୍ଷରେ ୧,୧୬୪ଟି ବଲ୍‌ରେ ଏହି ମାଇଲଖୁଣ୍ଟ ଛୁଇଁଥିଲେ ।
ରେକର୍ଡ ସୃଷ୍ଟି କରିବା ସହ ଅଭିଷେକ ନିଜର ବ୍ୟାଟିଂର ଯାଦୁ ମଧ୍ୟ ଦେଖାଇଥିଲେ। ସେ ମାତ୍ର ୧୮ଟି ବଲ୍‌ରେ ଧମାକାଦାର ଅର୍ଦ୍ଧଶତକ ହାସଲ କରିଥିଲେ। ପୂର୍ବ ମ୍ୟାଚ୍‌ର ନିରାଶାଜନକ ପ୍ରଦର୍ଶନକୁ ପଛରେ ପକାଇ ସେ ଇନ୍ଦୋର ମୈଦାନରେ ଚୌକା ଓ ଛକାର ବର୍ଷା କରିଥିଲେ । ଅଭିଷେକ ମାତ୍ର ୩୦ଟି ବଲ୍‌ରେ ୬ଟି ଚୌକା ଓ ୫ଟି ଛକା ସହ ୬୯ ରନ୍‌ର ବିସ୍ଫୋରକ ପାଳି ଖେଳିଥିଲେ ।