କ sଗୋଟିଏ ପଟେ, ଭାରତୀୟ କ୍ରିକେଟ ଦଳରେ ନୂତନ ପରିବର୍ତ୍ତନର ପର୍ଯ୍ୟାୟ ଚାଲିଛି, ଏବେ ଘରୋଇ କ୍ରିକେଟରେ ମଧ୍ୟ ସମାନ କିଛି ଘଟୁଛି। ଅଜିଙ୍କ୍ୟ ରାହାଣେ ମୁମ୍ବାଇର ଅଧିନାୟକ ପଦ ଛାଡିଛନ୍ତି, କିନ୍ତୁ ସେହି ସମୟରେ ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ସେ ମୁମ୍ବାଇ ଦଳ ପାଇଁ ଖେଳିବେ। ତାଙ୍କ ବ୍ୟତୀତ, ଚେତେଶ୍ୱର ପୂଜାରା ମଧ୍ୟ ଆଗାମୀ ଘରୋଇ ସିଜିନ ପାଇଁ ଉପଲବ୍ଧ ରହିବେ। ରାହାଣେ ଏକ୍ସରେ ଲେଖିଛନ୍ତି ମୁମ୍ବାଇ ଟିମର ଅଧିନାୟକ ପଦ ସମ୍ଭାଳିବା ମୋ ପାଇଁ ଗର୍ବର ବିଷୟ। ରାହାଣେ ଆଉ ମଧ୍ୟ କହିଛନ୍ତି ଯେ, ଏବେ ଜଣେ ଯୁବ ଖେଳାଳିଙ୍କୁ କମାଣ୍ଡ ହସ୍ତାନ୍ତର କରିବାର ସମୟ ଆସିଛି। ସେଥିପାଇଁ ମୁଁ ଏହି ପଦ ଛାଡ଼ିବାକୁ ନିଷ୍ପତ୍ତି ନେଇଛି। ନୂତନ ରଣଜୀ ସିଜିନ ଅକ୍ଟୋବର ୧୫ରୁ ଆରମ୍ଭ ହେବାକୁ ଯାଉଛି।

Captaining and winning championships with the Mumbai team has been an absolute honour.

With a new domestic season ahead, I believe it’s the right time to groom a new leader, and hence I’ve decided not to continue in the captaincy role.

I remain fully committed to giving my best…
— Ajinkya Rahane (@ajinkyarahane88) August 21, 2025

ଏହା ପୂର୍ବରୁ, ଅଜିଙ୍କ୍ୟ ରାହାଣେ ମୁମ୍ବାଇର ଅଧିନାୟକ ପଦ ଛାଡିବା ବିଷୟରେ କହିଛନ୍ତି, ମୁମ୍ବାଇ ଦଳର ଅଧିନାୟକତ୍ୱ କରିବା ଏବଂ ଏହା ସହିତ ଚାମ୍ପିଅନସିପ ଜିତିବା ଏକ ସମ୍ମାନର କଥା। ନୂତନ ସିଜିନ ପାଖେଇ ଆସୁଥିବାରୁ, ମୁଁ ଭାବୁଛି ଯେ ଏହା ଜଣେ ନୂତନ ଅଧିନାୟକ ପ୍ରସ୍ତୁତ କରିବାର ସମୟ। ତେଣୁ, ମୁଁ ଅଧିନାୟକ ଭାବରେ ଖେଳିବା ଜାରି ନ ରଖିବାକୁ ନିଷ୍ପତ୍ତି ନେଇଛି। ଏହା ସହିତ, ରାହାଣେ ଏହା ମଧ୍ୟ କହିଛନ୍ତି ଯେ ସେ ଜଣେ ଖେଳାଳି ଭାବରେ ମୁମ୍ବାଇ ପାଇଁ ଖେଳିବା ଜାରି ରଖିବେ ଏବଂ ସେ ପରବର୍ତ୍ତୀ ସିଜିନ ଖେଳିବାକୁ ଉତ୍ସାହିତ। ଆଜିଙ୍କ୍ୟ ରାହାଣେ ୭୦ ମ୍ୟାଚରେ ମୁମ୍ବାଇର ଅଧିନାୟକତ୍ୱ କରିଥିଲେ, ଅନ୍ୟପକ୍ଷରେ, ସେ ତାଙ୍କ ୧୮ ବର୍ଷର ଘରୋଇ କ୍ୟାରିୟରରେ ମୁମ୍ବାଇ ପାଇଁ ୧୮୬ ରୁ ଅଧିକ ମ୍ୟାଚ ଖେଳିଛନ୍ତି।

ତେବେ କିଏ ହେବ କ୍ୟାପଟେନ?

ମୁମ୍ବାଇ ପାଖରେ ବର୍ତ୍ତମାନ ଶ୍ରେୟସ ଆୟର, ସୂର୍ଯ୍ୟ କୁମାର ଯାଦବ, ଯଶସ୍ବୀ ଜୈସଓ୍ବାଲ ଏବଂ ସାରଫରାଜ ଖାନଙ୍କ ଭଳି ଦଗଜ ଖେଳାଳି ରହିଛନ୍ତି। ଶ୍ରେୟସ ଆୟର କିମ୍ବା ସୂର୍ଯ୍ୟାଙ୍କୁ କ୍ୟାପଟେନ୍ସି ଯାଇପାରେ ବୋଲି ଚର୍ଚ୍ଚା ଜୋର ଧରିଛି।

ଅଧିକ ପଢ଼ନ୍ତୁ କ୍ରୀଡ଼ା ଖବର...

Argus News | argus news | Odisha Latest News, Breaking News, Trending News, Live TV