ଆଜି ଏସିଆ କପରେ ଖେଳାଯାଉଛି ମହାମୁକାବିଲା । ଏସିଆ କପ୍-୨୦୨୫ ସୁପର-୪ରେ ମୁହାଁମୁହିଁ ହୋଇଛନ୍ତି ଭାରତ-ପାକିସ୍ତାନ । ଏହି ଗୁରୁତ୍ବପୂର୍ଣ୍ଣ ମ୍ୟାଚରେ ଭାରତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି । ତେବେ ଆଜି ବି ଟସ୍ ସମୟରେ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ପୁଣି ଥରେ ପାକିସ୍ତାନ କ୍ରିକେଟ୍ ଦଳର ଅଧିନାୟକ ସଲମାନ ଅଲି ଆଗାଙ୍କୁ ଅଣଦେଖା କରିଛନ୍ତି । ଟସ୍ ସମୟରେ ପାକିସ୍ତାନ ଅଧିନାୟକଙ୍କ ସହ ହ୍ୟାଣ୍ଡସେକ୍ କରିନାହାନ୍ତି ସୂର୍ଯ୍ୟକୁମାର ।

🚨 Toss & Playing XI Update 🚨#TeamIndia elected to bowl in their first game of #Super4.

Here's our line-up for today 🔽

Updates ▶️ https://t.co/CNzDX2HcvN #AsiaCup2025 pic.twitter.com/NfLpdZkGGd
— BCCI (@BCCI) September 21, 2025

ତେବେ ପୂର୍ବରୁ, ସେପ୍ଟେମ୍ବର ୧୪ରେ ଖେଳାଯାଇଥିବା ମ୍ୟାଚ୍ ସମୟରେ, ଭାରତୀୟ ଖେଳାଳିମାନେ ପାକିସ୍ତାନୀ ଖେଳାଳିଙ୍କ ସହିତ ହାତ ମିଳାଇବାକୁ ମନା କରିଥିଲେ । ଯାହାପରେ ପାକିସ୍ତାନ ଏହାକୁ ନେଇ ଅନେକ ନାଟକ କରିଥିଲା । ଏମିତିକି ସେ ଆଇସିସି ନିକଟରେ ଏନେଇ ଅଭିଯୋଗ କରିଥିଲା । ପାକିସ୍ତାନ କ୍ରିକେଟ ବୋର୍ଡ ଆଇସିସି ନିକଟରେ ମ୍ୟାଚ୍ ରେଫରୀ ଆଣ୍ଡି ପାଇକ୍ରାଫ୍ଟ ଓ ସୂର୍ଯ୍ୟକୁମାର ଯାଦବଙ୍କ ନାଁରେ ଅଭିଯୋଗ କରିଥିଲା । କିନ୍ତୁ ଆଇସିସି ଏହି ଅଭିଯୋଗକୁ ଗ୍ରହଣ କରିନଥିଲା । ଯାହାଫଳରେ ପାକିସ୍ତାନର ପ୍ରବଳ ବେଜ୍ଜତି ହୋଇଥିଲା ।

ସେପଟେ ଆଜିର ଏହି ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଭାରତ । ଏହି ମହାମୁକାବିଲରେ ଭାରତର ଚୁଡ଼ାନ୍ତ ଏକାଦଶରେ ଦୁଇଟି ପରିବର୍ତ୍ତନ କରିଛି ଟିମ୍ ଇଣ୍ଡିଆ । ଅର୍ଶଦୀପ ଓ ହର୍ଷିତ ରାଣାଙ୍କ ସ୍ଥାନରେ ବରୁଣ ଚକ୍ରବର୍ତ୍ତୀ ଓ ଯଶପ୍ରୀତ ବୁମ୍ରା ସାମିଲ ହୋଇଛନ୍ତି ।

ଭାରତର ପ୍ଲେଇଂ-୧୧: ଅଭିଷେକ ଶର୍ମା, ଶୁବମନ ଗିଲ୍, ସୂର୍ଯ୍ୟକୁମାର ଯାଦବ (ଅଧିନାୟକ), ତିଲକ ବର୍ମା, ସଞ୍ଜୁ ସାମସନ୍ (ୱିକେଟକିପର), ଶିବମ୍ ଦୁବେ, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, କୁଲଦୀପ ଯାଦବ, ଜଶପ୍ରୀତ ବୁମ୍ରା, ବରୁଣ ଚକ୍ରବର୍ତ୍ତୀ

Argus News | argus news | Odisha Latest News, Breaking News, Trending News, Live TV