Asian Games Cricket Fixtures / ଏସିଆନ୍ ଗେମ୍ସ ପାଇଁ ଜାରି ହେଲା କ୍ରିକେଟ୍ ସୂଚୀ, ଜାଣନ୍ତୁ କେବେ ମଇଦାନକୁ ଓହ୍ଲାଇବ ଟିମ୍ ଇଣ୍ଡିଆ

ଜାପାନରେ ଏଥର ଦେଖିବାକୁ ମିଳିବ କ୍ରିକେଟର ଜୋରଦାର ଲଢ଼େଇ । ସେପ୍ଟେମ୍ବର ୧୯ରୁ ଏସିଆନ୍ ଗେମ୍ସ ଆରମ୍ଭ ହେଉଥିବା ବେଳେ, ଭାରତୀୟ ପୁରୁଷ ଓ ମହିଳା କ୍ରିକେଟ ଟିମ୍ ପଦକ ପାଇଁ ମଇଦାନକୁ ଓହ୍ଲାଇବେ । ଦେଶର ୫୨୩ ଜଣ ଖେଳାଳି ୩୫ଟି କ୍ରୀଡ଼ାରେ ଭାରତ ପାଇଁ ପ୍ରତିଦ୍ୱନ୍ଦ୍ୱିତା କରିବେ । ତେବେ କ୍ରିକେଟକୁ ନେଇ ଏବେଠାରୁ ବଢ଼ିଛି ଉତ୍ସାହ ।

ପୁରୁଷ କ୍ରିକେଟ ଟୁର୍ଣ୍ଣାମେଣ୍ଟ ସେପ୍ଟେମ୍ବର ୨୪ରୁ ଅକ୍ଟୋବର ୩ ପର୍ଯ୍ୟନ୍ତ ଚାଲିବ । ମୋଟ ୧୦ଟି ଦଳ ଏଥିରେ ଭାଗ ନେବେ । ଭାରତ, ପାକିସ୍ତାନ, ଶ୍ରୀଲଙ୍କା ଓ ବାଂଲାଦେଶ ରାଙ୍କିଂର ଫାଇଦା ପାଇ ସିଧାସଳଖ କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି। ଭାରତ ତା’ର ପ୍ରଥମ ମ୍ୟାଚ୍ ସେପ୍ଟେମ୍ବର ୨୮ରେ ଖେଳିବ ।

ପୁରୁଷ ଏସିଆନ୍‌ ଗେମ୍ସରେ ସାମିଲ ହେଉଥିବା ଦଳ

ଗ୍ରୁପ୍‌ A - ଆଫଗାନିସ୍ତାନ, ଜାପାନ, ନେପାଳ
ଗ୍ରୁପ୍‌ B -ହଂକଂ, ମ୍ୟାଲେସିଆ, ଓମାନ
କ୍ବାର୍ଟର ଫାଇନାଲ ଯାଇଥିବା ଦଳ: ବାଂଲାଦେଶ, ଭାରତ, ପାକିସ୍ତାନ, ଶ୍ରୀଲଙ୍କା

ସେହିପରି ମହିଳା କ୍ରିକେଟରେ ମୋଟ ୮ଟି ଦଳ ଭାଗ ନେବେ । ଏଠାରେ ସିଧାସଳଖ କ୍ୱାର୍ଟରଫାଇନାଲରୁ ନକ୍‌ଆଉଟ୍ ପର୍ଯ୍ୟାୟ ଆରମ୍ଭ ହେବ। ଭାରତୀୟ ମହିଳା ଟିମ୍ ସେପ୍ଟେମ୍ବର ୧୭ରେ ଆୟୋଜକ ଜାପାନ ବିପକ୍ଷରେ ନିଜର କ୍ୱାର୍ଟରଫାଇନାଲ ମ୍ୟାଚ୍ ଖେଳିବ । ସେପ୍ଟେମ୍ବର ୨୦ରେ ଦୁଇଟି ସେମିଫାଇନାଲ ଏବଂ ସେପ୍ଟେମ୍ବର ୨୨ରେ ବ୍ରୋଞ୍ଜ ଓ ଗୋଲ୍ଡ ମେଡାଲ୍ ମ୍ୟାଚ୍ ଖେଳାଯିବ । ମହିଳା ବିଭାଗରେ ଭାରତ ସହ ପାକିସ୍ତାନ, ଶ୍ରୀଲଙ୍କା, ବାଂଲାଦେଶ, ଥାଇଲାଣ୍ଡ, ଜାପାନ, ଚୀନ୍ ଓ ମାଲେସିଆ ଭାଗ ନେବେ ।

ପୁରୁଷ ଟୁର୍ଣ୍ଣାମେଣ୍ଟ ସୂଚୀ

ସେପ୍ଟେମ୍ବର ୨୪ - ଆଫଗାନିସ୍ତାନ ବନାମ ଜାପାନ
ସେପ୍ଟେମ୍ବର ୨୪ - ହଂକଂ ବନାମ ମାଲେସିଆ
ସେପ୍ଟେମ୍ବର ୨୫ - ଆଫଗାନିସ୍ତାନ ବନାମ ନେପାଳ
ସେପ୍ଟେମ୍ବର ୨୫ - ହଂକଂ ବନାମ ଓମାନ
ସେପ୍ଟେମ୍ବର ୨୬ - ଜାପାନ ବନାମ ନେପାଳ
ସେପ୍ଟେମ୍ବର ୨୬ - ମାଲେସିଆ ବନାମ ଓମାନ
ସେପ୍ଟେମ୍ବର ୨୮ - ପ୍ରଥମ କ୍ୱାର୍ଟରଫାଇନାଲ - ଭାରତ ବନାମ ଗ୍ରୁପ୍ 'A' ରନର୍ସ-ଅପ୍
ସେପ୍ଟେମ୍ବର ୨୮ - ଦ୍ୱିତୀୟ କ୍ୱାର୍ଟରଫାଇନାଲ - ପାକିସ୍ତାନ ବନାମ ଗ୍ରୁପ୍ 'B' ରନର୍ସ-ଅପ୍
ସେପ୍ଟେମ୍ବର ୨୯ - ତୃତୀୟ କ୍ୱାର୍ଟରଫାଇନାଲ - ବାଂଲାଦେଶ ବନାମ ଗ୍ରୁପ୍ B ବିଜେତା
ସେପ୍ଟେମ୍ବର ୨୯ - ଚତୁର୍ଥ କ୍ୱାର୍ଟରଫାଇନାଲ - ଶ୍ରୀଲଙ୍କା ବନାମ ଗ୍ରୁପ୍ A ବିଜେତା
ଅକ୍ଟୋବର ୧ - ପ୍ରଥମ ସେମି-ଫାଇନାଲ
ଅକ୍ଟୋବର ୧ - ଦ୍ୱିତୀୟ ସେମି-ଫାଇନାଲ
ଅକ୍ଟୋବର ୩ - କାଂସ୍ୟ ପଦକ ମ୍ୟାଚ୍
ଅକ୍ଟୋବର ୩ - ସ୍ୱର୍ଣ୍ଣ ପଦକ ମ୍ୟାଚ୍

ମହିଳା ଟୁର୍ଣ୍ଣାମେଣ୍ଟ ସୂଚୀ

ସେପ୍ଟେମ୍ବର ୧୭ - ଭାରତ ବନାମ ଜାପାନ - ପ୍ରଥମ କ୍ୱାର୍ଟର-ଫାଇନାଲ
ସେପ୍ଟେମ୍ବର ୧୭ - ବାଂଲାଦେଶ ବନାମ ଚୀନ - ଦ୍ୱିତୀୟ କ୍ୱାର୍ଟର-ଫାଇନାଲ
ସେପ୍ଟେମ୍ବର ୧୮ - ମାଲେସିଆ ବନାମ ଶ୍ରୀଲଙ୍କା - ତୃତୀୟ କ୍ୱାର୍ଟର-ଫାଇନାଲ
ସେପ୍ଟେମ୍ବର ୧୮ - ପାକିସ୍ତାନ ବନାମ ଥାଇଲ୍ୟାଣ୍ଡ - ଚତୁର୍ଥ କ୍ୱାର୍ଟର-ଫାଇନାଲ୍
ସେପ୍ଟେମ୍ବର 20 - ପ୍ରଥମ ସେମି-ଫାଇନାଲ୍
ସେପ୍ଟେମ୍ବର 20 - ଦ୍ୱିତୀୟ ସେମି-ଫାଇନାଲ୍
ସେପ୍ଟେମ୍ବର 22 - ବ୍ରୋଞ୍ଜ ପଦକ ମ୍ୟାଚ୍
ସେପ୍ଟେମ୍ବର 22 - ସ୍ୱର୍ଣ୍ଣ ପଦକ ମ୍ୟାଚ୍