୨୦୨୬ ଟି-୨୦ ବିଶ୍ୱକପ୍ ପୂର୍ବରୁ, ବାଂଲାଦେଶ କ୍ରିକେଟ୍ ବୋର୍ଡ ଗୁରୁତ୍ୱପୂର୍ଣ୍ଣ ବିବାଦରେ ଫସି ଯାଇଥିଲା। ସେମାନେ ଭାରତରେ ଖେଳିବା ପାଇଁ ସେମାନଙ୍କ ଦଳକୁ ପଠାଇବାକୁ ମନା କରିଦେଇଥିଲେ। ବରଂ ସେମାନେ ଶ୍ରୀଲଙ୍କାରେ ଖେଳିବାକୁ ଦାବି କରିଥିଲେ - ଏହି ଅନୁରୋଧକୁ ଆଇସିସି ପ୍ରତ୍ୟାଖ୍ୟାନ କରିଥିଲା। ଫଳସ୍ୱରୂପ, ବାଂଲାଦେଶ ଟି-୨୦ ବିଶ୍ୱକପ୍‌ରେ ଅଂଶଗ୍ରହଣ କରିବାର ସୁଯୋଗ ହରାଇଲା। ଏହି ମାମଲାରେ ବାଂଲାଦେଶ ସରକାର ଯେଉଁଭଳି ଜିଦ କରିଥିଲା ଆଜିର ବିବାଦକୁ ଦେଖିଲେ ହାସ୍ୟାସ୍ପଦ ମନେହେଉଛି। କାରଣ ବିସିବିରେ ବର୍ତ୍ତମାନ ଆଉ ଏକ ଏକ ନୂଆ ବିବାଦ ଦେଖାଦେଇଛି।

ଏହାସହ ପଢ଼ନ୍ତୁ: ବିରାଟ ହିଟମ୍ୟାନଙ୍କ ରେକର୍ଡ ଭାଙ୍ଗିଲେ; ଭୁବି ମଧ୍ୟ ଇତିହାସ ରଚିଲେ ...୨୦୦ ୱିକେଟ୍‌ ନେବାରେ ପ୍ରଥମ ଦ୍ରୁତ ବୋଲର

ବିସିବିରେ ଘନେଇଲା ନୂଆ ବିବାଦ
ବାଂଲାଦେଶ କ୍ରିକେଟ୍ ବୋର୍ଡ (ବିସିବି) ଲଗାତାର ସରକାରୀ ହସ୍ତକ୍ଷେପର ସମ୍ମୁଖୀନ ହେଉଛି। ଫଳସ୍ୱରୂପ, ଏକକାଳୀନ ଚାରି ଜଣ ଅଧିକାରୀ ବିସିବିରୁ ଇସ୍ତଫା ଦେଇଛନ୍ତି। ବିସିବି ସଭାପତି ଅମିନୁଲ ଇସଲାମ ଏକ ବିବୃତ୍ତି ଜାରି କରି ସଙ୍କେତ ଦେଇଛନ୍ତି ଯେ ସରକାରଙ୍କ ହସ୍ତକ୍ଷେପ ସତ୍ତ୍ୱେ, ସେ ତାଙ୍କ ପଦରୁ ହଟିବେ ନାହିଁ। ସେ ବାଂଲାଦେଶ କ୍ରିକେଟ୍ ବୋର୍ଡକୁ ଆଗକୁ ନେବା ପାଇଁ ପ୍ରତିବଦ୍ଧ ଅଛନ୍ତି। କ୍ରିକେଟ୍ ବ୍ୟାପାରରେ ସରକାରଙ୍କ ହସ୍ତକ୍ଷେପ ଯୋଗୁଁ ଅମିନୁଲ ଗଭୀର ନିରାଶ ହୋଇଛନ୍ତି।