ଶନିବାର ଆଇପିଏଲର ୨୬ତମ ମ୍ୟାଚ୍‌ରେ ମୁହାଁମୁହିଁ ହୋଇଥିଲେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ କ୍ୟାପିଟାଲ୍ସ । ଏହି ମ୍ୟାଚ୍‌ରେ ଯଦିଓ RCB ପରାଜୟ ବରଣ କରିଥିଲା କିନ୍ତୁ ଭୁବନେଶ୍ବର କୁମାରଙ୍କ ବୋଲିଂକୁ ନେଇ ବେଶ୍‌ ଚର୍ଚ୍ଚା ହୋଇଥିଲା । IPLରେ ପ୍ରଭାବଶାଳୀ ବୋଲିଂ ପ୍ରଦର୍ଶନ ପରେ ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ମହମ୍ମଦ କୈଫ୍ ଭୁବନେଶ୍ୱର କୁମାରଙ୍କୁ ପ୍ରଶଂସା କରିଛନ୍ତି । ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଭୁବନେଶ୍ୱର କୁମାର ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ୪ ଓଭରରେ ୨୬ ରନ ଦେଇ ୩ ୱିକେଟ୍ ନେଇଥିଲେ । ତଥାପି ତାଙ୍କର ପ୍ରଭାବଶାଳୀ ବୋଲିଂ ସତ୍ତ୍ୱେ RCB ୬ ୱିକେଟରେ ପରାସ୍ତ ହୋଇଥିଲା ।

ମହମ୍ମଦ କୈଫ୍ କହିଛନ୍ତି ଯେ ୩୬ ବର୍ଷ ବୟସରେ ମଧ୍ୟ ଭୁବନେଶ୍ୱର କୁମାରଙ୍କ ପାଖରେ ବିଶ୍ୱର ସର୍ବୋତ୍ତମ ବ୍ୟାଟସମ୍ୟାନମାନଙ୍କୁ ଅସୁବିଧାରେ ପକାଇବାର କ୍ଷମତା ଅଛି । ସେ ଏବେ ବି ଟିମ୍ ଇଣ୍ଡିଆକୁ ଫେରିପାରିବେ । ନିଜର ଅତୀତକୁ ମନେ ପକାଇ କୈଫ୍ କହିଛନ୍ତି ଯେ ଯେତେବେଳେ ଭୁବନେଶ୍ୱର ମାତ୍ର ୧୭ ବର୍ଷ ବୟସର ଥିଲେ, ସେତେବେଳେ ତାଙ୍କର ସ୍ୱିଙ୍ଗ୍ ଏବଂ ନିୟନ୍ତ୍ରଣ ଦେଖି ସେ ତାଙ୍କୁ ରଣଜୀ ଟ୍ରଫିରେ ସୁଯୋଗ ଦେଇଥିଲେ । ସେହି ମ୍ୟାଚ୍‌ରେ ଭୁବନେଶ୍ୱର ମହାନ ସଚିନ୍ ତେନ୍ଦୁଲକରଙ୍କୁ ଡକ୍‌ରେ ଆଉଟ୍‌ କରିଥିଲେ ।

There are moments when one gets emotional. Watching Bhuvi bowl so beautifully today brought back memories of the days when he was just 17. I was the UP captain, and was impressed by his control and swing. But selectors said he was too young. I insisted. Bhuvi made his Ranji…

— Mohammad Kaif (@MohammadKaif) April 18, 2026

କୈଫ୍ କହିଛନ୍ତି, "ଏପରି କିଛି ମୁହୂର୍ତ୍ତ ଅଛି ଯେତେବେଳେ ଜଣେ ଭାବପ୍ରବଣ ହୋଇଯାଏ । ଆଜି ଭୁବନେଶ୍ୱରଙ୍କୁ ଚମତ୍କାର ବୋଲିଂ ଦେଖି ପୁରୁଣା ଦିନର ସ୍ମୃତି ଫେରି ଆସିଲା । ୧୭ ବର୍ଷ ବୟସରେ, ତାଙ୍କର ଜବରଦସ୍ତ ନିୟନ୍ତ୍ରଣ ଏବଂ ସ୍ୱିଙ୍ଗ୍ ଥିଲା। ଏବେ ୩୬ ବର୍ଷ ବୟସରେ ତାଙ୍କର ସମାନ ଦକ୍ଷତା ଅଛି । ତାଙ୍କ ପାଖରେ ଏବେ ବି ଟିମ୍‌ ଇଣ୍ଡିଆକୁ ଫେରିବାର ସମ୍ଭାବନା ଅଛି ।

ଭୁବନେଶ୍ୱର କୁମାର IPLରେ ୨୦୦ ୱିକେଟ୍ ପୂରଣ କରି ଇତିହାସ ରଚିଛନ୍ତି । ସେ ଏହି ସଫଳତା ହାସଲ କରିବାରେ ପ୍ରଥମ ଦ୍ରୁତ ବୋଲର ଏବଂ ସାମଗ୍ରିକ ଭାବରେ ଦ୍ୱିତୀୟ ହୋଇଛନ୍ତି । ୟୁଜଭେନ୍ଦ୍ର ଚହଲ ପୂର୍ବରୁ ଏହି ସଫଳତା ହାସଲ କରିସାରିଛନ୍ତି । ସୂଚନା ଅନୁସାରେ, ଭୁବନେଶ୍ୱର ଶେଷ ଥର ପାଇଁ ୨୦୨୨ ମସିହାରେ ନ୍ୟୁଜିଲାଣ୍ଡ ବିପକ୍ଷରେ T20 ସିରିଜରେ ଭାରତ ପାଇଁ ଖେଳିଥିଲେ ।

ଭୁବନେଶ୍ୱର କୁମାର ମ୍ୟାଚ୍ ଆରମ୍ଭରୁ ଚମତ୍କାର ବୋଲିଂ କରିଥିଲେ । ସେ ନୂତନ ବଲ୍‌କୁ ଉଭୟ ଦିଗରେ ସ୍ୱିଙ୍ଗ୍ କରି ବ୍ୟାଟ୍ସମ୍ୟାନମାନଙ୍କୁ ଅସୁବିଧାରେ ପକାଇଥିଲେ । ସେ ପ୍ରଥମେ ପଥୁମ୍ ନିସାଙ୍କାଙ୍କୁ LBW ଆଉଟ୍ କରିଥିଲେ । ସେ ପରେ କରୁଣ ନାୟାର ଏବଂ ସମୀର ରିଜଭିଙ୍କୁ ଆଉଟ୍ କରି ଦିଲ୍ଲୀ କ୍ୟାପିଟାଲ୍ସକୁ ବ୍ୟାକଫୁଟ୍‌କୁ ଆଣିଥିଲେ । ସେ ତାଙ୍କର ଦ୍ୱିତୀୟ ସ୍ପେଲରେ ମଧ୍ୟ ଉତ୍କୃଷ୍ଟ ଶୃଙ୍ଖଳା ବଜାୟ ରଖିଥିଲେ । ତାଙ୍କର ଲାଇନ୍ ଏବଂ ଲେନ୍ଥ ଏତେ ସଠିକ୍ ଥିଲା ଯେ ବ୍ୟାଟ୍ସମ୍ୟାନମାନେ ମୁକ୍ତ ଭାବରେ ସ୍କୋର କରିପାରିଲେ ନାହିଁ ।