Lara Praises Jaiswal / ଜୟସ୍ବାଲଙ୍କୁ ଲାରାଙ୍କ ଅପିଲ୍, ଆମ ବୋଲରଙ୍କୁ ଏମିତି ନିର୍ଦ୍ଦୟ ଭାବେ ମାରନି

ଦିଲ୍ଲୀ ଟେଷ୍ଟରେ ଯଶସ୍ବୀ ଜୟସ୍ବାଲ ୱେଷ୍ଟଇଣ୍ଡିଜ୍ ବିପକ୍ଷରେ ଦିଲ୍ଲୀ ଟେଷ୍ଟରେ ୧୭୫ ରନ କରିଥିଲେ । ଯଦିଓ ସେ ଦ୍ୱିଶତକ କରିବାରେ ବିଫଳ ହୋଇଥିଲେ । କିନ୍ତୁ ସେ ତାଙ୍କ ଦମଦାର ବ୍ୟାଟିଂ ମାଧ୍ୟମରେ ସମସ୍ତଙ୍କ ହୃଦୟ ଜିତିଥିଲେ । ଦ୍ୱିତୀୟ ଟେଷ୍ଟର ପ୍ରଥମ ଇନିଂସରେ ଜୟସ୍ୱାଲ ତାଙ୍କ ୧୭୫ ରନରେ ୨୨ ଚୌକା ମାରିଥିଲେ । ସେ ୨୫୮ ବଲରୁ ୧୭୫ ରନର ଏକ ଦମଦାର ଇନିଂସ ଖେଳିଥିଲେ । ଜୟସ୍ୱାଲଙ୍କ ୧୭୫ ଏବଂ ଗିଲଙ୍କ ୧୨୯ ରନ୍‌ ଫଳରେ ଭାରତ ପ୍ରଥମ ଇନିଂସରେ ୮୧୮ ରନ୍‌ର ବଡ଼ ସ୍କୋର କରିଥିଲେ । ଏହି ଇନିଂସ ପାଇଁ ଯଶସ୍ବୀ ଜୟସ୍ବାଲଙ୍କୁ ପୂର୍ବତନ ଓ୍ବେଷ୍ଟଇଣ୍ଡିଜ୍ ଅଧିନାୟକ ତଥା କିମ୍ବଦନ୍ତୀ ବ୍ୟାଟ୍ସମ୍ୟାନ୍ ବ୍ରାଏନ୍ ଲାରା ପ୍ରଶଂସା କରିଥିଲେ ।

ଅଧିକ ପଢ଼ନ୍ତୁ: ODI ଟିମ୍‌ରୁ ବାଦ୍ ପଡ଼ିବା ପରେ ମୁହଁ ଖୋଲିଲେ ଜାଡେଜା; କହିଲେ, ମୁଁ ୨୦୨୭ ବିଶ୍ବକପ୍ ଖେଳିବାକୁ ଚାହେଁ

ରବିବାର ସକାଳେ ବିସିସିଆଇର ସୋସିଆଲ ମିଡିଆ ହ୍ୟାଣ୍ଡେଲରେ ଏକ ଭିଡିଓ ସେୟାର କରାଯାଇଥିଲା । ଏହି ଭିଡିଓରେ ଦେଖିବାକୁ ମିଳିଥିଲା, ଲାରା, ଜୟସ୍ୱାଲଙ୍କୁ ଆଲିଙ୍ଗନ କରି ତାଙ୍କ ଦମଦାର ଇନିଂସ ପାଇଁ ଅଭିନନ୍ଦନ ଜଣାଇଥିଲେ । ଆଉ ଏହା ପରେ ଜୟସ୍ବାଲଙ୍କୁ ଏକ ବିଶେଷ ଅନୁରୋଧ କରିଥିଲେ । ସେ କହିଥିଲେ ଆମର ବୋଲରମାନଙ୍କୁ ଏତେ ମାରନ୍ତୁ ନାହିଁ । ଲାରାଙ୍କ ଏହି କଥା ଶୁଣି ଜୟସ୍ବାଲ ହସିଥିଲେ ।

ମୁଁ ସବୁବେଳେ ଏକ ବଡ଼ ଇନିଂସ ଖେଳିବାକୁ ଚାହେଁ, - ଜୟସୱାଲ

ବ୍ୟାଟିଂ ସମୟରେ ତାଙ୍କ ମାନସିକତା କ'ଣ ରହିଥାଏ ସେନେଇ ମଧ୍ୟ ଜୟସ୍ବାଲ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ସେ ସର୍ବଦା ଯଥାସମ୍ଭବ ଲମ୍ବା ବ୍ୟାଟିଂ କରିବାକୁ ଚେଷ୍ଟା କରନ୍ତି । ମୁଁ ସବୁବେଳେ ଦଳକୁ ପ୍ରଥମେ ରଖେ, ମୁଁ ମୋ ଦଳ ପାଇଁ କିପରି ଖେଳିପାରିବି ଏବଂ ସେହି ମୁହୂର୍ତ୍ତରେ ମୋ ଦଳ ପାଇଁ କ'ଣ ଗୁରୁତ୍ୱପୂର୍ଣ୍ଣ । ତେଣୁ ମୋର ମାନସିକତା ହେଉଛି ଯଦି ମୁଁ ଏକ ଭଲ ଆରମ୍ଭ ପାଏ, ତେବେ ମୁଁ ଚେଷ୍ଟା କରେ କି କେମିତି ବଡ଼ ସ୍କୋର କରିବି ।

ସୂଚନା ଅନୁସାରେ, ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଭାରତ-ଓ୍ବେଷ୍ଟଇଣ୍ଡିଜ୍ ମଧ୍ୟରେ ଦ୍ବିତୀୟ ଟେଷ୍ଟ ମ୍ୟାଚ୍ ଖେଳାଯାଉଛି । ଏହି ମ୍ୟାଚ୍‌ରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଟିମ୍ ଇଣ୍ଡିଆ । ପ୍ରଥମ ଇନିଂସରେ ଯଶସ୍ବୀ ଜୟସ୍ବାଲ ଓ ଶୁବମନ ଗିଲ୍‌ଙ୍କ ଦମଦାର ଶତକ ବଳରେ ଭାରତ ୫୧୮ ରନ୍ କରିଥିଲା । ସେହିପରି ଓ୍ବେଷ୍ଟଇଣ୍ଡିଜ୍ ତା'ର ପ୍ରଥମ ଇନିଂସରେ ମାତ୍ର ୨୪୮ ରନ୍‌ କରି ଅଲଆଉଟ ହୋଇଥିଲା । ଭାରତ ପକ୍ଷରୁ କୁଲଦୀପ ଯାଦବ ୫ଟି ଓ ରବୀନ୍ଦ୍ର ଜାଡେଜା ୩ଟି ଓ୍ବିକେଟ ଅକ୍ତିଆର କରିଥିଲେ ।