Captain Shreyas Iyer / କାହା ପାଇଁ ଚତୁର୍ଥ ଟି୨୦ ହାରିଲା ଭାରତ ? ଏମାନଙ୍କୁ ଦାୟୀ କଲେ ଶ୍ରେୟସ ଆୟର

ହାଇଦ୍ରାବାଦ: ରାଜୀବ ଗାନ୍ଧୀ ଅନ୍ତର୍ଜାତୀୟ କ୍ରିକେଟ ଷ୍ଟା଼ଡିୟମରେ ଭାରତର ଚତୁର୍ଥ ଟି୨୦ ମ୍ୟାଚ୍ ଖେଳାଯାଇଥିଲା । ବିପକ୍ଷ ଟିମ ୱେଷ୍ଟଇଣ୍ଡିଜ୍‌ଠାରୁ ୨୪ ରନ୍‌ରେ ହାରିବା ପରେ ନିରାଶ ପ୍ରକାଶ କରିଛନ୍ତି ଅଧିନାୟକ ଶ୍ରେୟସ ଆୟର । ୨୪୮ ରନ୍‌ର ଜବାବରେ ଭାରତୀୟ ଟିମ୍ ୨୨୩ ରନ୍ କରି ଅଲଆଉଟ୍ ହୋଇଥିଲା । ମ୍ୟାଚ୍ ହାରିବା ପରେ ଅଧିନାୟକ ଆୟର ନିଜ ଟିମ୍‌ର ଦୁର୍ବଳତା ଓ ହାରିବାର ମୁଖ୍ୟ କାରଣ ସମ୍ପର୍କରେ ଆଲୋଚନା କରିଛନ୍ତି ।

• କଣ କହିଲେ ଆୟର ?

ପରାଜୟର କାରଣ ସମ୍ପର୍କରେ ଆଲୋଚନା କରି କ୍ୟାପ୍ଟେନ ଶ୍ରେୟସ ଆୟର କହିଥିଲେ ଯେ ମ୍ୟାଚ୍‌ ବୋଲିଂ କରିବା ସମୟରେ ହିଁ ପଲଟିଯାଇଥିଲା । ସେ କହିଥିଲେ, "ହାରର ଆରମ୍ଭ ଆମ ବୋଲିଂରୁ ହୋଇଥିଲା । ଆମେ ଆମର ଲାଇନ୍ ଓ ଲେନ୍ଥକୁ ଠିକ୍ ଭାବେ ଆଣିପାରିନଥିଲୁ । ଯେତେବେଳେ କୌଣସି ଦଳ ୨୫୦ ଭଳି ବଡ଼ ସ୍କୋରର ପିଛା କରୁଥାଏ, ସେତେବେଳେ ଟିମକୁ ଏକ ଖାସ୍ ପ୍ଯାଟର୍ଣ୍ଣରେ ବ୍ୟାଟିଂ କରିବାକୁ ପଡ଼େ । ମୋତେ ଟିମର ରନ୍ ଚେଜ୍ ବେଶ ପସନ୍ଦ ଆସିଥିଲା, ମାତ୍ର ଆମେ ବୋଲିଂରେ ଦୁର୍ଭାଗ୍ୟଶାଳୀ ହୋଇଥିଲୁ । ସେଥିଲାଗି ଆମେ ପଛରେ ପଡ଼ିଗଲୁ ।"

🔴250 RUNS WERE CHASABLE, BUT INDIA'S BOWLING LET THEM DOWN🤯 🎙️: Shreyas Iyer admitted that India failed to execute their line and length properly while bowling. He liked the team's approach while chasing 250 but said poor bowling execution was where India fell short. 🤯 https://t.co/Jvf1vvUgb7

— Sam (@cricsam02) October 14, 2026

ଯେତେବେଳେ ଆୟରଙ୍କୁ ପ୍ରଶ୍ନ କରାଯାଇଥିଲା ଯେ ପ୍ରାରମ୍ଭିକ ଓଭରରୁ ଅଭିଷେକ ଶର୍ମାଙ୍କୁ ଷ୍ଟ୍ରାଇକ୍ ନ ମିଳିବା ଭାରତ ପାଇଁ ଧିମା ଆରମ୍ଭର କାରଣ ହୋଇଥିଲା କି ? ଏହାକୁ ଆୟର ସିଧାସଳଖ ଖାରଜ କରି କହିଥିଲେ, "ଏପରି କିଛି ହୋଇନାହିଁ । ଆମେ ସେତେବେଳେ ବି ପ୍ରତି ଓଭର ପିଛା ୧୨ ରନ୍‌ରେ ଯାଉଥିଲୁ । କଥା କେବଳ ଏତିକି ଯେ ୱେଷ୍ଟଇଣ୍ଡିଜ୍ ବୋଲରମାନେ ତାଙ୍କର ଯୋଜନାକୁ ସଠିକ୍ ଭାବେ ଲାଗୁ କରିପାରିଲେ । ପିଚ୍‌ରୁ ବଲ୍ ଟିକେ ରହି ଓ ଡେଇଁକି ଆସୁଥିଲା, ଯାହାର ଭରପୂର ଫାଇଦା ଉଠାଇଥିଲେ ୱେଷ୍ଟଇଣ୍ଡିଜ୍ ବୋଲର୍ ।"

ପଢନ୍ତୁ ଏହି ଖବର: ଚତୁର୍ଥ ଟି୨୦ ମ୍ୟାଚ୍ ଜିତିଲା ୱେଷ୍ଟଇଣ୍ଡିଜ, ୨୪୮ ରନ୍ କରିପାରିଲାନି ଇଣ୍ଡିଆ

• ବ୍ୟାଟିଂର ପ୍ରଶଂସା କଲେ ଆୟର

୨୪୮ ରନ୍ ଟାର୍ଗେଟ୍ କରି ୨୨୩ ରନ୍ ଯାଏଁ ପହଞ୍ଚିଥିବା ବ୍ୟାଟ୍ସମ୍ୟାନଙ୍କ ପ୍ରଶଂସା କରିଛନ୍ତି କ୍ୟାପ୍ଟେନ ଆୟର । ସେ କହିଥିଲେ ଯେ ୨୫୦ ରନ୍ ଟାର୍ଗେଟ୍ କରି ୨୨୦ ରନ୍ ଯାଏଁ ପହଞ୍ଚିବା ନିହାତି ବଡ଼ କଥା । ଏଥିରୁ ଟିମର ମନୋଭାବ ଓ ଉଦ୍ୟମ ସଫା ଝଲସିଥାଏ । "ଆମେ ଆଗକୁ ବି ଏଭଳି ଆପ୍ରୋଚ୍ ରହିବ । ବୋଲିଂକୁ ନେଇ ବି ବେଶି ଚନ୍ତା କରିବାର ଆବଶ୍ୟକତା ନାହିଁ । କେବଳ ଏକ୍‌ଜିକ୍ୟୁସନ ଓ ଫ୍ରେସ୍ ମାଇଣ୍ଡସେଟ୍ ସହିତ ମୈଦାନକୁ ଆସିବା ଉଚିତ । ମିଡଲ୍ ଓଭରରେ ମ୍ୟାଚ୍ ଆମ ହାତରେ ଥିଲା, ମାତ୍ର ବିପକ୍ଷ ଟିମ ଭଲ କମବ୍ୟାକ୍ କରିଥିଲା । ଏବେ ସିରିଜ ୨-୨ରେ ବରାବର ହୋଇଛି ଏବଂ ବେଙ୍ଗାଲୁରୁରେ ଖେଳାଯିବାକୁ ଥିବା ଶେଷ ମ୍ୟାଚ୍ ନିହାତି ରୋଚକମୟ ହେବ ।"