Argus News - ବନ୍ଧାହେଲେ ଡେଭିଡ୍‌ ଓ୍ବାର୍ଣ୍ଣର, ଏହି ସଙ୍ଗୀନ ଅଭିଯୋଗରେ ପୋଲିସ୍‌ ନେଲା ବଡ଼ ଆକ୍ସନ

ପୁଣି ଏକ ବଡ଼ ବିବାଦରେ ଫସିଲେ ଅଷ୍ଟ୍ରେଲିଆର ପୂର୍ବତନ କ୍ରିକେଟ୍‌ର ଡିଭେଡ୍‌ ଓ୍ବାର୍ଣ୍ଣର । ଅଷ୍ଟ୍ରେଲିଆ କିମ୍ବଦନ୍ତୀ ବ୍ୟାଟ୍ସମ୍ୟାନ୍‌ ୱାର୍ଣ୍ଣର ବର୍ତ୍ତମାନ ପାକିସ୍ତାନ ସୁପର ଲିଗ୍ ୨୦୨୬ (PSL 2026)ରେ କରାଚୀ କିଙ୍ଗ୍ସର ଅଧିନାୟକତ୍ୱ କରୁଛନ୍ତି । ଏହାର ମଧ୍ୟରେ ଏକ ଗମ୍ଭୀର ଅଭିଯୋଗରେ ପୋଲିସ ୱାର୍ଣ୍ଣରଙ୍କୁ ଗିରଫ କରିଥିବା ଖବର ସାମ୍ନାକୁ ଆସିଛି ।

ମଦ୍ୟପାନ କରି ଗାଡ଼ି ଚାଳନା କରିବା ପାଇଁ ୱାର୍ଣ୍ଣରଙ୍କୁ ଅଷ୍ଟ୍ରେଲିଆରେ ଗିରଫ କରାଯାଇଛି । ୱାର୍ଣ୍ଣରଙ୍କ PSL ଦଳ କରାଚୀ କିଙ୍ଗ୍ସ ଏପ୍ରିଲ ୨ ସୁଦ୍ଧା ସେମାନଙ୍କର ପ୍ରଥମ ତିନୋଟି ଲିଗ୍ ମ୍ୟାଚ୍ ଖେଳିସାରିଛି । ଚତୁର୍ଥ ମ୍ୟାଚ୍ ୯ ଏପ୍ରିଲରେ ଖେଳାଯିବ । ଏହି ସମୟରେ ୱାର୍ଣ୍ଣର ଏକ ଛୋଟ ବିରତି ନେଇ ଅଷ୍ଟ୍ରେଲିଆ ଫେରିଆସିଥିଲେ । ଆଉ ଏବେ ଅଷ୍ଟ୍ରେଲିଆରେ ମଦ ପିଇ ଗାଡ଼ି ଚଳାଇବା ଅଭିଯୋଗରେ ବନ୍ଧା ହୋଇଛନ୍ତି ।

ନ୍ୟୁ ସାଉଥ୍ ୱେଲ୍ସ ପୋଲିସ ୱାର୍ଣ୍ଣରଙ୍କଠାରୁ ବ୍ରେଥ୍‌ ସାମ୍ପୁଲ ନେଇଥିଲା । ଯାହା ସ୍ପଷ୍ଟ କରିଥିଲା ଯେ ସେ ସୀମାଠାରୁ ଅଧିକ ମଦ୍ୟପାନ କରିଥିଲେ । ତାଙ୍କ ବ୍ଲଡ୍‌ ରିଡିଂ ୦.୧୦୪ ଥିଲା । ଯାହା ଅଷ୍ଟ୍ରେଲିଅ ସୀମାର ଦୁଇ ଗୁଣ ଅଟେ । ଏହା ଆଧାରରେ ୱାର୍ଣ୍ଣରଙ୍କୁ ଗିରଫ କରାଯାଇଥିଲା ଏବଂ ମାରୋବ୍ରା ପୋଲିସ ଷ୍ଟେସନକୁ ନିଆଯାଇଥିଲା ।

ଆସନ୍ତା ମାସରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି

ପୋଲିସର ଏକ ବିବୃତ୍ତିରେ କୁହାଯାଇଛି, "ରବିବାର (ଏପ୍ରିଲ 5) ସକାଳ ପ୍ରାୟ ୫:୩୦ ସମୟରେ ପୋଲିସ ମାରୋବ୍ରାର ମାଲାବାର ରୋଡରେ ପୋଲିସ୍‌ ବ୍ରେଥ୍‌ ଟେଷ୍ଟ କରୁଥିଲା । ଏହି ସମୟରେ ଏକ ଭ୍ୟାନ ପରୀକ୍ଷା ସ୍ଥାନରୁ ଅଳ୍ପ ଦୂରରେ ଅଟକି ପାର୍କିଂ କରୁଥିବାର ଜଣାପଡ଼ିଥିଲା । ଟ୍ରାଫିକ୍ ଏବଂ ହାଇୱେ ପାଟ୍ରୋଲ୍ ଅଧିକାରୀମାନେ ଗାଡ଼ି ପାଖକୁ ଯାଇ ବ୍ରେଥ୍‌ ଆନାଲାଇଜ୍‌ରେ ଟେଷ୍ଟ କରିଥିଲେ । ଯାହାର ଫଳାଫଳ ପଜିଟିଭ୍‌ ଆସିଥିଲା । ତେବେ ଏହି ମାମଲାରେ ଓ୍ବାର୍ଣ୍ଣର ଆସନ୍ତା ମାସରେ କୋର୍ଟରେ ହାଜର ହେବେ ।