ଭାରତୀୟ ବୋଲରଙ୍କ ଘାତକ ବୋଲିଂର ଶିକାର ହେଲା ଇଂଲଣ୍ଡ ଦଳ
ଅର୍ଗସ ବ୍ୟୁରୋ : ୩୧୯ ରନ୍ କରି ଅଟକିଲା ଇଂଲଣ୍ଡ ଦଳ । ଭାରତୀୟ ବୋଲଙ୍କ ଘାତକ ବୋଲିଂର ଶିକାର ହେଲା ଇଂଲଣ୍ଡ ଦଳ । ଆଜି ତୃତୀୟ ଦିନରେ ପୁନର୍ବାର ପାଳି ଆରମ୍ଭ କରିଥିବା ଇଂଲଣ୍ଡ ଟିମ୍ ଭାରତୀୟ ବୋଲରଙ୍କ ଘାତକ ବୋଲିଂର ଶିକାର ହୋଇଥିଲେ । ପ୍ରାରମ୍ଭରୁ ଜୋ ରୁଟଙ୍କୁ ପାଭିଲିଅନ୍ ପଠାଇଥିଲେ ବୁମରା । ଏହାପରେ ଜନ୍ନି ବେୟାରଷ୍ଟୋଙ୍କୁ ମଧ୍ୟ କୁଳଦୀପ୍ ଆଉଟ୍ କରାଇ ନେଇଥିଲେ ।
ରାଜକୋଟରେ ଖେଳାଯାଉଥିବା ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚରେ ଭାରତର ଦବଦବା ରହିଛି । ତୃତୀୟ ଦିନର ଖେଳ ସୁଦ୍ଧା ଇଂଲଣ୍ଡ ଦ୍ୱିତୀୟ ପାଳିରେ ୩୧୯ ରନ୍ ସଂଗ୍ରହ କରି ଅଲ୍ ଆଉଟ୍ ହୋଇଯାଇଛି । ଫଳରେ ୪୪୫ ରନ୍ କରିଥିବା ଟିମ୍ ଇଣ୍ଡିଆ ୧୨୬ ରନ୍ ଆଗରେ ରହିଛି । ଦ୍ୱିତୀୟ ପାଳିରେ ଇଂଲଣ୍ଡ ଭଲ ଆରମ୍ଭ କରିଥିଲା । ଓପନର୍ ବେନ ଡକେଟ ନିଜର ଜଲୱା ଦେଖାଇବା ସହ ମାତ୍ର ୮୮ ବଲରେ ଶତକ ହାସଲ କରିଥିଲେ । ଦ୍ୱିତୀୟ ଦିନର ଷ୍ଟମ୍ପ୍ ଅପସାରଣ ସୁଦ୍ଧା ଇଂଲିଶ ଟିମ୍ ୨ ୱିକେଟ ହରାଇ ୨୦୭ ରନ ସଂଗ୍ରହ କରିଥିଲା ।
ଅଧିକ ପଢନ୍ତୁ : ଭାରତ ଠାରୁ ୨୩୮ ରନ୍ ପଛରେ ଇଂଲଣ୍ତ
📱 Get Argus News App
✨ମହମ୍ମଦ ସିରାଜଙ୍କୁ ସର୍ବାଧିକ ୪ଟି ୱିକେଟ ମିଳିଥିବା ବେଳେ ଜାଡେଜା ଓ କୁଳଦୀପ ଦୁଇଟି ଲେଖାଏଁ ୱିକେଟ୍ ନେଇଛନ୍ତି ଏବଂ ବୁମରାଙ୍କ ଖାତାରେ ଗୋଟିଏ ୱିକେଟ୍ ରହିଛି । ସେପଟେ ପ୍ରଥମ ଦୁଇ ଦିନ ମ୍ୟାଚ୍ ଖେଳିବା ପରେ ସ୍ପିନର୍ ରବିଚନ୍ଦ୍ରନ ଅଶ୍ୱିନ ଓହରି ଯାଇଛି । ପରିବାରରେ ସ୍ୱାସ୍ଥ୍ୟ ସମସ୍ୟା ଥିବାରୁ ସେ ବାକି ତିନ ଦିନ ମ୍ୟାଚରେ ରହିବେ ନାହିଁ ।