Asia cup Gun Controversy / ବିବାଦ ଘେରରେ ଫରହାନଙ୍କ ଏକେ-୪୭ ସେଲିବ୍ରେସନ

ରବିବାର ଦିନ ଦୁବାଇରେ ଭାରତ ବିପକ୍ଷରେ ଏସିଆ କପ୍ ମ୍ୟାଚ୍ ସମୟରେ ପାକିସ୍ତାନୀ କ୍ରିକେଟର ହାରିସ୍ ରୌଫ୍ ଏବଂ ସାହିବଜାଦା ଫରହାନଙ୍କ ହାବଭାବକୁ ନେଇ ଏବେ ବଡ଼ ବିବାଦ ଦେଖାଯାଇଛି। ଯାହାକୁ ନେଇ ରାଜନୀତି ସରଗରମ ହୋଇଛି। ଯାହାକୁ ରାଜନେତାମାନେ ମଧ୍ୟ ସାମିଲ ହୋଇଛନ୍ତି। ରିପୋର୍ଟ ଅନୁଯାୟୀ ଜଣେ ପାକ୍ ଖେଳାଳି ଅପରେସନ୍ ସିନ୍ଦୁର ସମୟରେ ଚାରି ଦିନିଆ ସାମରିକ ସଂଘର୍ଷକୁ ପଡ଼ିଆରେ ଇଙ୍ଗିତ କରିଥିଲେ। ଏହାକୁ ନେଇ ପାକିସ୍ତାନ କ୍ରିକେଟର ସାହିବଜାଦା ଫରହାନ ତାଙ୍କ ବ୍ୟାଟକୁ ବନ୍ଧୁକ ପରି ଦେଖାଇଛନ୍ତି। ଯାହାକୁ 'AK-47' ସହିତ ତୁଳନା କରିଛନ୍ତି ଭାରତୀୟ ଲୋକେ। ଆଉ ଏଭଳି କରିବା ପାଇଁ ଭିଲେନ ହେଉଛନ୍ତି ମୋହସିନ ନକ୍‌ଭି ବୋଲି ଚର୍ଚ୍ଚା ହେଉଛି।

ଦୁଇ ପାକିସ୍ତାନୀ କ୍ରିକେଟରଙ୍କ ବିବାଦୀୟ ହାବଭାବ ମଧ୍ୟ ରାଜନୈତିକ ବିତର୍କକୁ ପୁନର୍ବାର ଆରମ୍ଭ କରିଛି। ପୁଣି ଚର୍ଚ୍ଚା ଜୋର ଧରିଛି ଯେ, ଏସିଆ କପରେ ଭାରତ-ପାକିସ୍ତାନ ମ୍ୟାଚକୁ ବୟକଟ କରିବାର ଉଚିତ ଥିଲା। ଭାରତ ଜିତିଥିବା ମ୍ୟାଚ୍‌ର ଦ୍ୱିତୀୟ ଇନିଂସରେ ପାକିସ୍ତାନର ହାରିସ୍‌ ରୌଫ୍‌ ଦର୍ଶକଙ୍କ ପରିହାସର ଜବାବ ଦେଇ ଆଙ୍ଗୁଠି ଉଠାଇ '୦-୬' କରି ଦେଖାଇଥିଲେ। ଏହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଇସଲାମାବାଦ ଏକ ଦାବି ଡିକୋଡ୍ କରିଥିଲା ​​ମେ' ମାସରେ ଅପରେସନ୍ ସିନ୍ଦୁର ପରେ ସାମରିକ ସଂଘର୍ଷ ସମୟରେ ଭାରତୀୟ ଲଢ଼ୁଆ ବିମାନକୁ ଖସାଇ ଦିଆଯାଇଥିଲା। ସେଥିପାଇଁ ଜାଣିଶୁଣି ଏଭଳି ସ୍ଲେଜିଂ କରୁଥିବା କୁହାଯାଉଛି। ସେପଟେ ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ ସାହିବଜାଦା ଫରହାନ ପଡିଆରେ ପ୍ରମାଣ କରିଛନ୍ତି ଯେ ପାକିସ୍ତାନୀ ଆତଙ୍କବାଦୀମାନେ ପହଲଗାମରେ 26 ଜଣ ନିର୍ଦ୍ଦୋଷଙ୍କୁ କିପରି ହତ୍ୟା କରିଥିଲେ। ଆଉ ଏହାକୁ ହିଁ ଉପହାସ କରି ଭାରତୀୟବାସୀଙ୍କୁ ଷ୍ଟାଡିୟମରେ ଇଙ୍ଗିତ କରି ଦେଖାଇଥିଲେ। ଯାହା ଅତ୍ୟନ୍ତ ଘୃଣ୍ୟ। ତୁମକୁ ଏତେ ସାହସ ଦେଲା କିଏ। ତୁମ ଦେଶରେ ଖାଇବାକୁ ପଇସା ନାହିଁ। ତେବେ ରାଜନୈତିକ ମୋଡ଼ ଯାହା ହେଉନା କାହିଁକି ଇଣ୍ଡିଆ ଟିମ୍‌ର ଯୁବବାହିନୀ କିନ୍ତୁ କମାଲ କରି ଦେଖାଇଥିଲେ।

ଗୁଳି କରି ମ୍ୟାଚ୍ ରୋକିଦିଅ...ଏମିତି କଲେ ହିଁ ଭାରତଠୁ ଜିତିବ, Live TVରେ ପାକ୍ ପ୍ୟାନେଲିଷ୍ଟଙ୍କ ଅଜବ ମନ୍ତବ୍ୟ

ଏହି ହାଇଭୋଲଟେଜ ମ୍ୟାଚ ଦେଖିବାର ଥିଲା। ପାକିସ୍ତାନୀଙ୍କୁ ମୁହଁତୋଡ଼ ଜବାବ ଦେଇଛନ୍ତି ଇଣ୍ଡିଆ ଟିମ୍‌ର ଖେଳାଳି। ସାହିବଜାଦା ଫରହାନ ୫୮ ରନ କରିବାପରେ ଯାହାଙ୍କୁ ପ୍ରଥମ ଓଭରରେ ଶୂନ୍ୟରେ ଜୀବନ ଦିଆଯାଇଥିଲା। କିନ୍ତୁ ଅର୍ଦ୍ଧଶତକ ପୂରଣ କରିବା ପରେ ତାଙ୍କର ଗନ୍‌ ସେଲିବ୍ରେସନ ପୁରା ଦେଶବାସୀଙ୍କୁ ଆଘାତ ଦେଇଛି। ଏହି ଲଜ୍ଜାଜନକ କାର୍ଯ୍ୟର ଏକ ଭିଡିଓ ଏସିଆନ କ୍ରିକେଟ ପରିଷଦ (ଏସିସି)ର ଅଫିସିଆଲ ସୋସିଆଲ ମିଡିଆ ପେଜ୍‌ରେ ମଧ୍ୟ ଶେୟାର କରାଯାଇଥିଲା। ବର୍ତ୍ତମାନର ଏସିସି ସଭାପତି ହେଉଛନ୍ତି ମୋହସିନ ନକଭି, ଯିଏ ପିସିବି ମୁଖ୍ୟ ମଧ୍ୟ ଅଛନ୍ତି। ମୋହସିନ ନକଭି ଭାରତ ବିପକ୍ଷ ମ୍ୟାଚ୍‌ର ଗୋଟିଏ ଦିନ ପୂର୍ବରୁ ପାକିସ୍ତାନ ଦଳକୁ ଭେଟିଥିଲେ ଏବଂ ସମସ୍ତ ଖେଳାଳିଙ୍କ ସହ କଥା ହୋଇଥିଲେ।

ଆହୁରି ଅଧିକ ପଢ଼ନ୍ତୁ କ୍ରୀଡ଼ା ଖବର 

ତାଙ୍କ ନିର୍ଦ୍ଦେଶରେ ପାକିସ୍ତାନୀ ଖେଳାଳିମାନେ ମ୍ୟାଚ ସମୟରେ ଏପରି ଲଜ୍ଜାଜନକ ଆଚରଣ କରିଥିଲେ ବୋଲି ଚର୍ଚ୍ଚା ହେଉଛି। ସାହିବଜାଦା ଫରହାନଙ୍କ ଗନ୍‌ ସେଲିବ୍ରେସନ ପରେ, ହାରିସ ରୌଫ ମଧ୍ୟ ଏପରି ଅଭିନୟ କରିଥିଲେ ଯେପରି ସେ ଉଡ଼ୁଛନ୍ତି ଏବଂ ସୀମାରେ ଏକ ବିମାନକୁ ଦୁର୍ଘଟଣାଗ୍ରସ୍ତ କରୁଛନ୍ତି। ପାକିସ୍ତାନୀ ଖେଳାଳିମାନେ ଭାରତୀୟ ଖେଳାଳିଙ୍କ ସହ ଅଯଥା ଯୁକ୍ତିତର୍କ କରୁଥିଲେ। କିନ୍ତୁ ଅଭିଷେକ ଏବଂ ଗିଲ କଥାରେ ନୁହେଁ କାମରେ ମାନେ ବ୍ୟାଟ୍‌ରେ ମାଡ଼ ମାରି ଦେଖାଇଥିଲେ। ଛକାଚୌକା ମାରି ପାକିସ୍ତାନୀ ଟିମ୍‌ର ମୁହଁ ବନ୍ଦ କରିଦେଲେ।