ନୂଆଦିଲ୍ଲୀ: କ୍ରିକେଟ୍ ଜଗତରେ ଜଣେ ଉଦୀୟମାନ ଖେଳାଳି ହେବାକୁ ଯାଉଛନ୍ତି ୧୫ ବର୍ଷୀୟ ଷ୍ଟାର ବ୍ୟାଟସମ୍ୟାନ୍ ବୈଭବ ସୂର୍ଯ୍ୟବଂଶୀ । ଏହି ଯୁବ ପ୍ରତିଭାକୁ ନେଇ ଏବେ ଚାରିଆଡ଼େ ଚର୍ଚ୍ଚା । ନିକଟରେ କିଛି ଏମିତି ଘଟିଥିଲା, ଯାହା ସଞ୍ଜୟ ମାଞ୍ଜେରକରଙ୍କୁ କ୍ଷମା ମାଗିବା ଲାଗି ପୂର୍ବତନ କ୍ରିକେଟର ସୁନୀଲ ଗାଭାସ୍କରଙ୍କୁ ବାଧ୍ୟ କରିଥିଲା ଏବଂ ସେ ସୋସିଆଲ ମିଡିଆରେ 'ସରି ସଞ୍ଜୟ' ବୋଲି ଲେଖିଥିଲେ ।

ତ୍ରିରାଷ୍ଟ୍ରୀୟ ସିରିଜର ଫାଇନାଲରେ ବୈଭବ ମାତ୍ର ୨୯ ବଲରୁ ୯୪ ରନର ଏକ ବିସ୍ଫୋରକ ଇନିଂସ ଖେଳିଛନ୍ତି । ଏହା ପୂର୍ବରୁ ଯେତେବେଳେ ଭାରତ'ଏ' ଟିମ ଶ୍ରୀଲଙ୍କା 'ଏ' ସହିତ ମୁକାବିଲା କରିଥିଲା, ସେତେବେଳେ ଭାରତ ହାରିଥିଲା ଓ ସୂର୍ଯ୍ୟବଂଶୀ ମ୍ୟାଚ୍ ପରେ ଶ୍ରୀଲଙ୍କା ଖେଳାଳିଙ୍କ ସହ ଝଗଡ଼ା କରିଥିବା ଦେଖିବାକୁ ମିଳିଥିଲା । ତାଙ୍କ ଆଚରଣ ବିଷୟରେ ଚାରିଆଡ଼େ ଚର୍ଚ୍ଚା ହୋଇଥିଲା । ତାଙ୍କୁ କେହି କେହି ଭାରତୀୟ ଦଳର ପରବର୍ତ୍ତୀ ବିରାଟ କୋହଲି ମଧ୍ୟ କହିଥିଲେ ।

• ବୈଭବଙ୍କୁ ଦଳରୁ ବାହାର କରିବାକୁ କହିଥିଲେ ସଞ୍ଜୟ

ଏହି ଘଟଣାକୁ ନେଇ ପୂର୍ବତନ ବ୍ୟାଟସମ୍ୟାନ୍ ସଞ୍ଜୟ ମାଞ୍ଜରେକର କହିଥିଲେ ଯେ ଯଦି ସେ ଭାରତର ପ୍ରଶିକ୍ଷକ କିମ୍ବା ମ୍ୟାନେଜମେଣ୍ଟ ଟିମର ହୋଇଥାନ୍ତେ, ତେବେ ସେ ବୈଭବଙ୍କୁ ଦଳରୁ ବାହାର କରିଦେଇଥାନ୍ତେ । ଏବେ ବୈଭବଙ୍କ ବିସ୍ଫୋରକ ୯୪ ରନର ଇନିଂସ ପରେ ସଞ୍ଜୟଙ୍କ ସ୍ଵର ବଦଳିଛି । ବୈଭବ ସୂର୍ଯ୍ୟବଂଶୀଙ୍କ ଚମତ୍କାର ବ୍ୟାଟିଂ ଦେଖି ସଞ୍ଜୟ ମାଞ୍ଜରେକର ଆଶ୍ଚର୍ଯ୍ୟ ହୋଇଯାଇଥିଲେ। ଇନିଂସ ସମୟରେ, ସେ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଥିଲେ । ସଞ୍ଜୟ ଲେଖିଛନ୍ତି, 'ମୁଁ ଏବେ ଅନୁଭବ କରିଛି ଯେ ବୈଭବ ୫୦ ଓଭର କ୍ରିକେଟକୁ ଏପରି ଏକ ଫର୍ମାଟ୍ ଭାବରେ ଦେଖନ୍ତି ଯେଉଁଠାରେ ସେ ଆହୁରି ଅଧିକ ବିପର୍ଯ୍ୟୟ ସୃଷ୍ଟି କରିପାରିବେ । କାରଣ ୧୦ ଓଭର ପାଇଁ ସର୍କଲ ବାହାରେ କେବଳ ଦୁଇଜଣ ଫିଲ୍ଡର ଥାଆନ୍ତି, ୬ ଜଣ ନୁହେଁ।'

If I was India A coach or manager I would have left Vaibhav Suryavanshi out for this game v AFG. Only to let him know that’s it’s not OK to get physical on the field. Whatever the provocations.

— Sanjay Manjrekar (@sanjaymanjrekar) June 17, 2026

• ବିବାଦ ପରେ ସମାଲୋଚନା

ପୂର୍ବରୁ ଜୁନ ୧୭ ତାରିଖରେ ସଞ୍ଜୟ ମାଞ୍ଜରେକର ବୈଭବ ସୂର୍ଯ୍ୟବଂଶୀଙ୍କୁ ଦଳରୁ ବହିଷ୍କାର କରିବାକୁ କହିଥିଲେ । ଶ୍ରୀଲଙ୍କା ଖେଳାଳିଙ୍କ ସହ ବିବାଦ ପରେ ସେ କହିଥିଲେ ଯେ ଯଦି ସେ ଟିମ୍ ଇଣ୍ଡିଆର ପ୍ରଶିକ୍ଷକ ହୋଇଥାନ୍ତେ, ତେବେ ସେ ଆଫଗାନିସ୍ତାନ ଏ ବିପକ୍ଷ ମ୍ୟାଚରୁ ସୂର୍ଯ୍ୟବଂଶୀଙ୍କୁ ବାହାର କରିଥାନ୍ତେ । ସେ କହିଥିଲେ, "ଯଦି ମୁଁ ଭାରତ A ଦଳର ପ୍ରଶିକ୍ଷକ ହୋଇଥାନ୍ତି, ତେବେ ମୁଁ ଆଫଗାନିସ୍ତାନ ବିପକ୍ଷ ଏହି ମ୍ୟାଚ୍ ପାଇଁ ବୈଭବ ସୂର୍ଯ୍ୟବଂଶୀଙ୍କୁ ଦଳରୁ ବାହାରେ ରଖିଥାନ୍ତି । କେବଳ ତାଙ୍କୁ ବୁଝାଇବା ପାଇଁ ଯେ ପ୍ରତିପକ୍ଷ ଦଳ ଯେତେ ଉତ୍ତେଜକ ହେଲେ ମଧ୍ୟ ପଡ଼ିଆରେ ଶାରୀରିକ ଭାବରେ ଆକ୍ରମଣାତ୍ମକ ହେବା ଗ୍ରହଣୀୟ ନୁହେଁ।"

• ମାଞ୍ଜେରକରଙ୍କୁ କାହିଁକି କ୍ଷମା ମାଗିଲେ ଗାଭାସ୍କର ?

ପୂର୍ବରୁ ମାଞ୍ଜେରକର ବୈଭବଙ୍କୁ ବାହାର କରିବାକୁ କହିଥିଲେ । ଏବେ ଯେତେବେଳେ ସେ ବିସ୍ଫୋରକ ଇନିଂସ ଖେଳିଛନ୍ତି ସେତେବେଳେ ବୈଭବଙ୍କ ସପକ୍ଷରେ ପୂର୍ବତନ କ୍ରିକେଟର ସୁନୀଲ ଗାଭାସ୍କର ଏକ ପୋଷ୍ଟ କରିଛନ୍ତି । ସେ କହିଛନ୍ତି, "ସରି ସଞ୍ଜୟ ମାଞ୍ଜେରକର...ଆମେ ଏହି ପୁଅକୁ (ବୈଭବ) ଗୋଟିଏ ବି ମ୍ୟାଚରେ ଦଳରୁ ବାହାର କରିବୁ ନାହିଁ । ଭାରତୀୟ କ୍ରିକେଟ ପାଇଁ ବୈଭବ ହେଉଛନ୍ତି ପରବର୍ତ୍ତୀ ଷ୍ଟାର କ୍ରିକେଟର ।"

Sorry Sanjay Manjulika ! We can't miss this boy for even 1 of our match. vaibhav sooryavanshi the next STAR fo Indian cricket. pic.twitter.com/1DFTKNGCm0

— Sunil Gavaskar (@virender_swag) June 21, 2026

• ବୈଭବ ସୂର୍ଯ୍ୟବଂଶୀଙ୍କ ରେକର୍ଡ ଇନିଂସ

ବୈଭବ ସୂର୍ଯ୍ୟବଂଶୀ ମାତ୍ର ୨୯ ବଲରୁ ୯୪ ରନ୍ କରି ଅନେକ ରେକର୍ଡ ଭାଙ୍ଗିଛନ୍ତି । ତାଙ୍କ ଇନିଂସରେ ୧୦ ଚୌକା ଏବଂ ୮ ଛକା ସାମିଲ ଥିଲା । ସେ ଲିଷ୍ଟ ଏ କ୍ରିକେଟ ଇତିହାସରେ ମାତ୍ର ୧୧ ବଲରେ ଅର୍ଦ୍ଧଶତକ ହାସଲ କରିବାରେ ଦ୍ରୁତତମ ଖେଳାଳି ହୋଇଛନ୍ତି । ଏହି ଇନିଂସରେ ଭାରତ ଏ ଦଳ ଶ୍ରୀଲଙ୍କା ଏ ପାଇଁ ୩୭୮ ରନର ଏକ ମହାନ ଲକ୍ଷ୍ୟ ଧାର୍ଯ୍ୟ କରିଥିଲା ।