Argus News - ସୁନା ଚେନକୁ ନେଇ ବିବାଦ; କ୍ରିକେଟରଙ୍କ ଅଭିଯୋଗରେ ବନ୍ଧା ହେଲେ ଅଭିନେତ୍ରୀ

ଶ୍ରୀଲଙ୍କା କ୍ରିକେଟର ଭାନୁକା ରାଜପକ୍ଷେ ଓ ଅଭିନେତ୍ରୀ ହର୍ଷି ରସାଙ୍ଗା ମଧ୍ୟରେ ସୁନା ଚେନକୁ ନେଇ ବିବାଦ । କ୍ରିକେଟରଙ୍କ ଅଭିଯୋଗ ଆଧାରରେ ଗିରଫ ହେଲେ ଅଭିନେତ୍ରୀ । କ୍ରିକେଟର ଅଭିନେତ୍ରୀଙ୍କୁ ଆଇନଗତ ନୋଟିସ ପଠାଇବା ପରେ ପୋଲିସ ତାଙ୍କୁ ଗିରଫ କରିଛି । ନୋଟିସରେ କୁହାଯାଇଛି ଯେ ରାଜପକ୍ଷେ ତାଙ୍କୁ ଅସ୍ଥାୟୀ ଭାବରେ ₹୯ ଲକ୍ଷ ମୂଲ୍ୟର ଏକ ସୁନା ଚେନ ଦେଇଥିଲେ । ଅଭିନେତ୍ରୀ ତାଙ୍କୁ ନ ଜଣାଇ ଚେନଟିକୁ ବନ୍ଧକ ରଖିଥିଲେ । ଏହି ଘଟଣା ସେତେବେଳେ ବିବାଦକୁ ଆସିଥିଲା ଯେତେବେଳେ ଅଭିନେତ୍ରୀ ଜଣକ କୋର୍ଟରେ ଚେନ୍ ଫେରାଇ ଦେବାକୁ କହି ଜାମିନ ପରେ ସୋସିଆଲ ମିଡିଆରେ ଏକ ଭିନ୍ନ କାହାଣୀ କହିଥିଲେ ।

• କଣ ପୁରା ଘଟଣା ?

ଏଠାରେ କହିରଖୁଛୁ କି, ଅଭିନେତ୍ରୀ ଜଣକ ଏହି ମାମଲାରେ ପୂର୍ବରୁ ଥାଲାଙ୍ଗାମା ପୋଲିସ ଦ୍ଵାରା ଗିରଫ ହୋଇଥିଲେ ଏବଂ କାଡୁୱେଲା ମାଜିଷ୍ଟ୍ରେଟ୍ କୋର୍ଟରେ ହାଜର ହୋଇଥିଲେ । ସେତେବେଳେ ଶୁଣାଣି ସମୟରେ ଅଭିନେତ୍ରୀ ହର୍ଷି ରାସାଙ୍ଗା ସ୍ୱୀକାର କରିଥିଲେ ଯେ ସେ କ୍ରିକେଟର ଭାନୁକା ରାଜପକ୍ଷେଙ୍କ ଠାରୁ ଆଣିଥିବା ଚେନକୁ ଅଜାଣତରେ ବନ୍ଧକ ରଖିଥିଲେ । ତାଙ୍କ ଓକିଲଙ୍କ ମାଧ୍ୟମରେ ଅଭିନେନ୍ତ୍ରୀ ଚେନ୍ ଫେରାଇବାକୁ ପ୍ରତିଶ୍ରୁତି ଦେଇଥିଲେ । କିନ୍ତୁ, ଜାମିନ ପାଇବା ପରେ ଅଭିନେତ୍ରୀ ୟୁ-ଟର୍ଣ୍ଣ ମାରିଥିଲେ ।

ପଢନ୍ତୁ ଏହି ଖବର: ବଡ଼ ପରଦାରେ ଦେଖିବାକୁ ମିଳିବ ସୌରଭ ଗାଙ୍ଗୁଲିଙ୍କ ଜୀବନୀ,ଆରମ୍ଭ ହେଲା ଫିଲ୍ମର ଶୁଟିଂ

କୋର୍ଟ ଅଭିନେତ୍ରୀ ହର୍ଷି ରାସାଙ୍ଗାଙ୍କୁ ୫ ଲକ୍ଷ ଲେଖାଏଁ ଦୁଇଟି ଜାମିନଦାରରେ ଜାମିନ ପ୍ରଦାନ କରିଥିଲେ । ଜାମିନ ପାଇବା ପରେ ଅଭିନେତ୍ରୀ ସୋସିଆଲ ମିଡିଆ ଏବଂ ଗଣମାଧ୍ୟମ ଆଗରେ କହିଥିଲେ ଯେ ଭାନୁକା ରାଜପକ୍ଷେ ତାଙ୍କ ସହିତ ସମ୍ପର୍କରେ ଥିବା ସମୟରେ ତାଙ୍କୁ ଚେନ୍ ଉପହାର ଦେଇଥିଲେ । ତେବେ କ୍ରିକେଟର ଭାନୁକା ନୋଟିସ ପଠାଇବା ପରେ ପୋଲିସ ଅଭିନେତ୍ରୀଙ୍କୁ ଗିରଫ କରିଛି । କ୍ରିକେଟର ଅଭିନେତ୍ରୀଙ୍କ ଦାବିକୁ ସମ୍ପୂର୍ଣ୍ଣ ମିଥ୍ୟା ବୋଲି କହିଛନ୍ତି ।

• PBKS ପାଇଁ ଖେଳିଛନ୍ତି ରାଜପକ୍ଷେ

ଭାନୁକା ରାଜପକ୍ଷେ ଶ୍ରୀଲଙ୍କା କ୍ରିକେଟ ଦଳ ପାଇଁ ୫ଟି ଦିନିକିଆ ଏବଂ ୪୫ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିବାବେଳେ ଏଥିରେ ଯଥାକ୍ରମେ ୮୯ ଏବଂ ୭୪୪ ରନ୍ କରିଛନ୍ତି । ସେ ୨୦୨୧ ମସିହାରେ ତାଙ୍କର ଶେଷ ଦିନିକିଆ ଖେଳିଥିଲେ । ତାଙ୍କର ଶେଷ ଟି-୨୦ ମ୍ୟାଚ୍ ଗତ ବର୍ଷ ନଭେମ୍ବରରେ ଥିଲା । ସେ ଇଣ୍ଡିଆନ୍ ପ୍ରିମିୟର ଲିଗ (IPL)ରେ ପଞ୍ଜାବ କିଙ୍ଗ୍ସ ପାଇଁ ଦୁଇଟି ସିଜିନ୍ ଖେଳିଥିଲେ । ୨୦୨୨ ସଂସ୍କରଣରେ ସେ ୯ଟି ମ୍ୟାଚ୍ ଖେଳି ୨୦୬ ରନ୍ କରିଥିବାବେଳେ ୨୦୨୩ରେ, ସେ କେବଳ ୪ଟି ମ୍ୟାଚ୍ ଖେଳି ମୋଟ ୭୧ ରନ୍ କରିଥିଲେ ।