ଭାରତରେ ଟି୨୦ବିଶ୍ୱକପ୍ ଖେଳିବନି ବାଂଲାଦେଶ । ଦୁଇ ଦେଶ ମଧ୍ୟରେ ବଢୁଥିବା ତିକ୍ତତା ମଧ୍ୟରେ ଘୋଷଣା କରିଛି ବାଂଲାଦେଶ କ୍ରିକେଟ୍ ଆସୋସିଏସନ୍ । ଏହାସହ ଭାରତରେ ଖେଳାଯାଉଥିବା ଟି୨୦ମ୍ୟାଚ୍ ର ସ୍ଥାନ ପରିବର୍ତ୍ତନ ପାଇଁ ଆଇସିସିକୁ ଅନୁରୋଧ କରିଛି ବାଂଲା ବୋର୍ଡ୍ । ସୁରକ୍ଷା କାରଣ ଦର୍ଶାଇ ଭାରତରେ ଖେଳିବାକୁ ନାରାଜ୍ ବିସିବି । କିନ୍ତୁ ବାଂଲାଦେଶର ଅନୁରୋଧକୁ ଶୁଣିନି ଆଇସିସି। କହିଛି ଯଦି ଖେଳିବାର ଅଛି ତେବେ ଶ୍ରୀଲଙ୍କା ନୁହେଁ ଏହି ଦୁଇଟି ଜାଗାରେ ତୁମକୁ ଖେଳିବାକୁ ପଡ଼ିବ। 

ଏହାସହ ପଢ଼ନ୍ତୁ: କିଏ ଏହି ନନ୍ଦିନୀ ଶର୍ମା ? ଯିଏ ଗୁଜରାଟ ବିପକ୍ଷରେ ନେଲେ ଐତିହାସିକ ହ୍ୟାଟ୍ରିକ୍‌...

ସେପେଟେ କିନ୍ତୁ ବାଂଲାଦେଶର ଅନୁରୋଧ ଆଇସିସି ଉପରେ ସେତେ ପ୍ରଭାବ ପକାଇନି । କୋଲକାତା ଏବଂ ମୁମ୍ବାଇରେ ଖେଳାଯାଯିବାକୁ ଥିବା ମୁକାବିଲାକୁ ଅନ୍ୟ ଦୁଇଟି ଭେନ୍ୟୁରେ ଖେଳିବାକୁ ଆଇସିସି କହିଛି । ଏହି ଦୁଇ ଭେନ୍ୟୁ ହେଲା ଚେନ୍ନାଇ ଏବଂ ତିରବନ୍ତପୁରମ୍ ।

ଏହାସହ ପଢ଼ନ୍ତୁ: ନିଜ ମା’ଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଆଓ୍ୱାର୍ଡ କାହିଁକି ଦିଅନ୍ତି ବୋଲି ବଡ଼ କଥା କହିଲେ କୋହଲି...

ପୂର୍ବରୁ ବିସିବି ସଭାପତି ଅମିନୁଲ୍ ଇସଲାମ୍ ଚେନ୍ନାଇରେ ଖେଳିବା ପାଇଁ ମନା କରିଦେଇଥିଲେ । ଏବେ ସେ କହିଛନ୍ତି ଯେ, ବିଶ୍ୱକପ୍ ବାବଦରେ ସେ ଏକା ନିଷ୍ପତ୍ତି ନେଇପାରିବେ ନାହିଁ । ସରକାରଙ୍କ ସହ ଏବିଷୟରେ ଆଲୋଚନା ହେବ । କିନ୍ତୁ ସେ ଭାରତରେ ଖେଳିବା ପାଇଁ କେବେ ହେଲେ ରାଜି ହେବେ ନାହିଁ । ଅନ୍ୟ ଦିଗରେ ବାଂଲାଦେଶ ସରକାର ଭାରତ ସହ ବିଶ୍ୱକପ୍ ବାବଦରେ ସିଧାସଳଖ କଥା ହେବାକୁ ଚାହୁଁଛନ୍ତି । ତେବେ ବାଂଲାଦେଶ ଅମ୍ପାୟାର ସରଫଦୌଲା ସୈକତଙ୍କୁ ଭାରତ-ନ୍ୟୁଜିଲାଣ୍ଡ ବିପକ୍ଷ ପ୍ରଥମ ମ୍ୟାଚରେ ଦେଖିବାକୁ ମିଳିଥିଲା । ଟି୨୦ବିଶ୍ୱକପରେ ସେ ଅମ୍ପାୟାରିଂ କରିବେ। ଆଇସିସି ଏହାଦ୍ୱାରା ଭାରତରେ କୌଣସି ବିପଦ ନଥିବା ପ୍ରମାଣ କରିବାକୁ ଚାହୁଁଛି ।

ସୂଚନାଯୋଗ୍ୟ, ଆଉ ମାତ୍ର ୩ସପ୍ତାହ ପରେ ଟି୨୦ବିଶ୍ୱକପ୍ ଆରମ୍ଭ ହେବ । ଫେବ୍ରୁଆରୀ ପ୍ରଥମ ସପ୍ତାହ ସୁଦ୍ଧା ସମସ୍ତ ଖେଳାଳି ଏବଂ ଟିମ୍ ଭାରତରେ ପହଁଚିବେ । କିନ୍ତୁ ଏହାପୂର୍ବରୁ କ୍ରିକେଟକୁ ନେଇ ଭାରତ ଏବଂ ବାଂଲାର ବିବାଦ ତୁଟାଇବାକୁ ଆଇସିସି ଅଧିକାରୀ ଲାଗିପଡିଛନ୍ତି ।