Womens ODI World Cup: ମହିଳା ବିଶ୍ବକପ୍ ପାଇଁ ଘୋଷଣା ହେଲା ପୁରସ୍କାର ରାଶି, ଏବେ ବିଜେତା ଦଳକୁ ମିଳିବ ପ୍ରାୟ ୪୦ କୋଟି
Key Points
ଏବେ ମାଲେମାଲ ହେବେ ମହିଳା କ୍ରିକେଟର । ମହିଳା ଦିନିକିଆ ବିଶ୍ବକପ୍ ପାଇଁ ଘୋଷଣା ହେଲା ପୁରସ୍କାର ରାଶି । ଏବେ ଚାମ୍ପିଅନ ଦଳକୁ ମିଳିବ ୪୦ କୋଟି ଟଙ୍କା ।
ସେପ୍ଟେମ୍ବର ୩୦ରୁ ଆରମ୍ଭ ହେବାକୁ ଯାଉଛି ମହିଳା ଦିନିକିଆ ବିଶ୍ବକପ୍ । ଚଳିତ ଥର ଭାରତ ଓ ଶ୍ରୀଲଙ୍କାରେ ଖେଳାଯିବ ଏହି ମେଗା ଟୁର୍ଣ୍ଣାମେଣ୍ଟ । ତେବେ ଦିନିକିଆ ବିଶ୍ବକପ୍ ଆରମ୍ଭ ହେବା ପୂର୍ବରୁ ବଡ଼ ଘୋଷଣା କରିଛି ଆଇସିସି । ମହିଳା କ୍ରିକେଟର ଲୋକପ୍ରିୟତାକୁ ବଢ଼ାଇବା ଏବଂ ପୁରୁଷ କ୍ରିକେଟରଙ୍କ ପରି ସେମାନଙ୍କୁ ସମାନ ସମ୍ମାନ ଦେବା ପାଇଁ ICC ୨୦୨୫ ମହିଳା ODI ବିଶ୍ୱକପର ପୁରସ୍କାର ରାଶି ବୃଦ୍ଧି କରିଛି । ଏବେ ବିଶ୍ବବିଜୀୟ ଦଳକୁ ପ୍ରାୟ ୪୦ କୋଟି ଟଙ୍କା ମିଳିବ । ଯାହା ଏହି ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ସବୁଠାରୁ ବଡ଼ ପୁରସ୍କାର ରାଶି ହେବ।
ମହିଳା ODI ବିଶ୍ୱକପରେ ମୋଟ ଆଠଟି ଦଳ ଅଂଶଗ୍ରହଣ କରିବେ । ICC ଏହି ଟୁର୍ଣ୍ଣାମେଣ୍ଟ ପାଇଁ ମୋଟ ୧୩.୮୮ ମିଲିୟନ ଡଲାର (ପ୍ରାୟ ୧୨୨.୫ କୋଟ ଟଙ୍କା) ପୁରସ୍କାର ରାଶି ଘୋଷଣା କରିଛି । ICC ଏକ ବିବୃତ୍ତିରେ କହିଛି, ICC ମହିଳା କ୍ରିକେଟ ପାଇଁ ଏକ ନୂତନ ମାନଦଣ୍ଡ ସ୍ଥାପନ କରିଛି କାରଣ ଚାମ୍ପିଅନମାନଙ୍କୁ ୪.୪୮ ମିଲିୟନ ଡଲାରର ରେକର୍ଡ ପୁରସ୍କାର ମିଳିବ। ସେହିପରି ରନର୍ସ ଅପ୍ ଦଳକୁ ୨.୨୪ ମିଲିୟନ୍ ଡଲାର (ପ୍ରାୟ ୧୯.୭୭ କୋଟି ଟଙ୍କା) ମିଳିବ ।
Breakdown of a grand prize money pool for #CWC25 🏆
More ➡️ https://t.co/oDGTG3zyx6 pic.twitter.com/OMzeveP3YA
📱 Get Argus News App
✨
ସେମିଫାଇନାଲରେ ପରାଜିତ ଦଳଗୁଡ଼ିକୁ ୧.୧୨ ମିଲିୟନ ଡଲାର (ପ୍ରାୟ ୯.୮୯ କୋଟି ଟଙ୍କା) ମିଳିବ । ଗ୍ରୁପ ପର୍ଯ୍ୟାୟ (ଲିଗ୍ ପର୍ଯ୍ୟାୟ) ଜିତିବା ପାଇଁ ଦଳଗୁଡ଼ିକୁ ୩୪ ହାଜର ୩୧୪ ଡଲାର (ପ୍ରାୟ ୩୦.୨୯ ଲକ୍ଷ ଟଙ୍କା) ମିଳିବ । ପଞ୍ଚମ ଏବଂ ଷଷ୍ଠ ସ୍ଥାନ ଅଧିକାର କରିଥିବା ଦଳଗୁଡ଼ିକୁ ୭୦୦,୦୦ ଡଲାର ଏବଂ ସପ୍ତମ ଏବଂ ଅଷ୍ଟମ ସ୍ଥାନ ଅଧିକାର କରିଥିବା ଦଳଗୁଡ଼ିକୁ ୨୮୦,୦୦୦ ଡଲାର ମିଳିବ । ସେହିପରି ପ୍ରତ୍ୟେକ ଅଂଶଗ୍ରହଣକାରୀ ଦଳକୁ ୨୫୦,୦୦୦ ଡଲାର ମିଳିବ ।
ICC କହିଛି ଯେ ଏହି ପଦକ୍ଷେପର ଲକ୍ଷ୍ୟ ହେଉଛି ସାରା ବିଶ୍ୱରେ ମହିଳା କ୍ରିକେଟର ଲୋକପ୍ରିୟତା ବୃଦ୍ଧି କରିବା ଏବଂ ଏହାକୁ ପୁରୁଷ କ୍ରିକେଟ ସହିତ ସମକକ୍ଷ କରିବା। ICC ଅଧ୍ୟକ୍ଷ ଜୟ ଶାହ କହିଛନ୍ତି ଯେ ଏହା ମହିଳା କ୍ରିକେଟକୁ ପ୍ରାଥମିକତା ଦେବା ଦିଗରେ ଏକ ପଦକ୍ଷେପ । ସେ କହିଛନ୍ତି, ଏହି ଘୋଷଣା ମହିଳା କ୍ରିକେଟର ଯାତ୍ରାରେ ଏକ ମାଇଲଖୁଣ୍ଟ ପ୍ରମାଣିତ ହେବ। ପୁରସ୍କାର ରାଶିରେ ଏହି ଚାରି ଗୁଣ ବୃଦ୍ଧି ମହିଳା କ୍ରିକେଟ ପାଇଁ ଏକ ଐତିହାସିକ ମୁହୂର୍ତ୍ତ ଏବଂ ଏହାର ଦୀର୍ଘକାଳୀନ ବିକାଶ ପ୍ରତି ଆମର ସ୍ପଷ୍ଟ ପ୍ରତିବଦ୍ଧତାକୁ ପ୍ରତିଫଳିତ କରେ। ଆମର ବାର୍ତ୍ତା ସରଳ, ମହିଳା କ୍ରିକେଟରମାନେ ଜାଣିବା ଉଚିତ ଯେ ଯଦି ସେମାନେ ଏହି ଖେଳକୁ ବୃତ୍ତିଗତ ଭାବରେ ବାଛନ୍ତି, ତେବେ ସେମାନଙ୍କୁ ପୁରୁଷମାନଙ୍କ ପରି ସମାନ ଭାବରେ ବ୍ୟବହାର କରାଯିବ।
ନ୍ୟୁଜିଲ୍ୟାଣ୍ଡରେ ଖେଳାଯାଇଥିବା ଗତ ମହିଳା ODI ବିଶ୍ୱକପର ମୋଟ ପୁରସ୍କାର ରାଶି ମାତ୍ର ୩୧ କୋଟି ଟଙ୍କା ଥିଲା । ବର୍ତ୍ତମାନ ଏହି ପୁରସ୍କାର ରାଶିରେ ପ୍ରାୟ ୨୯୭ ପ୍ରତିଶତ ବୃଦ୍ଧି କରାଯାଇଛି। ମହିଳା ODI ବିଶ୍ୱକପର ମୋଟ ପୁରସ୍କାର ରାଶି ICC ପୁରୁଷ ODI ବିଶ୍ୱକପ ୨୦୨୩ର ପୁରସ୍କାର ରାଶିଠାରୁ ମଧ୍ୟ ଅଧିକ । ୨୦୨୩ ପୁରୁଷ ବିଶ୍ବକପର ପୁରସ୍କାର ରାଶି ୧୦ ମିଲିୟନ୍ ଡଲାର (ପ୍ରାୟ ୮୮.୨୬ କୋଟି ଟଙ୍କା) ଥିଲା ।