ବୁଧବାର ଦିନ ଏସିଆ କପ୍ - ୨୦୨୫ରେ ପାକିସ୍ତାନ UAE ବିପକ୍ଷରେ ଖେଳିବ । ତେବେ ଏହି ମ୍ୟାଚ୍ ପୂର୍ବରୁ ଆଇସିସି ବଡ଼ ପରିବର୍ତ୍ତନ କରିଛି । ଆଣ୍ଡି ପାଇକ୍ରଫ୍ଟଙ୍କ ସ୍ଥାନରେ ରିଚି ରିଚାର୍ଡସନଙ୍କୁ ମ୍ୟାଚ୍ ରେଫରି ନିଯୁକ୍ତ କରାଯାଇଛି । ତେବେ କେବଳ ଏହି ମ୍ୟାଚ୍ ବ୍ୟତୀତ ଅନ୍ୟ ସମସ୍ତ ମ୍ୟାଚରେ ପାଇକ୍ରଫ୍ଟ ରେଫରି ରହିବେ।

ସମ୍ବାଦ ସରବରାହ ସଂସ୍ଥା PTI ଅନୁଯାୟୀ, ପାକିସ୍ତାନ କ୍ରିକେଟ୍ ବୋର୍ଡର ଚାପ ପରେ ଏହି ନିଷ୍ପତ୍ତି ନିଆଯାଇଛି । ରିପୋର୍ଟ ଅନୁଯାୟୀ, ମ୍ୟାଚ୍‌ ରେଫରି ଆଣ୍ଡି ପାଇକ୍ରଫ୍ଟଙ୍କୁ ସମସ୍ତ ପାକିସ୍ତାନ ମ୍ୟାଚ୍‌ରୁ ହଟାଇ ଦିଆଯାଇଛି । ତାଙ୍କ ସ୍ଥାନରେ, ରିଚି ରିଚାର୍ଡସନ୍ UAE ବିପକ୍ଷ ମ୍ୟାଚ୍‌ରେ ରେଫରୀ ଭାବେ କାର୍ଯ୍ୟ କରିବେ ।

ବାସ୍ତବରେ, ଭାରତ-ପାକିସ୍ତାନ ମ୍ୟାଚ୍ ପରେ ହାତ ମିଳାଇବା ନେଇ ବିବାଦ ଦେଖାଦେଇଥିଲା । ମ୍ୟାଚକୁ ୭ ୱିକେଟରେ ଜିତିବା ପରେ, ଭାରତୀୟ ଖେଳାଳିମାନେ ପହଲଗାମ ଆତଙ୍କବାଦୀ ଆକ୍ରମଣର ଶିକାର ହୋଇଥିବା ଲୋକଙ୍କ ପ୍ରତି ସମ୍ମାନ ଜଣାଇ ପାକିସ୍ତାନୀ ଖେଳାଳିମାନଙ୍କ ସହିତ ହାତ ମିଳାଇବାକୁ ମନା କରିଦେଇଥିଲେ।
ଏହା ପିସିବିକୁ ବହୁତ ବାଧିଥିଲା । ଯାହାପରେ ସେ ଅଭିଯୋଗ କରିଥିଲେ ଯେ ଏହା ପାଇକ୍ରଫ୍ଟଙ୍କ ନିର୍ଦ୍ଦେଶରେ କରାଯାଇଥିଲା। କାରଣ ଟସ୍ ସମୟରେ ପାଇକ୍ରଫ୍ଟ (ମ୍ୟାଚ୍ ରେଫରି ଆଣ୍ଡି ପାଇକ୍ରଫ୍ଟ) ପାକିସ୍ତାନ ଅଧିନାୟକ ସଲମାନ ଆଗାଙ୍କୁ ଭାରତୀୟ ଅଧିନାୟକ ସୂର୍ଯ୍ୟଙ୍କ ସହିତ ହାତ ନ ମିଳାଇବା ପାଇଁ ନିର୍ଦ୍ଦେଶ ଦେଇଥିଲେ ।

ଏହି କାରଣରୁ, ପିସିବି ମ୍ୟାଚ୍ ରେଫରି ଆଣ୍ଡି ପାଇକ୍ରଫ୍ଟଙ୍କ ବିରୋଧରେ ଆଇସିସିକୁ ଅଭିଯୋଗ କରିଥିଲେ । ସେମାନେ ସମଗ୍ର ଟୁର୍ଣ୍ଣାମେଣ୍ଟରୁ ତାଙ୍କୁ ବହିଷ୍କାର କରିବାକୁ ମଧ୍ୟ ଦାବି କରିଥିଲେ, ଯାହାକୁ ଆଇସିସି ପ୍ରତ୍ୟାଖ୍ୟାନ କରିଥିଲା। ତଥାପି, ଏକ ଆପୋଷ ଭାବରେ, ତାଙ୍କୁ ବର୍ତ୍ତମାନ ୟୁଏଇ ବିପକ୍ଷ ମ୍ୟାଚରୁ ବାହାର କରାଯାଇଛି।

ରିଚି ରିଚାର୍ଡସନ୍ କିଏ ?

୬୩ ବର୍ଷୀୟ ରିଚି ରିଚାର୍ଡସନ ଜିମ୍ବାୱେର ଆଣ୍ଡି ପାଇକ୍ରଫ୍ଟଙ୍କ ସ୍ଥାନରେ UAE ବନାମ ପାକିସ୍ତାନ ମ୍ୟାଚ୍ ରେଫରି ହେବେ। ସେ ପୂର୍ବରୁ ୱେଷ୍ଟଇଣ୍ଡିଜ୍ ଦଳର ଅଧିନାୟକତ୍ୱ କରିଛନ୍ତି। ସେ ୫୮ ଟେଷ୍ଟ, ୧୦୮ ଦିନିକିଆ ଏବଂ ୧୧୭ ଟି-୨୦ ଅନ୍ତର୍ଜାତୀୟରେ ମ୍ୟାଚ୍ ରେଫରି ଭାବରେ କାର୍ଯ୍ୟ କରିଛନ୍ତି।