ଆଜି ନ୍ୟୁ ଚଣ୍ଡିଗଡ଼ରେ ଭାରତ ଏବଂ ଆଫଗାନିସ୍ତାନ ମଧ୍ୟରେ ୫ ଦିନିଆ ଟେଷ୍ଟ ମ୍ୟାଚ୍ ଆରମ୍ଭ ହୋଇଛି । ଏହି ଟେଷ୍ଟ ମ୍ୟାଚରେ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏବଂ ଅଧିନାୟକ ଶୁଭମନ ଗିଲ୍ ଏକ ବଡ଼ ପଦକ୍ଷେପ ନେଇ ୨୩ ବର୍ଷୀୟ ଅଲରାଉଣ୍ଡରଙ୍କୁ ଡେବ୍ୟୁ କରିବାର ସୁଯୋଗ ଦିଆଯାଇଛି। ଟସ୍ ସମୟରେ ଗିଲ୍ ମାନବ ସୁଥାରଙ୍କ ଡେବ୍ୟୁ ଘୋଷଣା କରିଥିଲେ । ତାଙ୍କୁ ଟିମ୍ ଇଣ୍ଡିଆର ଷ୍ଟାର ସ୍ପିନର କୁଲଦୀପ ଯାଦବ ଟେଷ୍ଟ କ୍ୟାପ୍ ପ୍ରଦାନ କରିଥିଲେ ।

• ମାନବ ସୁଥାରଙ୍କ ଟେଷ୍ଟ ଡେବ୍ୟୁ

ଆଫଗାନିସ୍ତାନ ବିପକ୍ଷରେ ଟିମ୍ ଇଣ୍ଡିଆ ଏକମାତ୍ର ଟେଷ୍ଟ ମ୍ୟାଚ୍ ଖେଳୁଛି । ଏହି ମ୍ୟାଚ୍ ପାଇଁ କ୍ରିକେଟ ପ୍ରେମୀ ଅତ୍ୟନ୍ତ ଉତ୍ସାହିତ କାରଣ ଭାରତୀୟ ଦଳ କିଛି ମାସ ପରେ ଧଳା ରଙ୍ଗର ଜର୍ସି ପିନ୍ଧି ପଡ଼ିଆକୁ ଓହ୍ଲାଇଛି । ଶୁଭମନ ଗିଲ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି । ଆଜି ଟସ୍ ସମୟରେ IPLରେ ଜଲୱା ଦେଖାଇଥିବା ରାଜସ୍ଥାନର ୨୩ ବର୍ଷୀୟ ଅଲରାଉଣ୍ଡର ମାନବ ସୁଥାରଙ୍କ ଡେବ୍ୟୁ ଘୋଷଣା କରିଥିଲେ । ଟିମ୍ ଇଣ୍ଡିଆର ଷ୍ଟାର ସ୍ପିନର କୁଲଦୀପ ଯାଦବ ମ୍ୟାଚ୍ ପୂର୍ବରୁ ମାନବ ସୁଥାରଙ୍କୁ ତାଙ୍କର ଟେଷ୍ଟ କ୍ୟାପ୍ ପ୍ରଦାନ କରିଥିଲେ ଏବଂ ତାଙ୍କୁ ଭାରତ ଡେବ୍ୟୁ ପାଇଁ ଅଭିନନ୍ଦନ ଜଣାଇଥିଲେ । ବିସିସିଆଇ ଏହି ମୁହୂର୍ତ୍ତର କିଛି ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଛି ।

• ଋଣ କରି ପିତା ଶିଖାଉଥିଲେ କ୍ରିକେଟ୍

ରାଜସ୍ଥାନର ଶ୍ରୀଗଙ୍ଗାନଗରରେ ମାନବ ସୁଥାରଙ୍କ ଜନ୍ମ । ତାଙ୍କ ପିତା ଜଗଦୀଶ ସୁଥାର ଶ୍ରୀଗଙ୍ଗାନଗରରେ ଏକ ସରକାରୀ ବିଦ୍ୟାଳୟରେ ପିଟିଆଇ ଶିକ୍ଷକ ଥିଲେ । ପରିବାରର ଆର୍ଥିକ ସ୍ଥିତି ସ୍ଵଚ୍ଛଳ ନ ଥିବାରୁ ପିତା ଜଗଦୀଶ ପୁଅ ପାଇଁ ଦାମି କ୍ରିକେଟ୍ କିଟ୍ ଓ ଉନ୍ନତ କୋଚିଂ ବ୍ୟବସ୍ଥା କରିପାରୁନଥିଲେ । ମାତ୍ର ପୁଅକୁ ଏକ କ୍ରିକେଟର ଭାବେ ଗଢି ତୋଳିବା ଲାଗି ପିତା ସମସ୍ତ ପ୍ରତିକୂଳ ପରିସ୍ଥିତିରେ ପୁଅକୁ ଯଥାସମ୍ଭବ ସାହାଯ୍ୟ କରିଥିଲେ ।

• ନେଟ୍ ଅଭ୍ୟାସରେ ରୋହିତ-ବିରାଟଙ୍କୁ ଅସୁବିଧାରେ ପକାଇଛନ୍ତି

ଏହି ୨୩ ବର୍ଷୀୟ ବାମହାତୀ ସ୍ପିନର ଏବଂ ଅଲରାଉଣ୍ଡର ବହୁ ଦିନ ଧରି ଚୟନକର୍ତ୍ତାଙ୍କ ରାଡାରରେ ଥିଲେ । ୨୦୨୩ ODI ବିଶ୍ୱକପ୍ ପୂର୍ବରୁ ଭାରତୀୟ ଦଳ ବେଙ୍ଗାଲୁରୁରେ ମାନବ ସୁଥାରଙ୍କୁ ନେଟ୍ସରେ ବୋଲିଂ କରିବାକୁ ନିମନ୍ତ୍ରଣ କରାଯାଇଥିଲା । ଶିବିରରେ ପ୍ରବେଶ କରିବା ପୂର୍ବରୁ ମଧ୍ୟ ଘରୋଇ କ୍ରିକେଟରେ ତାଙ୍କର ପ୍ରଦର୍ଶନ ବହୁତ ଚର୍ଚ୍ଚା ସୃଷ୍ଟି କରିଥିଲା । ଯେତେବେଳେ ସେ ନେଟ୍ ଅଭ୍ୟାସ ସମୟରେ ତାଙ୍କ ସ୍ପିନ୍ ସହିତ ଭାରତୀୟ ଅଧିନାୟକ ରୋହିତ ଶର୍ମା ଏବଂ କିମ୍ବଦନ୍ତୀ ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କ ପରି ମହାନ ଖେଳାଳିଙ୍କୁ ଅସୁବିଧାରେ ପକାଇଥିଲେ, ସେତେବେଳେ ବରିଷ୍ଠ ଖେଳାଳିମାନେ ମଧ୍ୟ ତାଙ୍କ ପ୍ରତିଭା ବିଷୟରେ ଅବଗତ ହୋଇଥିଲେ ।

The smile says it all ☺️🧢

Congratulations to debutant Manav Suthar as he receives his #TeamIndia Test cap from Kuldeep Yadav 🙌

Updates ▶️ https://t.co/Au50EfVM30#INDvAFG | @IDFCFIRSTBank pic.twitter.com/YRa3nUnYIY

— BCCI (@BCCI) June 6, 2026

• ଘରୋଇ କ୍ରିକେଟ୍ ଏବଂ IPLର ସୁନ୍ଦର ଯାତ୍ରା

ମାନବ ସୁଥାର ଫେବୃଆରୀ ୨୦୨୨ରେ ରାଜସ୍ଥାନ ପାଇଁ ଆନ୍ଧ୍ର ପ୍ରଦେଶ ବିପକ୍ଷରେ ପ୍ରଥମ ଶ୍ରେଣୀରେ ଡେବ୍ୟୁ କରିଥିଲେ ଏବଂ ଗୋଟିଏ ୱିକେଟ ନେଇଥିଲେ । ସେବେଠାରୁ ସେ ୨୯ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳି ୨.୯୪ର ପ୍ରଭାବଶାଳୀ ଇକୋନୋମି ହାରରେ ୧୨୯ଟି ୱିକେଟ ନେଇଛନ୍ତି । ତାଙ୍କର ଶେଷ ପ୍ରଥମ ଶ୍ରେଣୀ ମ୍ୟାଚ୍ ଜାନୁଆରୀରେ ହିମାଚଳ ପ୍ରଦେଶ ବିପକ୍ଷରେ ଥିଲା, ଯେଉଁଠାରେ ସେ ପ୍ରଥମ ଇନିଂସରେ ୧୨୦ ରନର ଏକ ଚମତ୍କାର ଶତକ ହାସଲ କରିଥିଲେ ଏବଂ ମ୍ୟାଚରେ ମୋଟ ୭ଟି ୱିକେଟ ନେଇଥିଲେ । ସେ ତାଙ୍କର ନିର୍ଭରଯୋଗ୍ୟ ବ୍ୟାଟିଂ ପାଇଁ ଜଣାଶୁଣା ।

ପଢନ୍ତୁ ଏହି ଖବର: ପ୍ଲେଇଂ XIକୁ ନେଇ ଗୌତମ ଗମ୍ଭୀରଙ୍କ ବଡ଼ ଖୁଲାସା, ଜାଣନ୍ତୁ ତୃତୀୟ ନମ୍ବରରେ କିଏ କରିବ ବ୍ୟାଟିଂ...

ମାନବ ତାଙ୍କ ପ୍ରଥମ ଶ୍ରେଣୀ କ୍ୟାରିୟରରେ ୨୫.୫୪ ହାରରେ ୯୪୫ ରନ କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ ୬ଟି ଅର୍ଦ୍ଧଶତକ ସାମିଲ । ସେ IPL 2026 ୨୦୨୬ରେ ଗୁଜରାଟ ଟାଇଟାନ୍ସ ପାଇଁ ମଧ୍ୟ ଖେଳିଥିଲେ । ସେ ଚାରିଟି ମ୍ୟାଚରେ ଦୁଇଟି ୱିକେଟ ନେଇଥିଲେ । ମାନବ ଫେବୃଆରୀରେ ନାମିବିଆ ବିପକ୍ଷରେ T-୨୦ ବିଶ୍ୱକପ୍ ଅଭ୍ୟାସ ମ୍ୟାଚରେ ଭାରତ A ପାଇଁ ମଧ୍ୟ ଖେଳିଥିଲେ ।

• AFG ବିପକ୍ଷରେ ଟିମ୍ ଇଣ୍ଡିଆର ପ୍ଲେଇଂ ୧୧

ଆଫଗାନିସ୍ତାନ ବିପକ୍ଷ ଏକମାତ୍ର ଟେଷ୍ଟ ପାଇଁ ଶୁଭମନ ଗିଲ ଏବଂ ଗୌତମ ଗମ୍ଭୀର ଏକ ସ୍ଥିର ଦଳ ପଡ଼ିଆକୁ ଓହ୍ଲାଇବାକୁ ନିଷ୍ପତ୍ତି ନେଇଛନ୍ତି । ଯଶସ୍ୱୀ ଜୟସୱାଲ ଏବଂ କେଏଲ ରାହୁଲ ଇନିଂସ ଓପନ କରୁଛନ୍ତି । ବ୍ୟାଟିଂ ପାଇଁ ସାଇ ସୁଦର୍ଶନ ତୃତୀୟ ସ୍ଥାନରେ ଆସିଛନ୍ତି । ମ୍ୟାନେଜମେଣ୍ଟ ଟିମ ପୁଣିଥରେ ସୁଦର୍ଶନଙ୍କ ଉପରେ ଆସ୍ଥା ପ୍ରକଟ କରୁଛି । ଧ୍ରୁବ ଜୁରେଲ ମଧ୍ୟ ପ୍ଲେଇଂ ୧୧ରେ ସାମିଲ ଅଛନ୍ତି । ଦଳ ୱାଶିଂଟନ ସୁନ୍ଦର, କୁଲଦୀପ ଯାଦବ ଏବଂ ମାନବ ସୁଥାରଙ୍କ ଭଳି ତିନି ଜଣ ସ୍ପିନରଙ୍କୁ ସ୍ଥାନ ଦେଇଛି । ଦ୍ରୁତ ବୋଲିଂ ଦାୟିତ୍ୱ ପ୍ରସିଦ୍ଧ କୃଷ୍ଣ ଏବଂ ମହମ୍ମଦ ସିରାଜଙ୍କ ଉପରେ ରହିବ ।