ଲଣ୍ଡନ: ଭାରତ ଏବଂ ଇଂଲଣ୍ଡ ମଧ୍ୟରେ ଏକଦିବସୀୟ ସିରିଜର ତୃତୀୟ ଏବଂ ଅନ୍ତିମ ମ୍ୟାଚ୍ ଲର୍ଡସ କ୍ରିକେଟ୍ ଗ୍ରାଉଣ୍ଡରେ ଆଜି ଖେଳାଯାଉଛି । ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି । ସିରିଜ୍ ବର୍ତ୍ତମାନ ୧-୧ରେ ବରାବର ଅଛି ଏବଂ ତୃତୀୟ ମ୍ୟାଚ୍ ଜିତିଥିବା ଦଳ ସିରିଜ୍ ଜିତିବ । ତଥାପି ଏହି ନିର୍ଣ୍ଣାୟକ ମ୍ୟାଚ୍ ପୂର୍ବରୁ ଭାରତୀୟ ପ୍ରଶଂସକମାନଙ୍କୁ ଏକ ବଡ଼ ଝଟକା ଲାଗିଛି । ଟିମ୍ ଇଣ୍ଡିଆର ଅଭିଜ୍ଞ ଦ୍ରୁତ ବୋଲର ଜସପ୍ରୀତ ବୁମରାହ ଏହି ମ୍ୟାଚରୁ ବାଦ ପଡ଼ିଛନ୍ତି । କାହିଁକି ବୁମହାର ଫାଇନାଲ ଫାଇଟରୁ ବାଦ୍ ପଡ଼ିଲେ ତାକୁ ନେଇ ଚର୍ଚ୍ଚା ହେଉଛି ।

• କାହିଁକି ଖେଳୁନାହାନ୍ତି ବୁମରାହ?

ଟସ୍ ପରେ ବିସିସିଆଇ ଜସପ୍ରୀତ ବୁମରାହଙ୍କ ଆଘାତ ବିଷୟରେ ଏକ ଅପଡେଟ୍ ପ୍ରଦାନ କରି କହିଛି, "କାର୍ଡିଫରେ ଦ୍ୱିତୀୟ ଏକଦିବସୀୟ ମ୍ୟାଚ୍‌ରେ ଫିଲ୍ଡିଂ କରୁଥିବା ସମୟରେ ବୁମରାହଙ୍କ ବାମ ଆଣ୍ଠୁରେ ଆଘାତ ଲାଗିଥିଲା । ବାମ ଆଣ୍ଠୁ ଫୁଲିବା ଯୋଗୁଁ ସେ ତୃତୀୟ ଏକଦିବସୀୟ ମ୍ୟାଚ୍‌ ଖେଳିବେ ନାହିଁ ।"

• ଭାରତର ପ୍ଲେଇଂ ୧୧ରେ ୩ଟି ପରିବର୍ତ୍ତନ

ଲର୍ଡସରେ ଇଂଲଣ୍ଡ ବିପକ୍ଷରେ ତୃତୀୟ ଏକଦିବସୀୟ ପାଇଁ ଭାରତୀୟ ଦଳରେ ୩ଟି ପରିବର୍ତ୍ତନ କରାଯାଇଛି। ଅଭିଜ୍ଞ ଦ୍ରୁତ ବୋଲର ଜସପ୍ରୀତ ବୁମରାହ ଆଣ୍ଠୁରେ ଆଘାତ ଯୋଗୁଁ ମ୍ୟାଚରୁ ବାଦ ପଡ଼ିଛନ୍ତି । ଅଧିନାୟକ ଶୁଭମନ ଗିଲ୍ ଟସ୍ ସମୟରେ ଘୋଷଣା କରିଥିଲେ ଯେ ବୁମରାହ ଆଣ୍ଠୁରେ ଆଘାତ ପାଇଛନ୍ତି ଏବଂ ତାଙ୍କୁ ବିଶ୍ରାମ ଦିଆଯାଇଛି । ବୁମରାହଙ୍କ ବ୍ୟତୀତ ଅଲରାଉଣ୍ଡର ଶିବମ ଦୁବେଙ୍କୁ ମଧ୍ୟ ମ୍ୟାଚ୍ ପାଇଁ ବିଶ୍ରାମ ଦିଆଯାଇଛି, ଯେତେବେଳେ ୱାଶିଂଟନ ସୁନ୍ଦର ହାମଷ୍ଟ୍ରିଙ୍ଗ୍ ଆଘାତ ଯୋଗୁଁ ସିରିଜରୁ ବାଦ ପଡ଼ିଛନ୍ତି।

Presenting #TeamIndia's Playing XI for the 3️⃣rd ODI 🙌

Jasprit Bumrah had an impact injury on his left knee while fielding in the second ODI in Cardiff. He was not available for selection for the third ODI due to reactive swelling in his left knee.

Updates ▶️… pic.twitter.com/RJdchL62hv

— BCCI (@BCCI) July 19, 2026

ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ ପାଇଁ ୱିକେଟକିପର ବ୍ୟାଟ୍ସମ୍ୟାନ୍ କେଏଲ ରାହୁଲ ଦଳକୁ ଫେରିଛନ୍ତି । ଅସୁସ୍ଥତା ଯୋଗୁଁ ରାହୁଲ ଗତ ମ୍ୟାଚ୍ ଖେଳିପାରି ନଥିଲେ, ଯେତେବେଳେ କି ଦ୍ରୁତ ବୋଲର ପ୍ରିନ୍ସ ଯାଦବ ଏବଂ ବାମହାତୀ ପେସର ଅର୍ଶଦୀପ ସିଂହଙ୍କୁ ମଧ୍ୟ ପ୍ଲେଇଂ ଇଲେଭେନରେ ସାମିଲ କରାଯାଇଛି ।

ପଢନ୍ତୁ ଏହି ଖବର: 'ଆମେ ଖୁସି ହେବା ଉଚିତ...'; ରୋହିତଙ୍କ ଅବସରକୁ ନେଇ କପିଲଦେବଙ୍କ ଆଶ୍ଚର୍ଯ୍ୟଜନକ ବୟାନ

ଭାରତ ପ୍ଲେଇଙ୍ଗ-୧୧: ରୋହିତ ଶର୍ମା, ଶୁଭମନ ଗିଲ (ଅଧିନାୟକ), ବିରାଟ କୋହଲି, ଇଶାନ କିଷନ, ଶ୍ରେୟସ ଆୟର, କେ.ଏଲ୍ ରାହୁଲ (ୱିକେଟ୍ କିପର), ଅକ୍ଷର ପଟେଲ, ଗୁରନୁର ବରାର, ପ୍ରିନ୍ସ ଯାଦବ, ଅର୍ଶଦୀପ ସିଂ, ପ୍ରସିଦ୍ଧ କୃଷ୍ଣ।

ଇଂଲଣ୍ଡ: ବେନ୍ ଡକେଟ, ଜାକବ୍ ବେଥେଲ୍, ଜୋ ରୁଟ୍, ହ୍ୟାରି ବ୍ରୁକ୍ (ଅଧିନାୟକ), ଜସ୍ ବଟଲର୍ (ୱିକେଟକିପର), ସାମ୍ କରନ୍, ୱିଲ୍ ଜ୍ୟାକ୍ସ, ଗସ୍ ଏଟକିନସନ୍, ଜୋଫ୍ରା ଆର୍ଚର, ଆଦିଲ୍ ରସିଦ୍, ଜୋଶ୍ ଟଙ୍ଗ୍।