IND Vs WI 3rd T20I / ଟସ୍ ଜିତି ବୋଲିଂ ନିଷ୍ପତ୍ତି ନେଲା ୱେଷ୍ଟଇଣ୍ଡିଜ୍, ଭାରତୀୟ ଦଳରେ ବଡ଼ ପରିବର୍ତ୍ତନ

ଆଜି ଭାରତ-ଓ୍ବେଷ୍ଟଇଣ୍ଡିଜ୍‌ ମଧ୍ୟରୁ ତୃତୀୟ ଟି-୨୦ ମ୍ୟାଚ୍‌ ଖେଳାଯାଉଛି । ଇନ୍ଦୋରରେ ଏହି ମ୍ୟାଚ୍‌ ଖେଳାଯାଉଛି । ଏହି ମ୍ୟାଚ୍‌ରେ ୱେଷ୍ଟଇଣ୍ଡିଜ୍ ଅଧିନାୟକ ଶାଇ ହୋପ୍ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି । ଅର୍ଥାତ ପ୍ରଥମେ ବ୍ୟାଟିଂ କରିବ ଭାରତ । ତେବେ ଆଜିର ମ୍ୟାଚ୍‌ରେ ଭାରତୀୟ ଦଳରେ ଦୁଇଟି ପରିବର୍ତ୍ତନ କରିଛି । ଶିବମ ଦୁବେଙ୍କୁ ଟିମ୍ ଇଣ୍ଡିଆର ପ୍ଲେଇଂ ଇଲେଭେନରୁ ବାଦ୍‌ ଦିଆଯାଇଛି । ଦୁବେଙ୍କ ସ୍ଥାନରେ ନୀତିଶ କୁମାର ରେଡ୍ଡୀଙ୍କୁ ସୁଯୋଗ ମିଳିଥିବା ବେଳେ ସ୍ପିନର କୁଲଦୀପ ଯାଦବଙ୍କ ସ୍ଥାନରେ ପ୍ରିନ୍ସ ଯାଦବଙ୍କୁ ସୁଯୋଗ ମିଳିଛି ।

Here's a look at #TeamIndia's Playing XI for the 3️⃣rd T20I 🙌 Nitish Kumar Reddy and Prince Yadav come into the XI 📝 Updates ▶️ https://t.co/0ve4uDWSIn #INDvWI | @mflone_ https://t.co/B3yG1jMZ2Y

— BCCI (@BCCI) October 11, 2026

ଭାରତ ପ୍ରଥମ T20Iରେ ୮ ୱିକେଟ୍‌ରେ ବିଜୟ ହାସଲ କରିଥିଲା । ଏହି ମ୍ୟାଚ୍‌ରେ ଭାରତ ୧୪.୪ ଓଭରରେ ୧୭୨ ରନ୍‌ର ଲକ୍ଷ୍ୟ ହାସଲ କରିନେଇଥିଲା। ଏହି ମ୍ୟାଚ୍‌ରେ ଶ୍ରେୟସ ଆୟର ୧୦୨ ରନ୍‌ର ଶତକୀୟ ଇନିଂସ ଖେଳିଥିଲେ। ଏହା ତାଙ୍କ T20 ଅନ୍ତର୍ଜାତୀୟ କ୍ୟାରିୟରର ପ୍ରଥମ ଶତକ ଥିଲା ।

କିନ୍ତୁ ଦ୍ୱିତୀୟ ମ୍ୟାଚ୍‌ରେ ୱେଷ୍ଟଇଣ୍ଡିଜ୍ ୨୫୦ ରନ୍‌ର ଟାର୍ଗେଟ୍ ହାସଲ କରି ସିରିଜ୍‌କୁ ୧-୧ରେ ବରାବର କରିଦେଇଥିଲା। ଫଳରେ ତୃତୀୟ ମ୍ୟାଚ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ହୋଇପଡ଼ିଛି । 

ଅନ୍ୟପଟେ, ଭାରତୀୟ ମାଟିରେ ଟିମ୍ ଇଣ୍ଡିଆକୁ T20 ସିରିଜ୍‌ରେ ପରାସ୍ତ କରିବାର ସୁଯୋଗ ୱେଷ୍ଟଇଣ୍ଡିଜ୍ ପାଇଁ ଏକ ବଡ଼ ଚ୍ୟାଲେଞ୍ଜ ହୋଇପାରେ । ଏବେ ସମସ୍ତଙ୍କ ନଜର ଇନ୍ଦୋରର ତୃତୀୟ T20I ଉପରେ। ମହାକାଳଙ୍କ ଦର୍ଶନ ପରେ ଗମ୍ଭୀରଙ୍କ ଟିମ୍ ଇଣ୍ଡିଆ ବିଜୟୀ ହୋଇ ସିରିଜ୍‌ରେ ଆଗୁଆ ହୋଇପାରିବ କି ନାହିଁ, ତାହା ମ୍ୟାଚ୍ ପରେ ଜଣାପଡ଼ିବ।

ଟିମ୍ ଇଣ୍ଡିଆର ଚୁଡ଼ାନ୍ତ ଏକାଦଶ: ଅଭିଷେକ ଶର୍ମା, ସଞ୍ଜୁ ସାମସନ (ୱିକେଟକିପର), ଈଶାନ କିଶନ, ଶ୍ରେୟସ ଆୟର (ଅଧିନାୟକ), ତିଳକ ବର୍ମା, ନୀତିଶ କୁମାର ରେଡ୍ଡୀ, ନମନ ଧୀର, ଅକ୍ଷର ପଟେଲ, ପ୍ରିନ୍ସ ଯାଦବ, ଅର୍ଶଦୀପ ସିଂହ, ମୟଙ୍କ ଯାଦବ