Videos
|
Sports

Team India World Record / ନ୍ୟୁଜିଲାଣ୍ଡ ମାଟିରେ ଭାରତର ଐତିହାସିକ ଇନିଂସ, ୭୨୦ ରନ୍ କରି ଭାଙ୍ଗିଲା ପୁରୁଣା ରେକର୍ଡ

Santosh Kumar Sahoo
Browse all articles by Santosh Kumar Sahoo
·40 mins ago·2 min read
ନ୍ୟୁଜିଲାଣ୍ଡ ମାଟିରେ ଭାରତର ଐତିହାସିକ ଇନିଂସ, ୭୨୦ ରନ୍ କରି ଭାଙ୍ଗିଲା ପୁରୁଣା ରେକର୍ଡ
Team India World Record

Key Points

୭୨୦ ରନ୍‌ରେ ଥରିଲା ନ୍ୟୁଜିଲାଣ୍ଡ
ଇତିହାସ ରଚିଲା ଭାରତ
ରାହୁଲ-ପନ୍ତଙ୍କ ଶତକ

ନ୍ୟୁଜିଲାଣ୍ଡ ମାଟିରେ ଭାରତୀୟ କ୍ରିକେଟ୍ ଦଳ ରଚିଛି ନୂଆ ଇତିହାସ । ପ୍ରଥମ ଟେଷ୍ଟର ପ୍ରଥମ ଇନିଂସରେ ୭୨୦ ରନ୍ କରି ଘରୋଇ ଦଳର ପୁରୁଣା ରେକର୍ଡ ଭାଙ୍ଗିଛି ଟିମ୍ ଇଣ୍ଡିଆ । ଭାରତୀୟ ଟେଷ୍ଟ କ୍ରିକେଟ୍ ଇତିହାସରେ ଏହା ତୃତୀୟ ସର୍ବାଧିକ ସ୍କୋର । ଏହି ଇନିଂସରେ କେଏଲ୍ ରାହୁଲ ଓ ଋଷଭ ପନ୍ତ ଦମ୍‌ଦାର ଶତକ ହାସଲ କରିଥିବାବେଳେ ଅନ୍ୟ ୪ ଜଣ ବ୍ୟାଟର୍ ଅର୍ଦ୍ଧଶତକ ଅତିକ୍ରମ କରିଛନ୍ତି । ତେବେ ଶୁବମନ ଗିଲ୍ ମାତ୍ର ୨ ରନ୍ ପାଇଁ ଶତକରୁ ବଞ୍ଚିତ ହୋଇଛନ୍ତି ।

ୱେଲିଂଟନ୍‌ର ବେସିନ୍ ରିଜର୍ଭ ଗ୍ରାଉଣ୍ଡରେ ଖେଳାଯାଉଥିବା ପ୍ରଥମ ଟେଷ୍ଟରେ ଭାରତ ୯ ୱିକେଟ୍ ହରାଇ ୭୨୦ ରନ୍ କରି ପ୍ରଥମ ଇନିଂସ ଘୋଷଣା କରିଛି । ଭାରତର ଟେଷ୍ଟ ଇତିହାସରେ ସର୍ବାଧିକ ଇନିଂସ ସ୍କୋର ହେଉଛି ୭୫୯/୭ । ୨୦୧୬ରେ ଚେନ୍ନାଇରେ ଇଂଲଣ୍ଡ ବିପକ୍ଷରେ ଏହି ରେକର୍ଡ ହୋଇଥିଲା । ସେହିପରି ୨୦୦୯ରେ ମୁମ୍ବାଇରେ ଶ୍ରୀଲଙ୍କା ବିପକ୍ଷରେ ଭାରତ ୭୨୬/୯ ରନ୍ କରିଥିଲା । ଏହା ଭାରତର ଦ୍ୱିତୀୟ ସର୍ବାଧିକ ଟେଷ୍ଟ ସ୍କୋର ।

ବିଦେଶ ମାଟିରେ ଭାରତର ସର୍ବବୃହତ୍ ଟେଷ୍ଟ ସ୍କୋର

୭୨୦ ରନ୍ କରି ଭାରତୀୟ ଦଳ ଆଉ ଏକ ବଡ଼ ରେକର୍ଡ ନିଜ ନାମରେ କରିଛି । ଏହା ବିଦେଶ ମାଟିରେ ଭାରତର ସର୍ବାଧିକ ଟେଷ୍ଟ ଇନିଂସ ସ୍କୋର । ଏହା ପୂର୍ବରୁ ବିଦେଶରେ ଭାରତର ସର୍ବାଧିକ ସ୍କୋର ୭୦୭ ରନ୍ ଥିଲା, ଯାହା ଶ୍ରୀଲଙ୍କା ବିପକ୍ଷରେ କଲମ୍ବୋରେ ହୋଇଥିଲା ।

ଏଥିସହ ନ୍ୟୁଜିଲାଣ୍ଡ ମାଟିରେ ଗୋଟିଏ ଇନିଂସରେ ସର୍ବାଧିକ ରନ୍ କରିବାର ରେକର୍ଡ ମଧ୍ୟ ଭାରତ ନିଜ ନାମରେ କରିଛି । ଏହା ପୂର୍ବରୁ ଏହି ରେକର୍ଡ ନ୍ୟୁଜିଲାଣ୍ଡ ଦଳ ନାମରେ ଥିଲା । ୨୦୧୯ରେ ହାମିଲଟନ୍‌ରେ ବାଂଲାଦେଶ ବିପକ୍ଷରେ ନ୍ୟୁଜିଲାଣ୍ଡ ୭୧୫ ରନ୍ କରିଥିଲା ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ରାହୁଲ ଓ ପନ୍ତଙ୍କ ଶତକ, ଗିଲ୍ ମାତ୍ର ୨ ରନ୍ ପାଇଁ ବଞ୍ଚିତ

ଭାରତ ପକ୍ଷରୁ କେଏଲ୍ ରାହୁଲ ୧୩୬ ରନ୍‌ର ଚମତ୍କାର ଇନିଂସ ଖେଳିଥିବାବେଳେ ଋଷଭ ପନ୍ତ ୧୨୮ ରନ୍ କରିଛନ୍ତି । ଅନ୍ୟପଟେ ଶୁବମନ ଗିଲ୍ ନିଜ ଶତକରୁ ମାତ୍ର ୨ ରନ୍ ଦୂରରେ ଥିବାବେଳେ ଜ୍ୟାକବ୍ ଡଫିଙ୍କ ବଲ୍‌ରେ ବୋଲ୍ଡ ହୋଇଥିଲେ । ସେ ୯୮ ରନ୍ କରି ପାଭିଲିୟନ୍ ଫେରିଥିଲେ ।
ଏହା ପୂର୍ବରୁ ଯଶସ୍ୱୀ ଜୟସ୍ୱାଲ ଓ ଦେବଦତ୍ତ ପାଡିକଲ ମଧ୍ୟ ଶତକରୁ ବଞ୍ଚିତ ହୋଇଥିଲେ । ଯଶସ୍ୱୀ ୮୫ ରନ୍ କରିଥିବାବେଳେ ପାଡିକଲ ୮୦ ରନ୍‌ର ଇନିଂସ ଖେଳିଥିଲେ ।

ଜୁରେଲଙ୍କ ୱିକେଟ୍ ପରେ ଇନିଂସ ଘୋଷଣା

ଧ୍ରୁବ ଜୁରେଲ ମଧ୍ୟ ଦମ୍‌ଦାର ବ୍ୟାଟିଂ କରି ୭୮ ରନ୍ ସଂଗ୍ରହ କରିଥିଲେ । ସେ ୭୯ଟି ବଲ୍‌ର ସମ୍ମୁଖୀନ ହୋଇ ୭ଟି ଚୌକା ଓ ଗୋଟିଏ ଛକା ମାରିଥିଲେ । ଜୁରେଲ ଆଉଟ ହେବା ପରେ ଭାରତୀୟ ଦଳ ୭୨୦ ରନ୍‌ରେ ୯ଟି ୱିକେଟ୍ ହରାଇ ନିଜର ପ୍ରଥମ ଇନିଂସ ଘୋଷଣା କରିଥିଲା ।