ଆସନ୍ତା ଜୁନ୍‌ ମାସରେ ଶ୍ରୀଲଙ୍କାରେ ହେବାକୁ ଥିବା ତ୍ରିରାଷ୍ଟ୍ରୀୟ ଏକଦିବସୀୟ ସିରିଜ୍‌ ପାଇଁ ଭାରତ-A ଦଳ ଘୋଷଣା କରିଛି ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) । ଚୟନ କମିଟି ଯୁବ ଖେଳାଳିଙ୍କ ଦ୍ୱାରା ପରିପୂର୍ଣ୍ଣ ଏକ ୧୫ ଜଣିଆ ଦଳ ଚୟନ କରିଛି । ଯେଉଁଥିରେ ତିଲକ ବର୍ମା ଅଧିନାୟକ ଏବଂ ରିୟାନ ପରାଗ ଉପ-ଅଧିନାୟକ ଦାୟିତ୍ବ ମିଳିଛି ।

ତେବେ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ମଧ୍ୟ ଏହି ଦଳରେ ସାମିଲ କରାଯାଇଛି । ପଞ୍ଜାବ କିଙ୍ଗ୍ସର ବିସ୍ଫୋରକ ବ୍ୟାଟ୍ସମ୍ୟାନ୍ ପ୍ରିୟାଂଶ ଆର୍ଯ୍ୟଙ୍କୁ ମଧ୍ୟ ଏହି ଦଳରେ ସାମିଲ କରାଯାଇଛି ।

🚨 News 🚨

India A squad for ODI tri-series in Sri Lanka announced.

The upcoming tri-series is scheduled to be held in June, 2026.

More Details ▶️ https://t.co/ZmL2u1boAW pic.twitter.com/7WXzZeeUFq

— BCCI (@BCCI) May 14, 2026

ଭାରତ A ବ୍ୟତୀତ, ଶ୍ରୀଲଙ୍କା A ଏବଂ ଆଫଗାନିସ୍ତାନ A ଏହି ତ୍ରିରାଷ୍ଟ୍ରୀୟ ସିରିଜ୍‌ରେ ଖେଳିବେ । ଏହି ଏକଦିବସୀୟ ସିରିଜ୍‌ ଶ୍ରୀଲଙ୍କାର ଡାମ୍ବୁଲାରେ ଖେଳାଯିବ । ଏହି ସିରିଜ୍‌ ଜୁନ୍‌ ୯ ତାରିଖରୁ ଆରମ୍ଭ ହେବ । ଏହା ପରେ, ଭାରତ A, ଶ୍ରୀଲଙ୍କା A ବିପକ୍ଷରେ ଦୁଇଟି ଦୁଇଦିନିଆ ମ୍ୟାଚ୍ ମଧ୍ୟ ଖେଳିବ । ଲାଲ-ବଲ୍ ସିରିଜ୍ ପାଇଁ ଏକ ପୃଥକ ଦଳ ପରେ ଘୋଷଣା କରାଯିବ ।

ବୈଭବ ସୂର୍ଯ୍ୟବଂଶୀ IPL ୨୦୨୬ରେ ଜବରଦସ୍ତ ଫର୍ମରେ ଅଛନ୍ତି । ରାଜସ୍ଥାନ ରୟାଲ୍ସ ପାଇଁ ଖେଳି ସେ ଏପର୍ଯ୍ୟନ୍ତ ୧୧ଟି ମ୍ୟାଚରେ ୪୪୦ ରନ କରିଛନ୍ତି । ଏହି ସମୟ ମଧ୍ୟରେ ତାଙ୍କର ହାରାହାରି ୪୦ ରହିଥିବା ବେଳେ ଷ୍ଟ୍ରାଇକ ରେଟ୍ ୨୩୬.୫୫ ରହିଛି । ଯାହା ସ୍ପଷ୍ଟ ଭାବରେ ତାଙ୍କର ବିସ୍ଫୋରକ ବ୍ୟାଟିଂ ଦର୍ଶାଉଛି ।

ଇଣ୍ଡିଆ-A ଦଳ:

ତିଲକ ବର୍ମା (ଅଧିନାୟକ), ପ୍ରିୟାଂଶ ଆର୍ଯ୍ୟ, ବୈଭବ ସୂର୍ଯ୍ୟବଂଶୀ, ରିୟାନ୍ ପରାଗ (ଉପ-ଅଧିନାୟକ), ଆୟୁଷ ବାଦୋନି, ନିଶାନ୍ତ ସିନ୍ଧୁ, ହର୍ଷ ଦୁବେ, ସୁର୍ଯ୍ୟନ ଶେଜ୍, ପ୍ରଭାସୀମରନ୍ ସିଂ (ୱିକେଟ୍ ରକ୍ଷକ), କୁମାର କୁଶାଗ୍ର, ବିପରାଜ ନିଗମ, ୟଶ ଠାକୁର, ଅଂଶୁଲ କମ୍ବୋଜ, ଅର୍ଶଦ ଖାନ