ଆଫଗାନିସ୍ତାନ ବିପକ୍ଷ ତୃତୀୟ ଦିନିକିଆରେ ଭାରତର ବଡ଼ ବିଜୟ । ତୃତୀୟ ତଥା ଅନ୍ତିମ ଦିନିକିଆରେ ଆଫଗାନିସ୍ତାନକୁ ୯ ଓ୍ବିକେଟ୍‌ରେ ପରାସ୍ତ କରିଛି ଟିମ୍ ଇଣ୍ଡିଆ । ୩ ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ର ଶେଷ ମ୍ୟାଚ୍‌ ଚେନ୍ନାଇରେ ଖେଳାଯାଇଥିଲା । ଏହି ମ୍ୟାଚ୍‌ରେ ଭାରତ ପ୍ରଥମେ ବଲ୍ ସହିତ ଚମତ୍କାର ପ୍ରଦର୍ଶନ କରିଥିଲା । ପରେ ବ୍ୟାଟିଂରେ ମଧ୍ୟ ନିଜର ଶକ୍ତି ପ୍ରଦର୍ଶନ କରିଥିଲା। ଭାରତ ଚମତ୍କାର ପ୍ରଦର୍ଶନ ସହିତ ସିରିଜ୍‌କୁ ୩-୦ରେ ନିଜ ନାମରେ କରିଥିଲା ।

ଆଫଗାନିସ୍ତାନ ୨୧୮ ରନ କରିଥିଲା

ଏହି ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଆଫଗାନିସ୍ତାନ । ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ବଡ଼ ସ୍କୋର କରିବାରେ ବିଫଳ ହୋଇଥିଲା । ଓପନର ରହମାନୁଲ୍ଲା ଗୁରବାଜ ୭ ବଲରୁ ୫ ରନ କରିଥିଲେ, ଯେତେବେଳେ ଇବ୍ରାହିମ୍ ଜାଦ୍ରାନ ୧୮ ବଲରୁ ୧୧ ରନ କରିଥିଲେ । ୪ ନମ୍ବରରେ ବ୍ୟାଟିଂ କରୁଥିବା ହଶମତୁଲ୍ଲା ଶାହିଦି ଏକ ଚମତ୍କାର ଇନିଂସ ଖେଳିଥିଲେ । ସେ ୧୩୧ ବଲରୁ ୧୦୨ ରନ କରିଥିଲେ । ଶାହିଦିଙ୍କ ବ୍ୟତୀତ ଆଜମତୁଲ୍ଲା ଉମରଜାଇ ମଧ୍ୟ ୫୬ ବଲରୁ ୫୦ ରନ କରିଥିଲେ । ଏହିପରି ଆଫଗାନିସ୍ତାନ ୪୪.୨ ଓଭରରେ ସମସ୍ତ ଓ୍ବିକେଟ୍‌ ହରାଇ ମାତ୍ର ୨୧୮ ରନ୍ କରିଥିଲା । ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ଚମତ୍କାର ବୋଲିଂ କରି ୫ଟି ୱିକେଟ ନେଇଥିଲେ ।

Commanding. Clinical. Clean sweep 🔥#TeamIndia seal a 3⃣-0⃣ series victory with an excellent run chase in Chennai 🥳

Scorecard ▶️ https://t.co/kHgF4bqTg3#INDvAFG | @IDFCFIRSTBank pic.twitter.com/TTcROLncgN

— BCCI (@BCCI) June 20, 2026

୨୧୯ ରନର ଲକ୍ଷ୍ୟକୁ ପିଛା କରି ଭାରତୀୟ ଦଳ ଏକ ଭଲ ଆରମ୍ଭ କରିଥିଲା। ରୋହିତ ଶର୍ମା ଏବଂ ଯଶସ୍ୱୀ ଜୟସ୍ୱାଲ ପ୍ରଥମ ୱିକେଟ ପାଇଁ ଶତକୀୟ ପାର୍ଟନରସିପ୍‌ କରିଥିଲେ । ଏହି ଯୋଡ଼ି ୨୨.୫ ଓଭରରେ ଭାରତ ପାଇଁ ୧୭୦ ରନ ଯୋଡିଥିଲେ । ରୋହିତ ଶର୍ମା ୬୯ ବଲରୁ ୯ ଚୌକା ଏବଂ ୩ ଛକା ମାରି ୭୯ ରନର ଏକ ଚମତ୍କାର ଇନିଂସ ଖେଳିଥିଲେ । ମହମ୍ମଦ ନବି ତାଙ୍କୁ ଆଉଟ୍ କରିଥିଲେ ଏବଂ ହିଟମ୍ୟାନ ଶତକରୁ ବଞ୍ଚିତ ହୋଇଥିଲେ । କିନ୍ତୁ ଯଶସ୍ୱୀ ଜୟସ୍ୱାଲ ୮୬ ବଲରୁ ୧୧୦ ରନ କରି ଅପରାଜିତ ରହିଥିଲେ । ଭାରତ ମାତ୍ର ୨୮.୪ ଓଭରରେ ୨୨୪/୧ ସ୍କୋର କରି ମ୍ୟାଚ୍ ଜିତିଥିଲା ।