ଏସିଆନ୍‌ ଗେମ୍ସର ଆଉ ଏକ ସ୍ବର୍ଣ୍ଣ ଜିତିଲା ଭାରତ । ପାକିସ୍ତାନକୁ ହରାଇ ଗୋଲ୍ଡ ମେଡାଲ ଜିତିଲା ଟିମ୍ ଇଣ୍ଡିଆ । ଶନିବାର ଏସିଆନ୍ ଗେମ୍ସ ୨୦୨୬ର କ୍ରିକେଟ୍ ଫାଇନାଲ ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ । ପ୍ରଥମେ ବ୍ୟାଟିଂ କରି ଭାରତ ପାକିସ୍ତାନରେ ସାମ୍ନାରେ ୨୧୨ ରନ୍‌ର ବିଶାଳ ସ୍କୋର ରଖିଥିଲା । ଏହାର ଜବାବରେ ପାକିସ୍ତାନ ମାତ୍ର ୧୯୨ ରନ୍‌ କରିବାରେ ସଫଳ ହୋଇଥିଲା । ଯାହାଫଳରେ ଭାରତ ୧୯ ରନ୍‌ରେ ବିଜୟ ହୋଇଥିଲା ।

𝗚𝗢𝗟𝗗 𝗠𝗘𝗗𝗔𝗟𝗟𝗜𝗦𝗧𝗦 𝗔𝗚𝗔𝗜𝗡 🥇 

Congratulations #TeamIndia for successfully defending the Asian Games Gold Medal 👏👏

Scorecard ▶️ https://t.co/g4wzZagyGj#AsianGames pic.twitter.com/sg7z4dhUzH

— BCCI (@BCCI) October 3, 2026

ଭାରତ ଆରମ୍ଭରୁ ଆକ୍ରମଣାତ୍ମକ ବ୍ୟାଟିଂ କରିଥିଲା । ଭାରତ ପାଇଁ ଓପନର୍ ଅଭିଷେକ ଶର୍ମା ଆରମ୍ଭରୁ ହିଁ ବଡ଼ ଶଟ୍‌ ଖେଳି ପାକିସ୍ତାନୀ ବୋଲରଙ୍କୁ ଚାପରେ ରଖିଥିଲେ । ସେ ମାତ୍ର ୨୮ଟି ବଲ୍‌ରେ ୬୧ ରନ୍‌ର ବିସ୍ଫୋରକ ପାଳି ଖେଳିଥିଲେ । ଏହା ପରେ ତିଲକ ବର୍ମା ଓ ଶିବମ ଦୁବେ ବିସ୍ଫୋରକ ବ୍ୟାଟିଂ କରି ଭାରତର ସ୍କୋରକୁ ୨୧୧ ରନ୍‌ରେ ପହଞ୍ଚାଇଥିଲେ । ଭାରତ ପକ୍ଷରୁ ତିଲକ ବର୍ମା ୨୨ ବଲ୍‌ରେ ୫୧ ରନ୍‌ କରିଥିବା ବେଳେ ଶିବମ ଦୁବେ ୧୫ ବଲରେ ୨୭ ରନ୍ କରିଥିଲେ ।

𝙂𝙊𝙇𝘿-standard performance ✨🥇

Scorecard ▶️ https://t.co/g4wzZagyGj#TeamIndia | #AsianGames | @OfficialAbhi04 pic.twitter.com/RB9vv1ikcb

— BCCI (@BCCI) October 3, 2026

୨୧୨ ରନ୍‌ର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ପାକିସ୍ତାନ ଆରମ୍ଭରୁ ହିଁ ଚାପରେ ଥିଲା । ଆରମ୍ଭରୁ ଭାରତୀୟ ବୋଲରଙ୍କ ସାମ୍ନାରେ କୌଣସି ପାକିସ୍ତାନୀ ବ୍ୟାଟ୍ସମ୍ୟାନ୍‌ ଅଧିକ ସମୟ ତିଷ୍ଠି ପାରିନଥିଲେ ।ଏହା ପରେ ପାକିସ୍ତାନର ହାସନ ନଓ୍ବାଜ ଭଲ ଇନିଂସ ଖେଳିଥିଲେ ବି ଦଳକୁ ବିଜୟ ଭେଟି ଦେଇପାରିନଥିଲେ । ପାକିସ୍ତାନ ପକ୍ଷରୁ ହାସନ ନଓ୍ବାଜ ଲଢ଼ୁଆ ୯୬ ରନ୍‌ କରିଥିଲେ । କିନ୍ତୁ ପାକିସ୍ତାନକୁ ବିଜୟ କରାଇ ପାରିନଥିଲେ । ଭାରତ ପକ୍ଷରୁ ଅକ୍ସର ପଟେଲ, ଶିବମ ଦୁବେ ଓ ଓ୍ବାଶିଂଟନ ସୁନ୍ତଦର ଦୁଇଟି ଲେଖାଏଁ ଓ୍ବିକେଟ୍‌ ଅକ୍ତିଆର କରିଛନ୍ତି ।

ଏଥି ସହ ପଢନ୍ତୁ : ଭାରତ-ପାକିସ୍ତାନ ଫାଇନାଲରେ ପୁଣି ‘ନୋ ହ୍ୟାଣ୍ଡଶେକ୍’, ୩୮୪ ଦିନ ପରେ ବି ବଦଳିଲାନି ଚିତ୍ର