ଅର୍ଗସ ବ୍ୟୁରୋ : ପାକିସ୍ତାନକୁ ହରାଇ ଭାରତ ଚାମ୍ପିୟନ । ଜୁନିୟର ଏସିଆ କପ୍ ହକିରେ ଫାଇନାଲରେ ପାକିସ୍ତାନକୁ 5-3ରେ ହରାଇ ଟାଇଟନ ହାତେଇଛି ଟିମ୍ ଇଣ୍ଡିଆ । ଫାଇନାଲରେ ଭାରତର ରୋମାଞ୍ଚକର ବିଜୟ ପରେ ଏକ୍ସ ପୋଷ୍ଟରେ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବିଜୟୀ ସ୍କ୍ବାର୍ଡରେ ସାମିଲ ଥିବା 3 ଓଡ଼ିଆ ଖେଳାଳି ଅନମୋଲ ଏକ୍କା, ରୋଶନ କୁଜୁର ଓ ମୁକେଶ ଟପ୍ପୋଙ୍କଙ୍କୁ ଓଡ଼ିଶା ପାଇଁ ଗର୍ବ ଓ ଗୌରବ ଆଣିଦେଇଥିବା ଲେଖିଛନ୍ତି ମୁଖ୍ୟମନ୍ତ୍ରୀ ।

ଅଧିକ ପଢନ୍ତୁ : Pink Ball ଟେଷ୍ଟ ଖେଳିବେନି No.1 କ୍ରିକେଟର

ମ୍ୟାଚର 3 ମିନିଟରେ ଫିଲ୍ଡ ଗୋଲ୍ କରି ଭଲ ଆରମ୍ଭ କରିଥିଲେ ବି ଶେଷ କ୍ବାର୍ଟରରେ ପାକିସ୍ତାନକୁ ଜୋରଦାର ଝଟକା ଦେଇଥିଲେ ଭାରତ ଖେଳାଳି । ଦ୍ବିତୀୟାର୍ଧରେ ଆଉ ଏକ ଗୋଲ୍ କରି ପାକିସ୍ତାନ ମ୍ୟାଚକୁ 3-2କୁ ଆଣିଥିଲା । ତୃତୀୟ କ୍ବାର୍ଟରର ଆରମ୍ଭରେ ପାକିସ୍ତାନ ପୁଣି ଏକ ଗୋଲ କରି ମ୍ୟାଚକୁ 3-3 ସ୍ଥିତିରେ ପହଞ୍ଚାଇଥିଲା । ଏହାପରେ ଭାରତ କମବ୍ୟାକ କରି ମ୍ୟାଚକୁ ପାକିସ୍ତାନ ହାତରୁ ଛଡ଼ାଇ ନେଇଥିଲା । ଏହାକୁ ମିଶାଇ ଭାରତ ସର୍ବାଧିକ 5ଥର ଏହି ଟୁର୍ଣ୍ଣାମେଣ୍ଟ ଜିତିଛି । 2023 ଓ 2015 ରେ ମଧ୍ୟ ପାକିସ୍ତାନକୁ ହରାଇ ଭାରତ ହୋଇଥିଲା ବିଜେତା ।