ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ଦିନିକିଆ ସିରିଜ୍‌ ପାଇଁ ଘୋଷଣା ହେଲା ଟିମ୍ ଇଣ୍ଡିଆ । ବିସିସିଆଇ ପକ୍ଷରୁ ନଭେମ୍ବର ୨୩ ତାରିଖରେ ଦଳ ଘୋଷଣା କରାଯାଇଛି । ଏହି ସିରିଜ୍‌ରେ ଓ୍ବିକେଟ୍‌ କିପର ବ୍ୟାଟ୍ସମ୍ୟାନ୍‌ କେଏଲ ରାହୁଲଙ୍କୁ ଭାରତୀୟ ଦଳର ଅଧିନାୟକ ଦାୟିତ୍ବ ଦିଆଯାଇଛି । ଦିନିକିଆର ନିୟମିତ ଅଧିନାୟକ ଶୁବମନ ଗିଲ୍‌ ଆଘାତ ଯୋଗୁଁ ଚୟନ ପାଇଁ ଉପଲବ୍ଧ ନଥିଲେ । ତେଣୁ ରାହୁଲଙ୍କୁ କ୍ୟାପଟେନ୍ସି ଦାୟିତ୍ବ ଦିଆଯାଇଛି ।

🚨 NEWS 🚨#TeamIndia's squad for @IDFCFIRSTBank ODI series against South Africa announced.

More details ▶️https://t.co/0ETGclxAdL#INDvSA pic.twitter.com/3cXnesNiQ5

— BCCI (@BCCI) November 23, 2025

ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ଟିମରେ ତିଲକ ବର୍ମା ଓ ଋତୁରାଜ ଗାଏକ୍ବାଡଙ୍କୁ ସାମିଲ କରାଯାଇଛି । ଦକ୍ଷିଣ ଆଫ୍ରିକା 'A' ବିପକ୍ଷରେ ଚମତ୍କାର ପ୍ରଦର୍ଶନ କରିଥିବା ଋତୁରାଜ ଦୀର୍ଘ ଦିନ ପରେ ଏକଦିବସୀୟ ଦଳକୁ ଫେରିଛନ୍ତି । ତିଲକ ବର୍ମା ମଧ୍ୟ ଟି-୨୦ ଅନ୍ତର୍ଜାତୀୟରେ ଭଲ ପ୍ରଦର୍ଶନ ପରେ ଏକଦିବସୀୟ ଦଳକୁ ଫେରିଛନ୍ତି । ଋତୁରାଜ ଭାରତ ପାଇଁ ଛଅଟି ଏକଦିବସୀୟ ଖେଳିଛନ୍ତି । ଯେତେବେଳେ ତିଲକ ଚାରିଟି ଖେଳିଛନ୍ତି । ସେହିପରି ଅଲରାଉଣ୍ଡର ରବୀନ୍ଦ୍ର ଜାଡେଜା ଏବଂ ଋଷଭ ପନ୍ତ ମଧ୍ୟ ଦଳରେ ଅଛନ୍ତି । ଏହି ଦୁଇ ଷ୍ଟାର ଖେଳାଳି ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଦିନିକିଆ ସିରିଜ୍‌ରେ ସାମିଲ ନଥିଲେ ।

୧୫ ଜଣିଆ ଦଳରେ ଅଭିଜ୍ଞ ବ୍ୟାଟ୍ସମ୍ୟାନ ବିରାଟ କୋହଲି ଏବଂ ରୋହିତ ଶର୍ମା ସାମିଲ ଅଛନ୍ତି। ଭାରତ-ଦକ୍ଷିଣ ଆଫ୍ରିକା ଏକଦିବସୀୟ ସିରିଜର ପ୍ରଥମ ମ୍ୟାଚ୍ ନଭେମ୍ବର ୩୦ ତାରିଖରେ ରାଞ୍ଚିରେ ଖେଳାଯିବ । ସେହିପରି ଦ୍ୱିତୀୟ ମ୍ୟାଚ୍ ଡିସେମ୍ବର ୩ ତାରିଖରେ ରାୟପୁରରେ ଏବଂ ତୃତୀୟ ମ୍ୟାଚ୍ ଡିସେମ୍ବର ୬ ତାରିଖରେ ବିଶାଖାପାଟଣାରେ ଖେଳାଯିବ। ଡିସେମ୍ବର ୯ ତାରିଖରୁ ଦୁଇ ଦେଶ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଖେଳିବ ।

ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜ୍ ପାଇଁ ଭାରତର ଦଳ

ରୋହିତ ଶର୍ମା, ଯଶସ୍ୱୀ ଜୟସୱାଲ, ବିରାଟ କୋହଲି, ତିଲକ ବର୍ମା, କେଏଲ ରାହୁଲ (ଅଧିନାୟକ/ୱିକେଟକିପର), ଋଷଭ ପନ୍ତ (ୱିକେଟକିପର), ୱାଶିଂଟନ ସୁନ୍ଦର, ରବିନ୍ଦ୍ର ଜାଡେଜା, କୁଲଦୀପ ଯାଦବ, ନୀତିଶ କୁମାର ରେଡ୍ଡୀ, ହର୍ଷିତ ରାଣା, ଋତୁରାଜ ଗାୟକୱାଡ, ପ୍ରସିଦ୍ଧ କ୍ରିଷ୍ଣ, ଅର୍ଶଦୀପ ସିଂହ, ଧ୍ରୁବ ଜୁରେଲ

ଭାରତ-ଦକ୍ଷିଣ ଆଫ୍ରିକା ହ୍ବାଇଟ୍‌ ବଲ୍ ସିରିଜ୍ କାର୍ଯ୍ୟସୂଚୀ:

ପ୍ରଥମ ଦିନିକିଆ - ନଭେମ୍ବର ୩୦, ରାଞ୍ଚି
ଦ୍ୱିତୀୟ ଦିନିକିଆ - ଡିସେମ୍ବର ୩, ରାୟପୁର
ତୃତୀୟ ଦିନିକିଆ - ଡିସେମ୍ବର ୬, ବିଶାଖାପାଟଣା

ପ୍ରଥମ ଟି-୨୦ - ଡିସେମ୍ବର ୯, କଟକ
ଦ୍ୱିତୀୟ ଟି-୨୦ - ଡିସେମ୍ବର ୧୧, ମୁଲାନପୁର
ତୃତୀୟ ଟି-୨୦ - ଡିସେମ୍ବର ୧୪, ଧର୍ମଶାଳା
ଚତୁର୍ଥ ଟି-୨୦ - ଡିସେମ୍ବର ୧୭, ଲକ୍ଷ୍ନୌ
ପଞ୍ଚମ ଟି-୨୦ - ଡିସେମ୍ବର ୧୯, ଅହମ୍ମଦାବାଦ