ଏସିଆ କପରେ ପୁଣି ଥରେ ମୁହାଁମୁହିଁ ହେବେ ଭାରତ-ପାକିସ୍ତାନ । ଗତ ରବିବାର ଏସିଆ କପର ଗ୍ରୁପ୍ ପର୍ଯ୍ୟାୟରେ ସାମ୍ନାସାମ୍ନି ହୋଇଥିଲେ ଏହି ଦୁଇ ପାରମ୍ପାରିକ ପ୍ରତିଦ୍ବନ୍ଦୀ । ତେବେ ପୁଣି ଥରେ ସେପ୍ଟେମ୍ବର ୨୧ରେ ଭାରତ-ପାକିସ୍ତାନ ପୁଣି ଥରେ ମୁହାଁମୁହିଁ ହେବାକୁ ଯାଉଛନ୍ତି । ଗତ ରବିବାର ଖେଳାଯାଇଥିବା ମ୍ୟାଚରେ ଦେଖାଯାଇଥିବା ହ୍ୟାଣ୍ଡସେକ୍ ବିବାଦ ପରେ ଏବେ ଏହି ମ୍ୟାଚ୍ ଉପରେ ସମସ୍ତଙ୍କ ନଜର ରହିଛି ।

ଏହା ବ୍ୟତୀତ, ଆଣ୍ଡି ପାଇକ୍ରଫ୍ଟ ମଧ୍ୟ ଏହି ମ୍ୟାଚରେ ରେଫରି ହେବେ । ଯାହା ଆଉ ଏକ ବିବାଦ ସୃଷ୍ଟି କରିପାରେ। ପିସିବି ତା'ର ବିବୃତ୍ତିରେ ସ୍ପଷ୍ଟ କରିଛି ଯେ ପାଇକ୍ରଫ୍ଟଙ୍କ ଉପରେ ଏହାର ସମ୍ପୂର୍ଣ୍ଣ ବିଶ୍ୱାସ ନାହିଁ । ଏପରି ସ୍ଥିତିରେ ଭାରତ-ପାକିସ୍ତାନ ବେଶ୍ ରୋଚକ ହେବାକୁ ଯାଉଛି ।
ସମସ୍ତଙ୍କ ନଜର ଆଣ୍ଡି ପାଇକ୍ରଫ୍ଟ ଉପରେ ରହିବ
ନ୍ୟୁଜ୍ ଏଜେନ୍ସି ପିଟିଆଇ ରିପୋର୍ଟ ଅନୁଯାୟୀ, ଆଇସିସି ପୂର୍ବରୁ ଭାରତ-ପାକିସ୍ତାନ ମ୍ୟାଚ୍‌ ପାଇଁ ଆଣ୍ଡି ପାଇକ୍ରଫ୍ଟଙ୍କୁ ରେଫରି ଭାବରେ ନିଯୁକ୍ତ କରିସାରିଛି। ଗତ ଭାରତ-ପାକିସ୍ତାନ ମ୍ୟାଚ୍‌ ପରେ ପିସିବି ପାଇକ୍ରଫ୍ଟଙ୍କ ବିରୋଧରେ ଅନେକ ଅଭିଯୋଗ ଆଣିଥିଲା । ସାମ୍ବାଦିକ ସମ୍ମିଳନୀରେ, ରମିଜ୍ ରାଜା ପାଇକ୍ରଫ୍ଟଙ୍କୁ ଟିମ୍ ଇଣ୍ଡିଆ ପ୍ରତି ପକ୍ଷପାତିତା କରୁଥିବାର ଅଭିଯୋଗ ମଧ୍ୟ କରିଥିଲେ। ଏପରି ପରିସ୍ଥିତିରେ, ପାକିସ୍ତାନ କ୍ରିକେଟ୍ ବୋର୍ଡ ପୁଣି ଥରେ ଆଣ୍ଡି ପାଇକ୍ରଫ୍ଟଙ୍କୁ ମ୍ୟାଚ୍ ରେଫରି ଭାବରେ ନିଯୁକ୍ତ କରିବାରେ ବିରକ୍ତ ହୋଇପାରେ । ତଥାପି, ଆଇସିସି ତା'ର ନିଷ୍ପତ୍ତି ପରିବର୍ତ୍ତନ କରିବାର ସମ୍ଭାବନା କମ୍ । ତେଣୁ ଟସ୍‌ରେ ସଲମାନ ଅଲି ଆଗା ଏବଂ ସୂର୍ଯ୍ୟକୁମାର ଯାଦବଙ୍କ ସହିତ ମ୍ୟାଚ୍ ରେଫରି ଆଣ୍ଡି ପାଇକ୍ରଫ୍ଟଙ୍କୁ ଦେଖିବାକୁ ମିଳିବ ।
ପ୍ରଥମ ମ୍ୟାଚ୍‌ରେ ସୂର୍ଯ୍ୟକୁମାର ଯାଦବ ଟସ୍ ସମୟରେ ସଲମାନ ଅଲି ଆଗାଙ୍କ ସହ ହାତ ମିଳାଇବାକୁ ମନା କରିଦେଇଥିଲେ । ପରବର୍ତ୍ତୀ ସମୟରେ ଜିତିବା ପରେ ମଧ୍ୟ ଟିମ୍ ଇଣ୍ଡିଆ ପାକିସ୍ତାନୀ ଖେଳାଳିଙ୍କ ସହ ହାତ ମିଳାଇବାକୁ ମନା କରିଦେଇଥିଲା । ଟିମ୍ ଇଣ୍ଡିଆ ସେପ୍ଟେମ୍ବର ୨୧ ତାରିଖରେ ଏହି ମନୋଭାବ ବଜାୟ ରଖିବ ।
ରିପୋର୍ଟ ଅନୁଯାୟୀ ପାକିସ୍ତାନୀ ଦଳ ମଧ୍ୟ ହାତ ମିଳାଇବାରୁ ନିବୃତ୍ତ ରହିବାକୁ ରାଜି ହୋଇଛି । ଅର୍ଥାତ୍ ସେପ୍ଟେମ୍ବର ୨୧ ମ୍ୟାଚ୍ ପାଇଁ ହାତ ମିଳାଇବା ପରିସ୍ଥିତ ରହିବ ନାହିଁ । ତଥାପି, ଉଭୟ ଦଳ ଏବେ କୌଣସି ନୂତନ ବିବାଦକୁ ଏଡାଇବାକୁ ଚାହିଁବେ । ଯେତେବେଳେ ବି ଭାରତ ଏବଂ ପାକିସ୍ତାନୀ ଦଳ ପଡ଼ିଆରେ ପରସ୍ପରର ମୁହାଁମୁହିଁ ହୁଅନ୍ତି, ସେତେବେଳେ ଏପରି ପରିସ୍ଥିତି ସୃଷ୍ଟି ହେବାର ସମ୍ଭାବନା ସବୁବେଳେ ରହିଥାଏ ।