ଶନିବାର ଭାରତୀୟ କ୍ରିକେଟ୍ ଇତିହାସରେ ଏକ ଅତ୍ୟନ୍ତ ସ୍ୱତନ୍ତ୍ର ଏବଂ ଐତିହାସିକ ଦିନ ପାଲଟିଛି । ଶ୍ରୀଲଙ୍କା ଗସ୍ତରେ ଥିବା ଭାରତୀୟ ଅଣ୍ଡର-୧୯ ଦଳ ଯେତେବେଳେ ହମ୍ବନଟୋଟା ଗ୍ରାଉଣ୍ଡରେ ସେମାନଙ୍କର ପ୍ରଥମ ଅଣ-ଅନୁଷ୍ଠାନିକ ଦିନିକିଆ ମ୍ୟାଚ୍ ଖେଳିବାକୁ ପଡ଼ିଆକୁ ଓହ୍ଲାଇଥିଲା, ସେତେବେଳେ ଏକ ଅନନ୍ୟ ଦୃଶ୍ୟ ଦେଖିବାକୁ ମିଳିଥିଲା । ପ୍ଲେଇଂ ଇଲେଭେନରେ ଥିବା ସମସ୍ତ ୧୧ ଜଣ ଖେଳାଳି ଏକକାଳୀନ ଭାରତ ପାଇଁ ୧୯ ବର୍ଷରୁ କମ୍ ଦିନିକିଆ ଡେବ୍ୟୁ କରିଥିଲେ । ଏହାର ଅର୍ଥ ହେଉଛି ଭାରତୀୟମାନଙ୍କର ଏକ ସମ୍ପୂର୍ଣ୍ଣ ନୂଆ ଏବଂ ଯୁବ ଟିମ୍‌ ପଡ଼ିଆକୁ ଓହ୍ଲାଇଛି । ଏହି ନୂତନ ଦଳରେ ସବୁଠାରୁ ପ୍ରମୁଖ ଏବଂ ଜଣାଶୁଣା ନାମ ହେଉଛି ଅନଭ୍ୟ ଦ୍ରାବିଡ, ଯିଏ କିମ୍ବଦନ୍ତୀ ଭାରତୀୟ ବ୍ୟାଟ୍ସମ୍ୟାନ୍ ଏବଂ ପୂର୍ବତନ ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡଙ୍କ ସାନ ପୁଅ । ସେ ଆଜି ଭାରତୀୟ ଅଣ୍ଡର-୧୯ ଦଳରେ ଡେବ୍ୟୁ କରିଛନ୍ତି ।

ଅନଭ୍ୟ ଦ୍ରାବିଡଙ୍କୁ ଅଧିନାୟକ ଯଶବର୍ଦ୍ଧନ ଚୌହାନଙ୍କ ନେତୃତ୍ୱରେ ଏହି ଦଳରେ ୱିକେଟକିପର-ବ୍ୟାଟ୍ସମ୍ୟାନ୍ ଭାବରେ ସାମିଲ କରାଯାଇଛି । ଅନଭ୍ୟ କିଛି ସମୟ ଧରି ଘରୋଇ ଏବଂ ଜୁନିଅର କ୍ରିକେଟରେ ନିରନ୍ତର ଭଲ ପ୍ରଦର୍ଶନ କରିଛନ୍ତି । ଯାହାଫଳରେ ତାଙ୍କୁ ଭାରତୀୟ ଅଣ୍ଡର-୧୯ ଦଳରେ ତାଙ୍କୁ ଚୟନ କରାଯାଇଛି । ରାହୁଲ ଦ୍ରାବିଡଙ୍କ ବଡ଼ ପୁଅ ସମିତ ଦ୍ରାବିଡ ମଧ୍ୟରେ କ୍ରିକେଟରେ ନିଜର ନାମ କମାଇ ସାରିଛନ୍ତି । ଏବେ ତାଙ୍କ ସାନ ପୁଅ ଅନଭ୍ୟ ମଧ୍ୟ ଦେଶକୁ ପ୍ରତିନିଧିତ୍ବ କରି ଦ୍ରାବିଡ ପରିବାରର ଐତିହ୍ୟକୁ ଆଗକୁ ବଢ଼ାଉଛନ୍ତି ।

ଅଧିକ ପଢ଼ନ୍ତୁ: ବଦଳିଗଲା ଭାରତ vs ଇଂଲଣ୍ଡ ଦ୍ୱିତୀୟ T20I ମ୍ୟାଚ୍ ସମୟ, ଜାଣନ୍ତୁ କେତେବେଳେ ଆରମ୍ଭ ହେବ ମ୍ୟାଚ୍‌

ଏକାସାଙ୍ଗେ ସମସ୍ତ ୧୧ ଜଣ ଖେଳାଳିଙ୍କ ଡେବ୍ୟୁ

କ୍ରିକେଟରେ ଗୋଟିଏ ମ୍ୟାଚ୍‌ରେ ସମ୍ପୂର୍ଣ୍ଣ ଦଳ ଡେବ୍ୟୁ ଦେଖିବା ବିରଳ । ଭାରତୀୟ ୧୯ ବର୍ଷରୁ କମ୍ ଦଳ ବର୍ତ୍ତମାନ ଶ୍ରୀଲଙ୍କା ଗସ୍ତ କରୁଛି । ଯେଉଁଠାରେ ଦୁଇ ଦଳ ତିନି ମ୍ୟାଚ୍‌ ବିଶିଷ୍ଟ ଏକଦିବସୀୟ ସିରିଜ୍ ଖେଳୁଛନ୍ତି । ଏହି ସିରିଜ୍ ଶେଷ ହେବା ପରେ, ଉଭୟ ଦେଶର ଯୁବ ଖେଳାଳିଙ୍କ ମଧ୍ୟରେ ଦୁଇଟି ଯୁବ ଟେଷ୍ଟ ମ୍ୟାଚ୍ ମଧ୍ୟ ଖେଳାଯିବ । ପ୍ରଶଂସକମାନେ ଆଶା କରୁଛନ୍ତି ଯେ, ରାହୁଲ ଦ୍ରାବିଡଙ୍କ ପରି ତାଙ୍କ ପୁଅ ଏବଂ ଦେଶର ଏହି ଅନ୍ୟ ଯୁବ ତାରକାମାନେ ମଧ୍ୟ ଶ୍ରୀଲଙ୍କା ମାଟିରେ ଦୃଢ଼ ପ୍ରଦର୍ଶନ କରି ଭାରତକୁ ଗୌରବ ଆଣିବେ ।

ଭାରତର ପ୍ଲେଇଂ ୧୧:

ଯଶୱର୍ଦ୍ଧନ ଚୌହାନ (ଅଧିନାୟକ), ଲକ୍ଷ୍ୟ ରାୟଚନ୍ଦାନୀ, ସାଗର ଭିର୍କ, କୁଶାଗ୍ର ଓଝା, ଅନଭ୍ୟ ଦ୍ରାବିଡ (ୱିକେଟକିପର), ଯଶବୀର ଗୌଡ଼, ଅର୍ଜୁନ ରାଜପୁତ, ଶାଭିନ ବିନୋଦ, ମୋହିତ ଉଲଭା, କାବ୍ୟ ପରେଶ ପଟେଲ ଏବଂ ରୋହିତ ଯାଦବ