Vaibhav Sooryavanshi / ଟସ୍‌ ଜିତି ବୋଲିଂ କରିବ ଭାରତ, ଦଳରେ ନାହାନ୍ତି ବୈଭବ ସୂର୍ଯ୍ୟବଂଶୀ...ଜାଣନ୍ତୁ ପ୍ଲେଇଂ ୧୧

ଆଜିଠୁ ଭାରତ-ଆର୍ୟାଲାଣ୍ଡ ମଧ୍ୟରେ ଦୁଇ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍‌ ଆରମ୍ଭ ହେଉଛି । ସିରିଜ୍‌ର ପ୍ରଥମ ମ୍ୟାଚ୍‌ ବେଲଫାଷ୍ଟର ସିଭିଲ୍ ସର୍ଭିସ୍ କ୍ରିକେଟ୍ କ୍ଲବରେ ଖେଳାଯାଉଛି । ଏହି ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି ଟିମ୍ ଇଣ୍ଡିଆର ଅଧିନାୟକ ଶ୍ରେୟସ ଆୟର । ୨୦୨୬ ଟି-୨୦ ବିଶ୍ୱକପ୍ ଜିତିବା ପରେ ଭାରତୀୟ ଦଳ ପ୍ରଥମ ଥର ପାଇଁ ଟି-୨୦ ମ୍ୟାଚ୍‌ ଖେଳିବା ପାଇଁ ଆଜି ପଡ଼ିଆକୁ ଓହ୍ଲାଇବ । ଏହି ସିରିଜ୍ ଟି-୨୦ ଅଧିନାୟକ ଭାବରେ ଶ୍ରେୟସ ଆୟରଙ୍କ ନୂତନ ଯାତ୍ରାର ଆରମ୍ଭ ।

ତେବେ ଏହି ମ୍ୟାଚ୍‌ରେ ସମସ୍ତଙ୍କ ଧ୍ୟାନ ୧୫ ବର୍ଷୀୟ ବିସ୍ଫୋରକ ବ୍ୟାଟ୍ସମ୍ୟାନ୍ ବୈଭବ ସୂର୍ଯ୍ୟବଂଶୀଙ୍କ ଉପରେ ରହିଥିଲା । ଚର୍ଚ୍ଚା ହେଉଥିଲା କି ସୂର୍ଯ୍ୟବଂଶୀ ଆଜିର ମ୍ୟାଚ୍‌ରେ ଡେବ୍ୟୁ କରିବେ । କିନ୍ତୁ ଏମିତି କିଛି ହୋଇନାହିଁ । ଆଜିର ମ୍ୟାଚ୍‌ରେ ଡେବ୍ୟୁ କରିନାହାନ୍ତି ସୂର୍ଯ୍ୟବଂଶୀ । ଉଚିତ ସମୟ ଆସିଲେ ସୂର୍ଯ୍ୟବଂଶୀଙ୍କୁ ସୁଯୋଗ ମିଳିବ ବୋଲି କହିଛନ୍ତି ଅଧିନାୟକ ଆୟର ।

ଟିମ୍ ଇଣ୍ଡିଆର ଚୁଡ଼ାନ୍ତ ଏକାଦଶ: ଅଭିଷେକ ଶର୍ମା, ସଞ୍ଜୁ ସାମସନ, ଇଶାନ କିଶାନ, ଶ୍ରେୟସ ଆୟର(ଅଧିନାୟକ), ତିଲକ ବର୍ମା, ଶିବମ ଦୁବେ, ଅକ୍ଷର ପଟେଲ, ଓ୍ବାଶିଂଟନ ସୁନ୍ଦର, ହର୍ଷିତ ରାଣା, ଅର୍ଶଦୀପ ସିଂ, ପ୍ରସିଦ୍ଧ କ୍ରିଷ୍ଣା