ODI Match News / ଦ୍ୱିତୀୟ ଦିନିକିଆ : ଟସ୍ ଜିତିଲା ନ୍ୟୁଜିଲାଣ୍ଡ, ପ୍ରଥମେ ବ୍ୟାଟିଂ କରୁଛି ଭାରତ

ବୁଧବାର ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ରାଜକୋଟରେ ଦ୍ୱିତୀୟ ଦିନିକିଆ ଖେଳାଯିବ । ମ୍ୟାଚ୍ ଦିନ ୧ଟା ୩୦ରୁ ଆରମ୍ଭ ହୋଇଛି। ତେବେ ମୁଲାବିଲାରେ ଟସ୍ ଜିତିଛି ନ୍ୟୁଜିଲାଣ୍ଡ । କିଓ୍ୱି ଅଧିନାୟକ ମାଇକେଲ୍ ବ୍ରେସଓ୍ୱେଲ ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଇଛନ୍ତି । ଅର୍ଥାତ ପ୍ରଥମେ ବ୍ୟାଚିଂ କରୁଛି ଟିମ୍ ଇଣ୍ଡିଆ । ଭାରତ ପୂର୍ବ ମ୍ୟାଚ୍ ଭଳି ଏଥର ରନ୍ ଚେଜ୍ କରିପାରିବ ନାହିଁ । ତେବେ ବଡ ସ୍କୋର୍ କରିବା ଲକ୍ଷ୍ୟରେ ଗିଲ୍ ସେନା ରହିବ ।

ଏହାସହ ପଢ଼ନ୍ତୁ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ପୋଷ୍ଟ ଦେଖି ସମସ୍ତେ କରୁଛନ୍ତି ପ୍ରଶଂସା

ଓ୍ୱାସିଂଟନ୍ ଆଉଟ୍

ଦ୍ୱିତୀୟ ଦିନିକିଆ ପୂର୍ବରୁ ଭାରତୀୟ ଦଳକୁ ବଡ ଝଟକା ଲାଗିଛି । ଅଲରାଉଣ୍ଡର ଓ୍ୱାସିଂଟନ ସୁନ୍ଦର ଆହତ ଜନିତ କାରଣରୁ ସିରିଜରୁ ବାଦ୍ ପଡିଛନ୍ତି।ଭଦୋଦରାରେ ଖେଳାଯାଇଥିବା ପ୍ରଥମ ଦିନିକିଆରେ ସେ ଆହତ ହୋଇଥିଲେ । ତାଙ୍କ ଅଣ୍ଟା ଏବଂ ପିଠିର ମାଂସପେଶୀରେ କଷ୍ଟ ଅନୁଭବ ହୋଇଥିଲା। ତେଣୁ ତାଙ୍କୁ ବିଶ୍ରାମ ଦରକାର । ଯେଉଁଥିପାଇଁ ସୁନ୍ଦରଙ୍କ ଜାଗାରେ ଆୟୁଷ ବଦୋନୀଙ୍କୁ ଦଳରେ ସାମିଲ କରାଯାଇଛି । ସେ ରାଜକୋଟରେ ଦଳ ପାଇଁ ପଦାର୍ପଣ କରିପାରନ୍ତି । ଦଳକୁ୫ନମ୍ବର ସ୍ଥାନରେ ଏପରି ଜଣେବ୍ୟାଟର ଦରକାର ଯିଏକି ବୋଲିଂ କରିବା ସହ ବ୍ୟାଟିଂ ମଧ୍ୟ କରିପାରିବେ ।

ଏହାସହ ପଢ଼ନ୍ତୁ: ବାଂଲାଦେଶର ଅନୁରୋଧକୁ ରିଜେକ୍ଟ କଲା ICC, ଭାରତରେ ହିଁ ଟି-୨୦ ବିଶ୍ୱକପ୍ ଖେଳିବ ବାଂଲା ଟିମ୍

ରୋହିତ-ବିରାଟଙ୍କ ଉପରେ ନଜର
ଭଦୋଦରାରେ ଖେଳାଯାଇଥିବା ପ୍ରଥମ ଦିନିକିଆରେ ଦମଦାର୍ ବ୍ୟାଟିଂ କରିଥିଲେ ବିରାଟ କୋହଲି । ସେ୯୩ ରନ୍ କରି ଆଉଟ୍ ହୋଇଥିଲେ । ରାଜକୋଟରେ ମଧ୍ୟ ତାଙ୍କ ବ୍ୟାଟରୁ ବଡ ସ୍କୋର ଆଶା କରୁଛନ୍ତି ଫ୍ୟାନ୍ସ୍ । ସେପଟେ ରୋହିତ ଶର୍ମା ଭଲ ଷ୍ଟାର୍ଟ୍ ଦେଇଥିଲେ ବି ବଡ ସ୍କୋର୍ କରିପାରିନଥିଲେ । ତେଣୁ ରାଜକୋଟରେ ସେ ବଡ ପାଳି ଖେଳିପାରନ୍ତି ।

ଭାରତର ପ୍ଲେଇଂ ୧୧:
ଶୁଭମନ ଗିଲ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟର, କେ.ଏଲ୍ ରାହୁଲ (ୱିକେଟ୍ କିପର), ରବିନ୍ଦ୍ର ଜାଡେଜା, ନୀତୀଶ କୁମାର ରେଡ୍ଡୀ, ହର୍ଷିତ ରାଣା, କୁଲଦୀପ ଯାଦବ, ମହମ୍ମଦ ସିରାଜ ଏବଂ ପ୍ରସିଦ୍ଧ କୃଷ୍ଣା।