ପାକିସ୍ତାନ ବିପକ୍ଷ ମ୍ୟାଚ୍ ପୂର୍ବରୁ ଭାରତୀୟ ଡ୍ରେସିଂ ରୁମ୍ରେ 'Boycott' ଚର୍ଚ୍ଚା, ଗମ୍ଭୀର ନେଲେ ଏହି ପଦକ୍ଷେପ...
Key Points
ଆଜି ଦୁବାଇରେ ମୁହାଁମୁହିଁ ହେବେ ଭାରତ ଓ ପାକିସ୍ତାନ । କିନ୍ତୁ ସୋସିଆଲ୍ ମଡିଆରେ କ୍ୟାମ୍ପେନ୍ ଚାଲିଛି ମ୍ୟାଚ୍କୁ ବୟକଟ୍ କରାଯାଉ । ଆଉ ଏହି କ୍ୟାମ୍ପେନ୍ ଏବେ ଭାରତୀୟ ଦଳର ଡ୍ରେସିଂ ରୁମ୍ରେ ଖେଳାଳିଙ୍କ ଚିନ୍ତା ବଢ଼ାଇ ଦେଇଛି ।
ଦୁବାଇ: ସୋସିଆଲ୍ ମିଡିଆରେ କ୍ୟାମ୍ପେନ୍, ଡ୍ରେସିଂ ରୁମ୍ରେ ଚର୍ଚ୍ଚା । ଏସିଆ କପ୍-୨୦୨୫ରେ ଆଜି ଦୁବାଇରେ ମୁହାଁମୁହିଁ ହେବେ ଭାରତ ଓ ପାକିସ୍ତାନ । କିନ୍ତୁ ସୋସିଆଲ୍ ମଡିଆରେ କ୍ୟାମ୍ପେନ୍ ଚାଲିଛି ମ୍ୟାଚ୍କୁ ବୟକଟ୍ କରାଯାଉ । ଆଉ ଏହି କ୍ୟାମ୍ପେନ୍ ଏବେ ଭାରତୀୟ ଦଳର ଡ୍ରେସିଂ ରୁମ୍ରେ ଖେଳାଳିଙ୍କ ଚିନ୍ତା ବଢ଼ାଇ ଦେଇଛି ।
ଯାହାକୁ ନେଇ ଭାରତୀୟ କ୍ରିକେଟ୍ ଦଳର ମୁଖ୍ୟ କୋଚ୍ ଗୌତମ ଗମ୍ଭୀ ଏବଂ ଅନ୍ୟ ସପୋର୍ଟ ଷ୍ଟାଫ୍ ଖେଳାଳିଙ୍କ ସହ ବିସ୍ତୃତ ଆଲୋଚନା କରିଛନ୍ତି । ଖେଳାଳିଙ୍କୁ କୁହାଯାଇଛି ଯେ, ଖେଳୁଆଡ଼ ମନୋବୃତ୍ତି ରଖି ଅନ୍ୟ ମ୍ଯାଚ୍ ଭଳି ପାକିସ୍ତାନ ମ୍ୟାଚ୍ ଖେଳ । କିନ୍ତୁ ପ୍ରଶ୍ନ ଆବେଗକୁ ସମ୍ଭାଳି ପାରିବେ ତ ଖେଳାଳି ?
ଏଥିସହ ପଢ଼ନ୍ତୁ: ଅପରେସନ୍ ସିନ୍ଦୂର ପରେ ଆଜି ଭାରତ-ପାକିସ୍ତାନ ମଧ୍ୟରେ ପ୍ରଥମ ମୁକାବିଲା
📱 Get Argus News App
✨
କାରଣ ଭାରତୀୟ ଦଳରେ ଥିବା ସମସ୍ତ ଖେଳାଳି ଯୁବବର୍ଗର, ଯେଉଁମାନେ କି ସୋସିଆଲ୍ ମିଡିଆରେ ବେଶ୍ ସକ୍ରିୟ । ଯଦିଓ ଅଭ୍ୟାସ୍ ପୂର୍ବରୁ ଫୋନ୍କୁ ଖେଳାଳି ଫୋନ୍ ରଖି ଦେଇଛନ୍ତି, ତଥାପି ନଜର ରଖିଛନ୍ତି ଲୋକଙ୍କ ଉପରେ । ଗତ ମେ ମାସରେ ଦୁଇ ଦେଶର ସୀମାରେ ତିକ୍ତତାକୁ ନେଇ ନେଟିଜେନ୍ ପାକିସ୍ତାନ ବିପକ୍ଷ ମ୍ୟାଚ୍ ବୟକଟ୍ ପାଇଁ ଦାବି କରୁଛନ୍ତି ।
ଆଉ ଲୋକଙ୍କ ମଧ୍ୟରେ ଉତ୍ତେଜନା ମନୋଭାବ ଦେଖି ମ୍ୟାଚ୍ ପୂର୍ବରୁ ହୋଇଥିବା ସାମ୍ବାଦିକ ସମ୍ମିଳନୀରେ ବିସିସିଆଇ ଖେଳାଳିଙ୍କୁ ଦୂରେଇ ରଖିଛି । ସାମ୍ବାଦିକ ସମ୍ମିଳନୀରେ ଦଳର ମୁଖ୍ୟ କୋଚ୍, ଅଧିନାୟକ କିମ୍ବା କୌଣସି ଖେଳାଳି ସାମିଲ୍ ହୋଇ ନାହାନ୍ତି । ଭାରତୀୟ ଦଳର ସହାୟକ କୋଚ୍ ରଯାନ ଟେନ୍ ଡୋଜେଟ୍ ଭାଗ ନେଇ ଦଳର ମତ ରଖିଛନ୍ତି ।
ଲୋକଙ୍କ ବୟକଟ୍ କ୍ୟାମ୍ପେନ ନେଇ ସାମ୍ବାଦିକ ପ୍ରଶ୍ନ କରିଥିବା ବେଳେ ସେ କହିଛନ୍ତି, 'ହଁ, ମୁଁ ଭାବୁଛି ସେମାନେ ପାରିବେ । ଏହା ବହୁତ ଗୁରୁତ୍ଵପୂର୍ଣ୍ଣ ପ୍ରସଙ୍ଗ । ଭାରତର ଲୋକଙ୍କ ସହ ଖେଳାଳିଙ୍କ ଭାବନା ରହିଛି । ଏସିଆ କପ୍କୁ ଆମେ ବହୁ ଦିନରୁ ପ୍ରତୀକ୍ଷା କରିଥିଲୁ । ଆମେ ଭାବି ନଥିଲୁ ଆମେ ଗୋଟିଏ କ୍ରିଜ୍କୁ ଆସିବୁ । ଆପଣ ଜାଣନ୍ତି ସରକାରଙ୍କ ନିଷ୍ପତ୍ତି କ'ଣ ।'